ارض الحضارات .. بقلم: بابكر سلك

أخبار أخرى

الله اكبر ولله الحمد .. بقلم: بابكر سلك

22 سبتمبر, 2015

اليوم نترحم علي المليون شهيد .. بقلم: بابكر سلك

22 أغسطس, 2015

خالد خالد فينا .. بقلم: بابكر سلك

21 أغسطس, 2015

 

بسم الله الرحمن الرحيم

 

في السلك

 

 

•       كلام امس ما عجب البعض

•       قالوا كييييف نسمي ارض المريخ بارض الحضارات

•       ياناس

•       سميناهوا الرد كاسيل لما حدثت فيهو تعديلات وتجميلات ومقصورات جديده

•       لكن هذا الاسم الآن لا يجيد وصف الموصوف

•       حوض السباحه دي موش جوه ارضنا وجوه قلبنا ؟

•       في نادي رياضي في السودان الديمقراطي ده عندو حوض سباحه في ناديهو ؟

•       علي قدر الموجود موجود في النوادي الاسريه والاجتماعيه فقط

•       الزعيم له حوض سباحه كبييييييييييييييييييييييييييييييير

•       والداير يعوم يتبلبل  اول

•       ودي حضاره جديده

•       اول نادي سوداني بني استاد

•       دي حضاره زماااان

•       وبعد داك توالت الحضارات

•       اول نادي سوداني والوحيد الذي احرز بطولة الدوري بدون هزيمه او تعادل

•       ادب جديد في ذلك الوقت مثل حضاره زي حدائق بابل المعلقه الناس ( مصنقعه ) تعاين بس لكن مافي زول قدر يوصل للانجاز

•       ثم عقبت ذلك حضارات اخري

•       اول نادي سوداني بني ناديا بالطوابق واظنه الوحيد

•       النادي السوداني الوحيد الذي لعب مباراتين في نفس التوقيت وفي مدينتين مختلفتين

•       ده حضاره فريده من نوعها

•       ثم جاءت مرحلة الاسره السادسة عشر وحققت اغلي  مكتسبات الحضاره المريخيه

•       اول كأس دوليه جويه رسميه ( ما بتاعت ختان  اولاد الشيخ )

•       كانت سيكافا الاولي من تنزانيا

•       وبعدها

•       جاء الكاس بطائرة سودانير

•       اول طائره في العالم تطير والكابتن فاتح القزاز ومارق علم السودان وعلم المريخ

•       مانديلا

•       وهو اعظم ملوك الحضاره المريخيه في العهدين القديم والاوسط

•       وتبعت ذلك جويات اخري

•       حتي يكاد المتصفح لصفحات التاريخ ان يظن بان جمهور المريخ تجار شنطه

•       كل يوم في المطار

•       وفي ذلك العهد يقول المؤرخون ان حضارة المري ازدهرت ازدهار شديد وتم لاول مره في جمهورية السودان الديمقراطيه تكريم نجوم المملكه المريخيه في القصر الجمهوري ونيلهم لاوسمه من الدرجات الرفيعه

•       وتلي ذلك تكريم من جمهورية السودان ( الوكت داك ما ديمقراطيه ) ايضا داخل القصر الجمهوري واوسمه اخري

•       ويقول التاريخ ان ذلك التكريم هو الفريد من نوعه في السودان حيث لم يتجرأ احد ان ينال مثله

•       فخبرت الحضاره المريخيه منذ ذلك الزمان ردهات القصر الجمهوري

•       ثم تتطورت الحضاره المريخيه في عهد الاعمار الثاني  ايام السلطان جمال الاول

•       ظهرت طوابق في الاستاد وكثر السراميك والقزاز وتبدل الملعب وانتصبت كشافات هي الاولي من نوعها في البلد

•       كان الشعب في تلك الحقبه يسيل في تكتلات بشريه في العصريه ليري الطفره العمرانيه المدهشه

•       اربعه ابراج ايفيل

•       عشب مستورد من بابل

•       مقصورة تاج محل الهنديه الاصليه الصندليه

•       وكندشه

•       وتزداد حشود الزائرون يوميا

•       البشوف خشمو خفيف بحكي للماشاف

•       والماشاف تاني يوم بجي يشوف ويمشي يحكي

•       حتي الخواجات جاؤا وزاروا واندهشوا من الطفره الحضاريه المريخيه العمرانيه  في عهد السلطان جمال الاول

•       ثم بدأ العمل في المسبح

•       والذي يعتبره البعض من المؤرخين ترف وبذخ ولكن اصحاب النظره الثاقبه كانوا يروا فيه انه ضروره تتماشي مع طفرات الحضاره المريخيه في العهود الحديثه

•       يري اهل التاريخ ان اسباب غزو محمد علي باشا للسودان كانت تتمثل اهم عناصرها في بحثه عن الرجال والمال

•       الامر الذي يجعل معظم اهل التاريخ يخافون من محاولة تكرار  الغزو سيما وان مملكة المريخ تعج بالرجال وماعارفه وين تودي المال

•       ويعمل رجالات الدوله سرا وعلانيه  علي دخول القصر الجمهوري في هذا العام مكرمين كما دخلوهوا من قبل

•       الامر الذي اثار حفيظة سكان الدويلات الفقيره المجاوره والتي تحاول ان تدخل في حرب عصابات علها توقف الزحف الحضاري لمملكة الزعيم

•       والجدير بالذكر ان الحضاره المريخيه علي مر العصور تتشرف بانها لم تحكم بواسطه خواجه

•       ولم تنتسب للفرق الاستعماريه الكشفيه

•       لا كلارك ولا مارك

•       شاخور حجوج  خالد جمال

•       هكذا تكون اسماء ملوك المملكه

•       هذا كتابي

•       وين كراسك يا فرده !

•       واحد لذيذ جدا

•       علي العليهو مشي قيل في البحر

•       قريب العصريه جا واحد قعد معاهو

•       اتعارفو واتونسوا

•       الزول الجديد قال للقاعد الحته خطره القش ده يمكن يمرق لينا منودبيب

•       القاعد عاين براحه للزول وقال

•       دبيب كان مرق بعمل شنو ؟

•       قال ليهو بعضي

•       قال ليهو عضه وتروح

•       قال ليهو تروح وين الدبيب بخلي سنونو في جسم الزول العضاهو

•       قام المقيل في البحر قال وطيب لو الدبيب بعد خلي سنونو في جسم الزول ومشي ولا قاهو زول تاني بعمل شنو ؟

•       الاول قال ليهو بعضيهو

•       قال ليهو يعضيهو كيف وهو خلي سنونو في جسمم الزول العضاهو قبيل

•       الاول قال الدبيب بعد يعضي ويخلي سنونو بتقوم ليهو سنون تاني ويعضي بيها

•       قال ليهو ده دبيب اصلو ولا دباسه !

•       بكره بحكي ليكم حكاية الزول البشرك للقمري

•       نعوذ بك ربي من شر النفاثات في العقد

•       وفي البخور

•       وفي الكجور

•       ومن العين

•       جاهزين للترجي

•       نحن مريخاب حمر

•       عمك احمد نام في الخيره وقال واحد 000 واحد  

 

سلك كهربا 

                    لن ننسااااااااااااااااااااااااااااااااااااااك

والي لقاء

سلك

babikir maki [b_silik@hotmail.com]