زي ده بتجيبوهوا من وين ! …. بقلم: بابكر سلك

أخبار أخرى

الله اكبر ولله الحمد .. بقلم: بابكر سلك

22 سبتمبر, 2015

اليوم نترحم علي المليون شهيد .. بقلم: بابكر سلك

22 أغسطس, 2015

خالد خالد فينا .. بقلم: بابكر سلك

21 أغسطس, 2015

بسم الله الرحمن الرحيم

في السلك

• زول نيالا ده في القرعه بعزل ليكم !

• عزال جنس عزل

• جاب ليك كابس يو ( ميتد ) ده من وين

• غايتوا ابو ماسوره دخل كل ابراج افريقيا حتي عزل ليكم

• الناس مشغوله بكأس العالم

• وابو ماسوره وجد الفرصه وفتش

• لما لقي ليكم حمام ميت ومحنط

• اتذكر سادومبا ده اتأخر في زيمبابوي كتيييييييييير

• حتي لحق المعسكر في مصر

• كابس برضو زيمبابوي

• المشكله شنو لو الزول قعد مع اهلوا ؟

• مافي مشكله

• غايتو

• قد ينعم البعض بالبلوي وان عظمت

• ديل نحنا

• وقد يبتلي الله بعض القوم بالنعم

• ديل انتوا

• قياسا علي نتائج المباراتين

• قال كابس خطير

• طبعا اليوم صحف كتيره كتبت

• بصمات ميشو تظهر

• ميشو يقول خليفه محله اوروبا

• ميشو يوعد بكأس الكونفدراليه

• هاك مانديلا ده

• المهم

• نرجع لي ناسنا

• الصفوه ليها رأي

• وعارفه الحاصل

• وحاج احمد قرر ينوم في الخيره

• لكن ابلغ تعبير قالوا الصفوه ميرغني كرار السيد البكري

• ود شيوخ وضو قبيله

• قال

• مواهب قليله بل فقيره+ جديه + حبة حظ + سفره لي نيالا= فريق بغلب في الشوط الاول اربعه

• ومواهب كبيره + استهتار + عدم مسائله + كج (طبيعي او غير طبيعي ) = فريق يبحث عن التعادل في بلدو ولا يقوي علي الصمود في اي ساحه

• آل معسكر آل

• جمال حمودي يا دولي يا شقيق

• ياوالي

• الناس ديل لايستحقون برج الفاتح

• لوكونده او بيت عزابه

• تعسكر قدر مجهودك

• فول ساده

• الجبنه غاليه

• الحساب ولد

• وكت العز والمعامله الراقيه ماجابت احساس بالولاء

• يبقي الطريقه لازم تكون عكسيه

• ما اللاعبين بس

• حتي الاداريين القاعدين صور ساااااي

• لابطقعوا ولا بجيبوا الحجار

• ياناس

• بعد الشفتوهوا ده

• خط هجوم كامل غير متوفر

• السعودي وجد الفرصه كامله

• كروجر كان غلطان ؟

• خليهو كروجر

• مازدا غلطان

• خليهو مازدا

• اي زول غلطان ؟

• لاعب غير مقاتل لايفيدنا

• قلم الشيني

• يودي ما يجيب

• مستوي الفريق الشفناهوا في امدرمان ده

• كان ممكن نقول بنغلبوا في بلدو

• لكن وينها القلوب البتغلب بره !

• وااااااااااااااااااااااااااااحد

• وفات

• الله اراد

• ياناس

• غايتو ضيف الله ومرابط كان ده نفطيهم اخير اليرجعوا من اسي

• كلموهم

• نهي استعراض

• نهي استمراض

• الداير يلعب لينا بحماس قبل الموهبه مرحب

• والشايف روحوا كبير وحافظها ما حبابو

• منذ اليوم

• الحساب ولد

• ومافضل شئ نفوت عشانو

• الممتاز زاتو لو ماجانا بي جداره وفي القلب حراره مادايرنو

• ياناس

• لو يعلم المتلاعبين ديل بان المريخ هو الذي اعطاهم المال والشهره لبذلوا مجهودا مقدر

• ولو علموا ان الشطب بوديهم للنسيان كان جروا صاح

• المهم

• قال لي شفت سادومبا ؟

• قلت ليهو بلدا مافيها ايداهو يقدل فيها سادومبا

• النفطي واقف لضربة الجزاء تقول واقف في شارع النيل

• بدون احساس

• بدون حماس

• بوب مارلي لو كان حي وشاف الفريق ده كان خلي اغنية زيمبابوي

• لو كانت نيالا ضروره

• مفروض الاداريين القاعدين ساي ديل يسكنوا هناك

• يرسلوا الدوا في مسج انشاء الله

• ماكلوا طلاسم

• بالمناسبه

• الفكي بكتب رموز وطلاسم غريبه

• نجمه ومربع وكم عدد كده ونجمه

• زي الداير يحول رصيد

• لكن المحيرني

• الاداهو رقم شريحتنا منو ؟

• ان الله سيبطله

سلك كهربا

ننساااااااااااااااااااااااااااااااك كيف ؟ اريت0000000

استغفر الله العظيم

والي لقاء

سلك

babikir maki [b_silik@hotmail.com]