بسم الله الرحمن الرحيم في السلك *الاهله ديل احلي ناس *لو انهم بضحكونا شديد *كان متنا من زمنا بعيد *بحبهم حب شديد *عشان بتكلموا زي ما دايرين *زي الطالب بتاع القصه الشهيره *الطالب الكان اي موضوع انشاء يكتب عن الجمل *لو قالوا ليهو اكتب عن اسرتك *يكتب *اسرتي فيها انا وابوي واخوي وامي *امي بتقول لي قوم طويل وممطوط كده زي الجمل *والجمل حيوان اليف يعيش مع الانسان *وللجمل قوة تحمل كبيره *الجمل يتحمل العطش *المهم تاني ما برجع لموضوع الاسره نهائي *لو قالوا ليهو اكتب عن احتفال *يكتب عن المولد *يقول ليك ابوي ودانا المولد *اخوي اشتري حصان *انا اشتريت جمل *والجمل حيوان اليف *الجمل يتحمل العطش *للمولد الجاي ما برجع لموضوع المولد تاني *يوم الاستاذ زهج منو *قال ليهو قوم تحدث عن الصحراء *وكان راجل جيب سيرة الجمل *قام الطالب قال الآتي *الصحراء هي عبارة عن رمال واسعه ليست فيها اشجار ولا مياه *ويصعب علي الانسان العيش فيها او حتي عبورها *فقط يعبرها الانسان علي ظهر سفينة الصحراء *وسفينة الصحراء هي الجمل *والجمل حيوان كبير له سنام *والجمل طويل ويتحمل العطش *والجمل ليست له مراره *والجمال انواع *جمل ابو سنام *وجمل ابو سنامين *وانثي الجمل تسمي الناقه *والجمل لا يأكل من الارض اطلاقا *الجمل يأكل من فروع الاشجار *الجمل حيوان عالي شديد *قالوا الاستاذ لما وصل الحته دي *جاتو جلطه وهبوط في الضغط *ارتفع السكري *مات سريريا ومزاجيا قبل الموت الاخير *والطالب قااااعد كأنو ما عمل شئ *اسي الناس قاعدين في الفراش *اها الطالب ده هلالابي *لانو ناس تقول ليهم جمعه مامن ابيي *يكتبوا ليك منذ متي كانت ابيي جنوبيه *ويكتبوا ليك ابيي في كردفان *ويكتبوا ليك هل في هذا اعتراف بان ابيي جنوبيه *اسي الجاب سيرة ابيي جنوبيه ولا شماليه شنو ؟؟؟ *الزيت واضح *جمعه ما من ابيي *تقول لي الجمل حيوان اليف !!!! *طيب ابيي شماليه *ليه ماقلتوا جمعه من شندي *موش مولود في شندي ؟؟؟ *ليه اخترتوا ابيي بالتحديد ؟؟؟؟ *يا روشا *جاوب علي السؤال التالي *جمعه من دينكا نوك ؟؟؟ *طبعا حاتقول لي نوك جمع نوق *ومفردها ناقه *والناقه مرت الجمل *والجمل حيوان اليف *واييييييييييييييييييييييييييييييك *المهم *ناسنا حيرونا في تسجيلات الاجانب *الخوف تقفل التسجيلات *نقول ليهم ما جبتوا اجانب ليه ؟ *يقولوا لينا فتشنا غابات افريقيا وصحاريها *صحاريها فيها جمال *والجمل حيوان اليف *وايييييييييييييييييييك *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *الرغيف بقي بتمطي لينا *تقطع الرغيفه تتمطي معاك زي اللستك يا والينا *برضو خير و فيهو بروتين لينا ولا يكون سرطنه يقوم يودينا سلك كهربا ننساك كيف واذا سألناهم متين حاترفعوا المعاناه عن عاتق الجماهير يقولوا لينا الجمل حيوان اليف والي لقاء سلك /////////////
