سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• روشا اخيرا اقتنع يبيع
• لكن داير يعلي السعر شويه
• يا روشا الغالي متروك
• كيلو الطماطم لما حصل عشره
• الناس نست معاهو العشره (بضم العين )
• اها
• عشان كده السعر المعقول
• امس روشا جاب كتاباتنا في حبيب البلد
• بي صورنا
• زينه في زينه
• والله خايلين ياروشا
• بس العنوان يبقي احمر واصفر
• والارباب يخلي المايشتري يتفرج
• وحبيب الارباب يشتري
• خالتي قالت لي صورتك في حبيب البلد متحكر لايقه معاك اكتر من ابو نضاره ده
• قاصده ضفاري اظنها
• وقالت لي صوره احمد محمد احمد في حبيب البلد محلها الصفحه الاخيره علي ايدك الشمال
• والليييييييييييييله ياروشا
• عامل لي ميت ركن
• براك جبت الكلام لي روحك
• تاني اتركني
• اها
• واحد سألني قال لي انت قلت وارقو زي سكين اليوم الاسود لكن انا مافهمتها
• قلت ليهو قالوا زماااااااااااااااااااان
• بدري الكلام ده
• كان في زول خاتي ليهو سكين في ضراعو اصلو ما بتفارقو
• يصلي بيها
• ينوم بيها
• يمشي بيها الشغل
• يعرس بيها
• يستحم بيها
• يطلعها
• يقطع بيها
• ويرجعها تاني في بيتها
• ويلبسها في ضراعو
• اها
• قال ليك يوم مشي الخلا
• جا راجع لابهايم
• ولاقروش
• ولاهدوم
• مولاي كما خلقتني
• والسكين معلقه في ضراعو
• الحله كلها جرت عليهو
• قالوا ليهو يازول مالك ؟
• قال ليهم لاقوني حراميه قطاعين طرق
• اي شئ شالوهو
• قعدوني ساااااااااااااااااااي
• واحد من ناس الحله قال ليهو
• وسكينك دي شايلها لي شنو ؟
• قال ليهو لليوم الاسود
• دحين وارقو ده نحن ماشايلنو لليوم الاسود ؟
• المهم
• الجماعه طبعا لي اسي مامصدقين
• قابلت هاشم المحامي
• يتبسم سااااااااااااااااااي
• وهاشم طبعا بحب اطفالوا شديد
• في دي بشبه المريخاب
• اسر وعوائل
• المهم
• قال لي ماقابلتك من يوم الخميس
• قلت ليهو البركه في الشوفه
• قال لي الغلب كيييييييييف !
• قلت ليهو وحياة اولادك انت مصدق ؟
• سكت
• هاشم بحب اولاده شديييييييييييد
• قال لي والله لي اسي شايفها طشاش طشاش ومامصدق
• ناس مامصدقه
• رب صدفه خير من الف ميعاد
• صدفه ساااااااي
• ياخ دخلوا الميدان وكل زول وقف في خانتو
• وكل زول خليفتو من بلد
• اقصد فنيلتو من بلد
• رجفه
• قالوا الزول قال نشكر اهل نيالا
• نيالا براهم
• ناس تلس مامعاهم
• ناس تلس ذاتهم براهم ؟
• يا زول
• الشكر موصول لي ناس بورتسودان بالتحديد سواكن
• اقول ليك الاسم ولا كفايه !
• لاتبخسوا الناس اشيائهم
• انتقادنا لاي لاعب في الزعيم لايعني ان الغلابه افضل في شئ
• امبده !
• معقوله !
• في ناس كتااااار شايلين من سعيد السعودي
• ياناس
• لاتظلموا الفتي
• عودوا لجميع المباريات
• حاتعرفوا دور هذا الشاب
• في كورة الترجي بمجرد خروجه مصاب كان الانهيار
• وفي كورة لخويا بعد خروجه انكشفت المستويات
• وفي اي مباراه
• شوفوهوا كويس
• واحد قال لي الهلال غلب صدفه
• قلت ليهو ودي دايره ليها درس عصر !
• قام واحد تاني قال لي محمد الياس قال الوالي يقعد عشان مافي بديل ومافي زول بقدر يصرف 75 مليون شهريا علي الفريق
• قلت ليهو ودي دايره ليها محمد الياس عصر !
• كنت بسمع في شريط كاسيت قديييييييييييييم
• للرشيد كسلا
• وعندو رميه قال فيها
• لا يلاقينا لا نلاقيهو لا نتلم
• اسلام قالت لي ده الباشا ؟
سلك كهربا
البنساااااااااااااااااك مامننا
والي لقاء
سلك
babikir maki [b_silik@hotmail.com]
