سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• البلد دي ربنا حباها بخصائص جعلتها متفرده عن غيرها من الدول
• عندنا حاجات حقتنا برانا
• بنعرفا برانا
• العالم كلو يقتنع بفكره
• ماضروري نحنا نقتنع معاهو بفكرتو
• بل يمكن ان نأتي بفكره اخري مناهضه لفكرة العالم كلو
• ونقتنع بيها
• ونتعامل بيها في وطنا الحلو ده
• ويحرق العالم
• وتحرق افكار العالم المقتنع بيها
• مثلا
• مهندسين خمسه سنين يصمموا في سياره مثلا
• كل واحد فيهم مختص بجزء معين من السياره
• يصبوا كل العلم والخبرات ودولارات الشركه المنتجه في ابتكارهم الجديد
• يخرجوا للعالم بسياره تدهشه روعة واناقه وخدمه للانسان
• تكييف زي التكييف
• طبلون زي المطار بالليل من فوق
• كراسي تمشي قدام وفوق وتحت
• اضاءه تتدرج حسب المزاج
• الشكل العام منساب
• زي صابونة الحمام
• لا يصنعوها فيها ( اميات) ولساتك تعليه
• لانها تصمم للعمل في طرق ملسااااااااااااااااااااء
• ناااااااااااااااااااااااااااااعمه
• كانها خد حسناء منعمه لا تعرف للشمس وللمواصلات وجري الحافلات طريقا
• نعومه طبيعيه
• لاكريمات ولا ( لخوخه )
• لا صباعات تفسخ
• ولا غنج مصنوع
• بعد داك
• يدخلوها تجارب
• العالم يحضر تلك التجارب
• ويشيد بالصانع
• وينزل المنتج للاسواق
• ويكون الثمن اعلي الاسعار العالميه
• في ذلك الوقت
• نكون نحن كما نود
• راقديييييييييييين
• نتونس
• شماراتنا تتطاقش
• وتصلنا السياره الجديده في اسواقنا
• سمسار عربات ماليهو علاقه بالمسأله
• ماعارف الكلتش شمال ولا يمين
• الفرمله قيلها بالطرف
• قاااااعد في سوق ليبيا مشنق طاقيتو
• وواحد زيو مركلس في دلالة السوق المركزي
• متكئ في عنقريب حبالو زي خطوط قيص كامبوس الوحيد
• ببساطه يعاينو للعربيه ويقولوا كعبه
• واطيه بتضرب في الحجار
• مامرغوبه
• وتتداول الكلمه
• مامرغوبه
• وتبور العربيه الفارهه
• وتضيع جهود المهندسين وابتكاراتهم سااااااااي
• سمسارنا بعرف احسن من مصممي العربات في اليابان
• العالم كلو ما بغير فكرتنا
• مامرغوبه يعني مامرغوبه
• عشان ( واطيه ) وبتحك في الارض
• وزي ماقال السمسار كان ركبوا معاك الاولاد ماشين ليكم مناسبه سااااي عربيتك دي تحك في الواطه من هنا للمناسبه
• وتبور العربه
• لكن السؤال
• كعبه العربيه لانه ارتفاعها عن الارض بسيط ولا كعبه شوارعنا الكان جات بي فوقها طياره تحس انت لو راكب فيها بالدقداق
• الكلام الفوق ده كلو قلتو عشان افهم حاجه عن وارقو
• لايختلف اثنان علي ان وارقو لعااااااااااااااااب
• وحافظها
• ولا يختلف انسان علي ان وارقو لم يدينا كما كنا نتوقع منه
• ولكن السؤال
• العيب في العربيه الفارهه ولا في شوارعنا الزي ضهر التور
• شاهدت هدف لوارقو في مازيمبي ايام كان يلعب في انيمبا
• استلم وارقو الكره في دائرة السنتر
• لعب باص ارضي قوي لرأس الحربه ( زميلو) الذي كان يقف عند رأس خط طمنطاشر وظهره للمرمي
• وصلت الكره لرأس الحربه
• ووصل معها وارقو
• وماكان من راس الحربه الا ان مرر الكره امام وارقو المندفع الذي دخل بها الخط وهدف محرزا اجمل هدف
• من وارقو استلم الكره في دائرة السنتر والي ان احرز الهدف كان الزمن ثواني معدوده ومسجله علي الشاشه
• في مباراة المريخ وجزيرة الفيل الاخيره راوغ وارقو لاعبين من الجزيره عند السنتر
• ولعب باص ل ( 000000 ) وجري مسرعا للامام
• نفس شكل هدف انيمبا
• وعندما دخل وارقو خط تمنطاشر كان ( 000000 ) لسه مستحوزا علي الكره ويصنقع ويدنقر كايس ناس العجب
• وناس العجب مغطيين
• ووارقو سارق اللعب
• وبرضو ( 000000) ما فطن للحكايه دي
• ولعب الكوره لناس العجب عااااااليه
• الدفاع شالها بالهد
• انتهي الامر
• وانتهت الهجمه
• وانتهي مجهود وارقو
• يبقي يا اخوانا العيب في العربيه ولا في شوارعنا الحيرتنا ؟
• يبقي الحل يكمن في واحد من اتنين
• يانصلح الشوارع ( ودي صعبه )
• يا نرجع العربيه (عشان مامرغوبه )
• ويبقي انتصر السمسار الشانق الطاقيه علي فطاحلة مهندسي اليابان
• المهم
• شفتوا كاس العالم !
• لاقاكم كاس عالم ابيخ من ده ؟
• الله يجازيك ياقسطنطين
• ده كاس عالم تفوتنا ليهو ؟
• والله كان عملنا حاجه
• انشاء الله ندرن مع البرازيل
• وننشل ليك ايطاليا
• فرنسا الشفتها دي
• بفريق الشباب نديها تلاته الشمس بره
• فرصه
• قال قبرص قال
• زول سواكن (ابو ريحه ) قالوا احتفلوا بيهو يوم الجمعه
• بدري الكلام ده
• وبرضو تقول لي انا ماشي نيالا !
• اوو ووووو
• عشنا في عسل في كل شئ
• لي حوض السباحه ده عندنا
• لكن العسل الكتير شرقنا
• طالما مافي حساب
• يبقي مافي اهتمام
• وطالما مافي اهتمام
• يبقي مافي انتماء
• وطالما مافي انتماء
• يبقي مافي ولاء
• الحساب ولد ياوالي
• الحساب يجب ان يقع قرش ونص
• للذكري
• ابو العائله شطب بجرة قلم واحد سبعه نجوم حافظنها
• ومشي المريخ سير السير
• البضوق عسلنا ياوالي لازم يضوق قرصة نحلنا
• اري ان الدافي مفيد
• غيور
• حريف
• ومجنس
• اذن مناسب حاليا
• فقط لاتحاربوهوا ايها المحاربون
• الباشا حسنا قال عندما طالب باعارته
• علي الاقل يعيد حساباته
• وان كان جديرا مكانه محفوظ
• وان كان غير ذلك يستحق التكريم
• برضو دي عشره ياناس
• ياوالي
• ثيردباك عديييييييييييييييييييييييييييييل
• صرييييييييييييييييييييييييييييييييييييح
• بدل ايداهو
• الياس الصفوه
• من السعوديه ارسل لي رساله قال فيها
• لاسانا والباشا وسعيد والشغيل ونجم الدين وجايبين مرابط
• ديل كلهم ارتكاز
• دي اصلو خانه ولا فصل !
سلك كهربا
ننسااااك كيف ونحنا لي اسي كايسين بديلك !
والي لقاء
سلك
babikir maki [b_silik@hotmail.com]
