ايها الناس ده كلام ده .. بقلم: بابكر سلك
25 سبتمبر, 2014
منشورات غير مصنفة
40 زيارة
بسم الله الرحمن الرحيم
في السلك
*المستوي التحكيمي الذي شاهدناه يوم مباراة شندي مخجل
*جهل بالقوانين لدرجة مبالغ فيها
*نقول جهل افتراضا لحسن النيه
*لان الجهل في هذه الحاله هو افضل كثير من عدم الجهل
*افضل من التجاهل
*اخير تكون جاهل بالحاله
*بدل تكون متجاهل الحاله
*والجهل والتجاهل الاتنين كعبات
*ولكن الجهل افضل بكثير من التجاهل
*فهل نقتنع بان تحكيمنا جاهل
*ام نسئ الظن ونعتبره متجاهل ؟؟؟
*شخصيا اميل الي انه جاهل مع سبق الاصرار
*ايها الناس
*هذا المستوي التحكيمي يشعل انفعالات الناس
*وبدورها تشعل الغضب
*فيشتعل الحطب
*وتقع الكارثه
*وصباحا عندما نجلس علي اطلال الرياضه والخلق الرياضي
*نجتر معنا اسباب تبك الكارثه
*الجهل التحكيمي الكبير
*فتحوا عينكم يا ناس القرار
*وما تتحركوا بعد وقوع الكارثه
*لان تحرككم بعدها ببقي جهل بي عملكم
*او تجاهل لمهامكم
*المهم
*اهلي شندي فريق كبير
*ويستحق ان يفوز علي اي فريق
*بل يستحق ان ينافس دوليا
*وما محتاج للاستفاده من الجهل او التجاهل التحكيمي
*فاهلي النمور اكبر من كده بي كتير
*المهم
*سفاري والسعودي اجادا في لقائنا باهلي شندي
*نتمني نشوفهم بي نفس المستوي بل افضل في مقبل المباريات
*بالذات المباراه القادمه
*حتي يعلم الجميع ان هذا هو مستواهما
*وليس مستوي الغبينه
*المهم
*ارتفع الاداء المريخي في الشوط التاني
*ودي في حد ذاتها حسنه
*لكن الاداء التكتيكي والخططي لسه يا محسن يا اخويا
*داير خططي يا برهان
*تكتيك خليناهو لي ناس التكتيك
*واتكتكي
*في ناس تكتيكهم بقي ظاهر
*بعتمدوا في تكتيكهم علي تصريج الخصوم
*واحراز الخصوم لاهداف عكسيه
*تكتيك متطور شديد
*المهم
*بكري المدينه قالوا كهربتوا زايده
*قلت ليهم ان شاء الله نعملوا سد مروي انتوا مالكم
*يعني كهربة المدينه مع كهربة باسكال
*الجماعه يخلوا الدهب
*ويجوا يصدروا كهرباء
*يصدروها بشه بشه
*اقصد حته حته
*ولما قلت كده
*هلالابي قال لي بطل النزار ده
*اقصد الهظار ده
*قلت ليهو هو النزار بتبطل ؟
*اقصد الهظار بتبطل ؟؟؟
*واتبطلي
*فطومه اختي
*فطومه الناطقه
*لا اسكت الله لك صوتا
*مالوا الكلام غالبك اليومين دي
*انطقي
*قولي حاجه
*ولا السكات ده برضو تكتيك !!!
*ايها الناس
*في كوستي يعدون العدة لينا
*ليس اهل الرابطه
*ولكن اهلا ليهم
*وحقو الشفوت يعرفوا كده
*المريخ لا ندعه يسير وحيدا
*نمشي معاهو
*ومريخاب كوستي ما شويه
*ومريخاب ربك ما شويه
*ومريخاب كنانه كتار
*ومعظم النيل الابيض مريخاب
*عدا القله
*والمحرش ما بكاتل
*وحقو نقتل البحرش قبل البحرشوهوا
*ونضرب عصفورين بي حجر
*لن ندعك تسير وحيدا
*شعار كل التنظيمات والجماعات الجماهيريه
*ونقاط كوستي اقرب نقطه للوصول للكأس
*لاتفريط ولا تكتيك
*نقاط بعرق الجبين
*ايها الناس
*ان تنصروا الله ينصركم
*اها
*نجي لي شمارات والي الخرتوم
*الانتخابات قربت يا والينا
*والانتخابات الفاتت قلتوا لينا
*وكل القلتوهوا ما سويتوهوا لينا
*تتذكر لما غنينيا يا والينا
*ياطالع الشجره
*جيب لي معاك بقره
*تحلب تعشيني
*بي ملعقة صيني
*وماصدق من الاغنيهى يا والينا ال بيت واحد بقول
*والملعقه انكسرت وانا مين بعشيني
سلك كهربا
ننساك كيف والطالع الشجره غمت برهو البقره والملعقه انكسرت
والي لقاء
سلك
b_silik@hotmail.com
سودانايل أول صحيفة سودانية رقمية تصدر من الخرطوم
