سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• للكوره طقوس معينه وممتعه
• تمشي الكوره جوار الاستاد تشتري تسالي تشتري بطيخ مشقق تشتري تبش بالشطه بالدكوه
• تشتري تسالي ( عادي ) او (اسود ) او (قرع )
• تستمتع
• تقرقش بمزااااااج
• تجيك واحده حامضه تطيرها ليك من راسك
• تتفتف وتحاول ان تستعيد المزاق القبيل بتساليات جديدات
• تشتري بطيخ مشقق
• ابيض
• سيد البطيخ يقنعك انو احمر
• وانت شايفو ابيض
• تقتنع وتاكل البطيخ علي اساس انو احمر
• تشتري تبش
• بالشطه
• بالدكوه
• بشراهه تلبع
• تتداخل الايادي
• تتمازج ( الالعبه ) في صحن الشطه
• مافي زول ( بقرف )
• طالما تمازجت الامزجه
• واتحد اتجاه التشجيع
• لامشكله
• الجواك جوه الناس كلها
• وفي ناس
• اول حاجه يقعدوا مع ستات الشاي في بنابر صغااااااااار
• مابتشوف البنبر
• بس تشوف الزول مهوي من الارض
• بنبر زي شنب شارلي شابلن
• المهم
• اي زول يمارس طقوسوا
• ويقوم يدخل الكوره
• امس جيت بشارع الزريبه
• لقيت شرطه كتاااااااااااااااااار
• ومافي زول
• حتي ستات الشاي مافي
• ناس التسالي بار ليهم
• الا يبيتوهوا في التلاجه
• عشان ما يخمر
• مافي سيد تبش
• قلت في شنو ؟
• قالوا لي الجماعه لاعبين ضد المهديه
• قلت ليهم كوره مافيها تبش دي بستحملوها كيف ؟
• قالوا تقول شنو
• تشعر انو في اضطراب امني
• حدث وشيك الوقوع
• اظنها قنبلة الارباب
• ناس تعاين بي قعر عينها
• وناس ماده قداديما
• اي زول مستعد
• خلي بالك في عوه
• سألت
• ياناس في شنو ؟
• واحد قال لي صلاح ادريس احتمال يجي الليله
• قلت ليهو وصلاح ابراهيم ده اقصد صلاح ادريس ده بجي بي دبابه اصلو ؟
• قال لي خلالالالالالالالالاص
• كفانا
• قلت ليهو قولوا الرووووووب
• قال لي كوره مافيها تبش ؟ ياحليل هلال زمااااان
• التبشه اكبر من بشه
• المهم
• مريخابي كبييير قابلني
• قال لي التكميليه دي موش فيها اعاره ؟
• قلت ليهو بالحيل
• قال لي بالدولار ما بالحيل
• قلت ليهو صاااح
• قال لي برشلونه موش الدوري عندهم انتهي ؟
• قلت ليهو صااااح
• قال لي وكاس اوروبا بتاعهم انتهي ؟
• قلت ليهو صااااااح
• قال لي يعني ميسي قااااااعد ساااااااااااي
• قلت ليهو صاااااح
• قال لي الوالي ماقال ميسي بجي اعاره ؟
• قلت ليهو ميسي مارق من ارجنتين جدودو لي شنو ؟
• قال لي للفايده
• قلت ليهو كان كدي بجي 0000 بجب بجي بجي
• قال لي بجي
• ابو ماسوره المابخجل لحق الوالي في بيتو
• لكن بارك الله في الآيتين
• قالوا جايبين طرف شمال
• والارباب مشي القاهره للموضوع ده
• طرف شمال من القاهره ؟
• عشان تحلوا مشكلة الطرف الشمال دي نهائي جيبوا ليكم طرف صناعي
• اقول ليكم حاجه
• اعملوا فيس بوك للطرف الشمال
• عشان الكتاااار الاتعاقبوا علي الخانه دي يتعارفوا
• غايتوا الجماعه بي فلسهم ده في التكميليه حايشتغلوا زي شغل سوق المواسير
• يجيبوا اللاعب
• يقولوا ليهو تسجل اسي بميه كاش ولا تسجل بمليار نديك ليها السنه الجايه ؟
• اللاعب يفر شويه
• ويقول في سرو الميه الكاش الاسي زاتها تلقاها بي شيك
• اتفلسي
• الزعيم في التكميليه بتكلم باليورو
• الهلال في خشيمو سمح قولو
• اقول ليكم
• جيبوا زولو
• جاينك يادحيه
• بكره
• مع موضوع سفر سادومبا
• بالمناسبه
• قالوا ام سادومبا قالت ليهو حلمت بيك لابس احمر في احمر , حلالالالاتك بالاحمر يا سادومبا يا وليدي
• سادومبا قال ليها قلت كده ياحاجه ؟
• احلامك لازم تتحقق
• يعني سيد التبش ما يعيش !
سلك كهربا
النسيان لو اتعلق بيك يبقي كلمه لامكان لها في قاموس قلوبنا
والي لقاء
سلك
babikir maki [b_silik@hotmail.com]
