سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• قال ليك واحد بتفرج في كورة اشبال ثورة ميدان التحرير ضد الجماعه
• الزول ابوهو كبييييييير في السن ونظرو ضعيف وسمعوا تقيل
• اللهم متعنا في ابصارنا وفي اسماعنا و اجعلها الوارث منا
• المهم
• الابو جاء واتحكر وقعد يتفرج في التلفزيون
• عمك متابع وعارف ثورة الشعب الليبي
• وعارف كمان ان قوات القذافي قد قصفت مدينة الزاويه
• وعارف كمان ان كتائب القذافي كلها افارقه زرق مرتزقه
• المهم
• شفع مصر شالوا الكوره وجروا علي قون الجماعه
• وجابوها قون
• خمسه من الجماعه كانوا واقعين في الارض
• عمك اتشهد
• لا اله الا الله محمدا رسول الله
• وعاين شديييييييييييييد للناس الواقعين
• وقال لي ولدو لكن قصف الزاويه ده مجزره عديل كده
• بالله شوف كم نفر واقعين في الارض
• وعاين شديد للناس الواقعين
• وقال , ديل انتهوا ديل
• ولدو ضحك وقال ليهو يا ابوي زاوية شنو وقصف شنو ؟
• الابو قال وهو مؤشر علي الشاشه الزاويه ياها دي والقصف ياهو ديل ضحاياهو
• وطبعا كان مؤشر علي الناس الواقعين
• والله ياعمك ياها الزاويه وياهو القصف
• لكن ياحاج يوم الجمعه تعال بدري بدري شوف بنغازي دي بتهري ليك الناس ديل كيف
• المهم
• الجماعه يتباكوا علي غياب مساوي
• كأنو مساوي ده ماكان مبطوح في قون هنو
• ولاكان مطرود في قون راجي
• ولا كان قاعد يوم ايداهو وايام طمبل
• مساوي ايه الجايين تقولوا عليهو
• تعالوا بالفي والمافي بالمافيا زاتها
• غير نغلبكم احتمال تاني مافي
• احتفظوا بالبكا لبعد الكوره
• قولوا لو مساوي كان في قون ساكواها ده ماكان دخل
• وقون هنو كان مساوي قطعها قبل قلق يلعبها لي هنو
• وقون اتير الجابو فينا براهو ده مساوي لو محلو ماكان جابها فينا
• احتفظوا بالاعذار
• جيبوا لينا اسامه التعاون
• عليكم الله
• البدري قال الخطه
• شوفوا يا ولاد
• انا عايزكم تلعبوا بخطة ميدان التحرير
• تحددوا هدفكم
• وتصروا عليه
• ماتساوموش
• وفي جمعة الغضب يروح كل حد مطرح مايروح
• ومايهمناش يروحوا فين
• خطه زي الخطه يابدري
• المهم
• البرير محظوظ جدا
• ربنا حايمرقوا من اعباء حوافز النصر يوم الجمعه
• جماعتو حايوفروها عليو
• الوحيد البستاهل حافز يوم الجمعه هو جمعه
• وذلك للروح الرياضيه التي سيتحلي بها برغم الاهداف التي ستلج شباكه
• ودي ماسبقوا عليها الا حارس مرمي الجميعابي
• التسويهو في الجميعابي تلقاهو في الجمعه دي
• انشاء الله
• ايها الناس
• لو مقتنعين بقانونية مشاركة مساوي وخليفه يوم الجمعه لعبوهما من سكات
• البطبطه لزومها شنو ؟
• قبل كده عاكف عطا مطرود وبرضكم كنتوا مقتنعين بقانونية مشاركته امام المريخ
• برغم انو كان مطرود قبل يومين من مباراة المريخ
• واعتبرتم كل يوم بي كوره
• واقتنعتوا ولعبتوهوا
• وكانت الفضيحه التي ينكرها بعضكم الي الآن
• لعبوهما سااااااي
• والله مانشتكي
• في زول غالب بشتكي !!!
• اعلان هام
• خضر الكوري وعبدالله موسي
• ماتنسوهم
• جيبوهم
• بدون بطاقات بنقبل
• يوم الجمعه غايتو حداشر ثيردباك وسته باكات وتلاته مساكين مابحلوكم
• قصف ارض جو
• ويا ارض احفظي ماعليك
سلك كهربا
ننساك وين ياحبه !
والي لقاء
سلك
babikir maki [b_silik@hotmail.com]
