شان شنو!! .. بقلم: بابكر مكي

بسم الله الرحمن الرحيم
في السلك

•    كل مقدر ببقي واقع
•    واي واقع ببقي ذكري
•    نحنا عندنا ذكريات جميله مع اخوتنا في الوطن سابقا
•    برغم واقع اختيارهم للانفصال واستعصامهم بالبعد عنا
•    برغم رفعهم لشعار الغابه ولا الشمال الفسل
•    مع اننا لم نبخل عليهم بشئ
•    ومكنة عدم العداله في التنميه دي طبعا غير مقنعه ابدا
•    فهناك مدن في الشمال والشرق لاتعرف حتي معني كلمة تنميه
•    انه وضع ورثه الوطن عن حقب متعاقبه وكتيره
•    برغم كل ذلك
•    الا ان الذاكره تحتفظ لهم بكثير من المواقف وبالذات الطريفه
•    عندنا اخونا في الوطن سابقا اسمو تومي
•    الآن اصبح اخونا في الذكريات
•    تومي ده عباره عن كتلة من الكوميديا تمشي علي قدمين
•    قدمان تلبسان مقاس سته واربعين بالتلتله
•    ورجل فنان تشكيلي رائع
•    المهم
•    اي حاجه تقولها ليهو يقول ليك شان شنو
•    كان قلت ليهو يا تومي ازيك
•    يقول ليك شان شنو
•    تقول ليهو بكره نمشي البحر
•    يقول ليك شان شنو
•    اي شئ شان شنو
•    كنت اتمني ان اقابله ايام الاستفتاء
•    واسأله
•    يا تومي داير وحده ولا انفصال
•    لو قال لي وحده
•    اقول ليهو شان شنو
•    ولو قال لي انفصال
•    اقول ليهو شان شنو
•    لكن لم اقابله
•    وماعارف شان شنو
•    المهم
•    تذكرت تومي وعبارته الشهيره شان شنو في هذه الايام
•     البطوله الافريقيه التي نستضيفها لها مختصر
•    ومعروف انها معموله لاكتشاف مواهب جديده
•    واختصارها شان
•    فقلت شان شنو
•    مادام ما بنشرك فيها وجوه جديده
•    شوف استاد مدني
•    شان شنو
•    شوف حفل الافتتاح
•    شان شنو
•    شوف نمرة الفنيله البتطير براها
•    شان شنو
•    شوف محاولات نقل النهائي من المريخ
•    شان شنو
•    والف شان شنو
•    نقل مجموعه بورتسودان
•    شان شنو
•    ده كلو خلوهوا
•    ديمبا قال ماشي نهائي
•    شان شنو
•    وقال مابنصح محترف يلعب في السودان
•    شان شنو
•    شان الزول في السودان ما بدوهوا قروشو
•    افرز يا ديمبا
•    واوريك تفرز شان شنو
•    شان وارقو وكلتتشي والراحل ايداهور
•    قالوا ليهم خلوا المريخ
•    قالوا شان شنو
•    تفتكر قالوا شان شنو
•    شان شنو
•    ديمبا هين
•    الككو تاني ختف جواز سادومبا
•    ومكنة الجوازات تاني باظت
•    باظت شان شنو
•    ديمبا يحرض اللاعبين ضد الهلال
•    شان شنو ؟؟؟؟؟؟؟؟؟؟؟؟؟؟؟؟؟
•    تفتكروا ديمبا البحرض في اللاعبين علي عدم الاحتراف في السودان لو قعد مع الوالي بقوم ؟
•    مابقوم !
•    شان شنو
•    وتستمر فعاليات البطوله
•    بطولة شان
•    شان شنو ؟
•    شان الجمهور الرائع ده
•    ايسكوتي ايسكوتي
•    انت دمك خفيف يا بت
•    بجد يا حاجه !
•    طب تلاته بالله العظيم دمك خفيف اكتر من الرغيف
•    هوا الرغيف خفيف يا حاجه ؟
•    امشي اطلعي بره
•    اطلع بره ازاي يمه , بره فين ؟
•    برات ميدان التحرير يا بت , روحي الهي يطسك حنطور شايل سبعين رغيف عيش
•    المهم
•    كل سنه وانتوا طيبين والف صلاة وسلام عليك يا حبيب الله
•    مبروك اجازة المولد
•    تاني حانتجدع في كل المناسبات الدينيه
•    وكل عام وانتم بخير بمناسبة اربعطاشر فبراير
•    زمان الناس كانت شغاله بنقل فؤادك حيث شئت من الهوي ما الحب الا للحبيب الاول
•    الزمن ده زمن اختصارات
•    الناس اختصرت العباره بنقل فؤادك حيث شئت من الهوي
•    نقل ساااااااااااي
•    زمان الناس بتبحث عن الحبيب الدهر كلو
•    اسي المثل بقول كان ما لقيت البتريدو ريد البتلقاهو
•    ماترجع فاضي
•    حنك من طرف
•    المهم
•    قالوا واحد ابوهو مسئول كبير
•    الولد جا للابو
•    قال ليهو يا ابوي دايرك تخطب لي
•    الابو فرح وقال الله واكبر , ربنا يتم ليك علي خير , من وين الناس ديل ؟
•    الولد قال من هنا , من السودان ده
•    الابو قال ابوها منو ؟
•    الولد قال اسمو طلال محمد حسين
•    الابو قال ماعرفتو , لكن طالما سودانيين مبروك مقدما , والبت دي قابلتها وين ؟
•    الولد قال في الفيس بوك
•    الابو قام حيلو , جري علي الشبابيك قفلها كلها , عمل ليهو كم تلفون كده , واتلفت علي الولد وقال
•    دي بالذات ماعافي ليك دنيا واخري كان عرستها , فيس بوك ؟ شان شنو
•    وطلع يردد
•    شان شنو …. شان شنو …… شان شنو
سلك كهربا
                     ننساك ؟ شان شنو !
والي لقاء
سلك
babikir maki [b_silik@hotmail.com]