انجاز للجوهرة السمراء .. بقلم: بابكر سلك

بسم الله الرحمن الرحيم

في السلك

*الجوهره الزرغاء او كما قال كردنه

*فريق الجوهره (الهلال سابقا )

*حقق انجازا قاريا كبيرا

*وذلك حسبما ورد في حديث امين عام الجوهره الزرقاء

*الانجاز هو رد الكاف علي مذكرة الجوهره الزرقاء

*المذكرة الاحتجاجيه بتاعت الاستفسار عن سبب وضعهم في الدور التمهيدي

*رد الاتحاد الافريقي اعتبره الاخ عماد انجاز

*طيب كاس من كؤوس الاتحاد الافريقي يبقي كيف ما انجاز !!!!!

*بعدين انتوا يا عمده دايرين الاتحاد الافريقي ما يرد عليكم ؟؟؟؟

*الاتحاد الافريقي ده لو خاطبتوا رسميا وقلت ليهو العن ابوك

*برد علي خطابك

*بي شنو

*ده شئ بخصو وحسب ما يراه

*لكن كان تعملوا حاجه تانيه

*كان تطلبوا من صورة قرار اشراككم في التمهيدي

*وترفقوا معاها صورة من خطاب الرد

*وتستانفوا للفيفا

*ولانو استئنافاتكم كترت

*حقو تعملوا مسيره

*تشيلوا مذكرة

*تسلموها لمندوب الامم المتحده قبل ما يفرتق

*وقبل كده تطلعوا تصريح من السلطات

*شكاويكم كترت

*وزمان كلمناكم وقلنا ليكم

*ولو كترت بلاويكم بتكتر شكاويكم

*يبقي اللافته ما تعملوها مرتين

*اعملوا لافته كبيره واكتبوا عليها

*نادي البلوة الزرقاء

*المهم

*الناس بدت المباريات الاعداديه

*الاهلي لعب ضد الجريف

*والخرطوم الوطني

*اما اهلي شندي فمضي بعيدا

*ونادي لجوهره لي اسي راجي سيمبو يجي

*واتجوهري

*وسيمبو طبعا جاي من سيراليون

*وسيراليون تقع في شريط الايبولا

*ايبولا زي الايبولا

*والامارات بتحترم مواطنها وبتخاف علي زولها

*عشان كده لي اسي سمبو مستني رد الامارات والامارات مادايره تقولها

*الاجانب الذين يرتادون سوق دبي يخسروهم عشان الهلال معقوله ؟؟؟؟

*وتوجيهاتنا للمدينه

*في مباراة الاستقلال

*يجري بعيد من سمبو

*ما يجي جمبو

*مدارات المؤمن علي نفسو حسنه

*تلقطوا ساي الله يسترنا معاكم

*ايها الناس

*قون قبل ما توقع عقد النقل مع الاتحاد

*اول شئ تتأكد من الشاره

*لانو قبل كده شارتها كانت رايحه

*وما ورونا لقوها ولا لسه

*العزيز حسن عبدالرحيم

*قال المريخ هزم فريق الاعلاميين تلاته

*وفريق الاعلاميين زي الفريق الفيهو هو وفاضلابي وكبوتش ومعاويه الجاك

*طيب يا ابو الحسن

*لما المريخ اداكم تلاته

*كنتوا فريق شنو ؟؟

*فريق الشكايين ولا البكايين ولا التمهيديين

*ولا فريف الفيفايين

*والاستاذ صالح خليل كتب الآتي

*لعل اسوأ لحظاتي الرياضيه عندما يحرز المريخ هدفا

*يعني يا ابو صلاح حياتك الرياضيه كلها تعيسه !!!!!

*طيب الجويات كيف معاك ؟؟؟؟

*طيب التلاته الاخيره دي يومها تعست تلاته مرات ؟؟؟؟

*مضاد حيوي يا كافي البلا ؟؟؟

*طيب لما تسمع جمهور المريخ يغرد

*المطار بي وين *****المطار بي جاي

*الصفر بي وين *****الصفر بي جاي

*دي موقعها من اللحظات السيئه عندك وين ؟؟؟؟

*ظيب التمهيدي بي وين ؟؟؟؟

*طيب هدف المريخ الاول في الموسم الجديد كيف ؟؟؟

*واذا عرفت يا صالح انو الجابو بكري المدينه السوء الرياضي ببقي عندك كيف ؟؟؟

*عشان تطلع من السوء ده يا صاحبي

*اطلع من الحته البتخليك تحس بالسوء الرياضي مع كل هدف مريخي

*وطالما بكري ده جانا

*حاتستاء كتير

*موش قلت ليكم الاهله بكرهوا المريخ اكتر من حبهم لهلال عصمت ؟؟؟؟

*ايها الناس

*ان تنصروا الله ينصركم

*اها

*نجي لي شمارات والي الخرتوم

*كان شفت يا والينا

*لما كترت مآسينا

*وزادت بلاوينا

*طالت حكاوينا

*ولا لقينا

*لا لقينا البداوينا

*ولا لقينا البحن لينا

*ولا لقينا المبكينا

*في ذكري الاستقلال يا والينا

*نتلفت علي الوطن ونقول ليهو يا هاااااااااااجر

سلك كهربا

ننساك كيف وفي عز الاستغلال بنحتفل بالاستقلال

والي لقاء

سلك

b_silik@hotmail.com