سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• من امس اتجهت الآمال للغزاله
• آمال الحاسدين
• غايتو لو في مرشح رمزو الغزاله حايفوز لو دائرته تقع في موقف امبده
• حساده ساااااي بفوز
• الوجبه الجايه بالنسبه لينا لحم غزال ساااااي
• لكن الغزال رشيق وجراي وخفيف
• عشان كده يجب ان نبذل قصاري الجهد لكي نصطاده
• وبعد داك نعملوا علي جزئين
• جزء شاورما
• سمعتوا بشاورما غزال ؟
• وجزء زغني
• يعني غزال بالطريقه الحبشيه
• عشان الجماعه ما ينسوا
• وبعدها نخت باقي لحم الغزال في خضره تونسيه
• عشان الاكله تحلو
• والغريبه لو توفقت الملاعق العاجيه في حضور المأدبه
• تبقي احلي اكله
• بنعزمكم ما تخافوا
• لحم الغزال مابعمل اي شي
• حتي ولو كان الزول بعاني من اوجاع بالبطن
• وهي من اعراض مرض ام سادومبا
• بالمناسبه
• الكوتش رجع ولا لسه !
• المصريين ديل مابعرفوا مرض ام سادومبا
• عشان كده ماعندهم ليهو علاج
• العلاج عند صيدليه كبييييييييييييره
• اسمها صيدلية العديل
• العديل الزين
• بالتلفون المصل ينزل في حسابكم
• ويرجع المستقيل ويرضي الزعلان ويقبض الفلسان ويضحك الزهجان ويتم برج الهلال
• يا اخوانا البرج ده وين ؟ انتوا بتكتبوا شيكات ساااااي
• بس اي حته مليانه حمام تفتكروا لازم يكون فيها برج !
• الحمام ممكن نجده في الطاحونه وجوار زريبة العيش وقدام الدكاكين لما يكونوا بنضفوا في الفول
• قال برج قال
• المهم
• الكوتش قالوا مشي يفحص ويراقب الاسماعيلي
• انا سمعتها مشي يفصح ويتعاقد مع الاسماعيلي
• يراقب الاسماعيلي البعيد دااااااااااااااااااااك
• العاجي القريب ده خلاص مراقبتو تمت !
• السنه دي حتانتكم اقرب من كنبة احتياطيكم
• شوف عيني
• قالوا الحبش عندهم ضربة جزاء
• قول عندهم
• وحسبوها
• ودخلت قون
• برضو غالبين تلاته اتنين
• طيب جزيرة الفيل دي عندها حمي !
• عندها ضربة جزاء ومعاها كرت احمر وحق فتح بلاغ كمان
• لو شاتوها كان جابوها
• والنتيجه تعادل
• يعني نقطه من مباراة الجزيره
• ده في حالة صحة هدف سادومبا لو ما تسلل وصحة هدف مساوي لو مابيدو
• كتب الاستاذ الكبير عبده قابل عن صحة ضربة جزاء الحبش
• راجين تحليلك لاسبوع الممتاز يا استاذ عشان نعرف مدي صحة ضربة جزاء جزيرة الفيل
• عينكم للفيل
• الانتخابات قربت
• ولو كل مرشح دفع القروش بتاعت الحمله الانتخابيه لمنطقته لنهضنا بالبلد ولما احتجنا للعراك فيمن يحكم
• بوسترات وعربات ولافتات واجتماعات وولائم وصرف زي الصرف
• معقوله زول يخسر ده كلو عشان يخدم اهل المنطقه
• ادفع تلك التكلفه لاهل المنطقه يدعوا ليك طول العمر بطول العمر
• صديقي الاستاذ عبدالباقي ضو البيت مرشح في الدائره 14 كت الشماليه
• لو فاز بجي الخرطوم للبرلمان
• ولو ما فاز ( لاقدر الله ) بجي الخرطوم يفتح مكتبوا ويقعد
• يعني في الحالتين بجي الخرطوم
• حايوحش اهلوا شديد
• الصديق المهندس عبدالعظيم بالطرق دعاني لاجتماع تكوين رابطة حامل الجويات الرسميه
• بالمناسبه الدعوه عامه
• اي زول عندو جويه رسميه يجي
• الرجاء عدم اصطحاب الاطفال
• قرار قفل التمارين قرار جيد
• يجب علي الصفوه الالتزام به
سلك كهربا
سن الفيل في شاطئ الحتانه تسمي الحتانه ساحل العاج
والي لقاء / سلك
babikir maki [b_silik@hotmail.com]
