طاير ليهم مطار .. بقلم: بابكر سلك
17 يناير, 2015
منشورات غير مصنفة
33 زيارة
بسم الله الرحمن الرحيم
في السلك
*تلقي ليك واحد بعلق في حاجه وااااحده طوالي
*في اي موضوع يدخلها
*مثلا يكون في زول معلق في شيه
*تحكي ليهو قصة عن امتحان ضرب معاك فيهو الاسبوتنج
*يقوم يقول ليك والله بعد الاسبوتنج ده ضرب الحكاية كانت دايره ليها شيه
*تقول ليهو امس اتعشيتوا كيف
*يقول ليك ضربنا بوش زي الشيه
*تقول ليهو سماك عاطف ابوك ولا امك
*يقول ليك سماني جدي لكن قال ليك جاب تلاته خرفان لي سمايتي
*السماية كانت شيه ساااااااي
*اي موضوع يدخل ليك فيهو شيه
*زول زي ده الناس بقولوا عليهو طايره ليهو شيه
*اها
*ناس روشا طايره ليهم شيه
*قابلكم زول بجي من المعسكر بعملوا ليهو استقبال ؟؟؟؟
*الناس ديل طاير ليهم مطار سااااي
*وهو شن الاستقبال
*خمسه حافلات وكورولا الفين وتلاته ماشه قدامن
*البص في نصهن زي الجمل وسط الخرفان
*وتيت تيت تيت
*ماشين المطار
*قلت ليكم الناس ديل طاير ليهم مطار
*ولي شنو ؟؟؟؟
*عشان غلبوا لقاط صنداي الامارات
*دفعة آل نهيان
*ياخ الناس اللعبوا ضدهم ديل
*قال ليك فيهم تلاته مخرفين عديل كده
*واحد فيهم قال الا يلعب بالسروال والعراقي
*الامارات كلها تقنع فيهو
*حتي لبس الشورت
*وواحد اولاد بتو فيهم اتنين دكاتره
*قلت ليكم طاير ليهم مطار ساي
*ايها الناس
*جميع اجانب الكاردينال فشلوا
*والقصة دي حاتتضح ليكم لما يبدأ الموسم
*الكنبه كلها حاترطن
*وشوفوا كلامي ده
*المهم
*مريخ شالكا والبايرن وصل البلد
*نورت البلد
*وفي شوق للاحتفال بالاستقلال
*لازم نهزم اولاد كلارك المستعمر الانجليزي
*ده استقلال ما لعب عيال
*ولا جعجعة كاردينال
*المهم
*الدور والباقي علي الشفوت
*والشفوت لما تكون الكورة في ملعبهم ما بقصروا
*فمثل ما كان لهم القدح المعلي في مانديلا وسيكافات الكتيره
*سيكون لهم القدح المعلي هذا الموسم
*والمطار الجد جد
*مطارنا وبنعرف ليهو
*لكن الخوف مسيرة الاستقبال بتاعت الجماعه
*تكون طشت
*تكون راحت من المطار
*المطار بعرفوهوا من وين عاد
*مشوهوا متين بس
*ايها الناس
*البلقي ليهو كورولا الفين وتلاته وخمسه حافلات وبص طاشات
*عقلهم سليم ( معلومه مفترضه ) يرتدون ازرق بي ابيض
*وشايلين اعلام فيها شعار عصمت
*عليه الاتصال باقرب مركز شرطه والله لا يضيع من احسن عملا
*اها
*اسي عليكم الله سفرتهم الامارات دي
*وقعدتهم في الفجيره دي
*والفرق بتاعت الروابط القابلوها دي
*دايره ليها استقبال ؟؟؟
*سفرتهم دي فرقها شنو من تاجر شنطه مشي الامارات جاب موبايلات ؟؟؟
*لاقاكم تاجر شنطه جا من الامارات استقبلوهوا في المطار ؟؟؟
*ياناس
*الامارات منتخبها في نهائيات آسيا
*يعني ناس الوصل الفيهم فايده مع المنتخب
*واذا المنتخب مافيهو من الوصل ناس
*يبقي الوصل زاتو قاعد سااااي
*استقبال لي شنو ؟؟؟؟
*ايها الناس
*تاني ايها الناس
*سكاتنا علي قناة الزعيم ليس قناعة منا باستحالة الامر
*ولم نفقد الامل
*شباب المريخ المثابر ومجلسه القوي عليهم يقع عبء القناة
*والاذاعه
*عشان نخلص من الطبيه والصيدلانيه بالعلاج بالكي
*وكودار المريخ الاعلاميه قادرة علي تشغيل القناة والاذاعه ببراعه متناهيه
*وتستطيع ان تتفوق علي الجميع
*وجمهور المريخ الشفت
*خير زاد للقناة والاذاعه
*ورؤوس الاموال المريخيه اذا اعلنت لنفسها من خلال القناة
*صدقوني حانعمل قنوات الزعيم
*الزعيم ون ( دي عامه )
*الزعيم تو وتسمي بالزعيم مطار (دي خاصة بالامجاد المريخيه )
*ودي مشفره عشان ما يسحرونا
*الزعيم ثري تعليميه
*الزعيم فور منوعات
*الزعيم الطبيه ( ودكتور عمر محمود خالد قاعد )
*الزعيم الرياضيه
*الزعيم آكشن
*احلامنا مشروعه وبسيطه جدا
*احلامنا هي حق المريخ علينا
*وصدقوني بعد نجاح 2870
*حانحقق احلامنا
*ولنا ان نغني
*حققنا احلامنا وكل عاشق عقبالو
*طبعا اخواننا عشاقين
*هوي جامح ماسكمهم
*بس حبهم من طرف واحد
*حايقعدوا يحبوا في البطوله المحببه وهي ماشغاله بيهم الشغله
*كلو مرة تقول ليهم دايره اقرأ
*آخر مرة قالت ليهم مشكلتي الجامعه
*ايها الناس
*تعالوا نفكر من جديد في قناة الزعيم واذاعة النجوم
*المهم
*كردنه زول عملي شديد
*وشدة ما عملي
*بقول لي باتريك
*باترك
*زمن نطق الياء بأخرو
*كردنه حبيبي ياخ
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*النسوان ديل حيرننا وطيرن العقل الفينا
*يوم الغسيل يحاسبننا بي اربعين دسته ومافي شئ نضيف يقولن لينا
*وفي العيد يقولن نحنا والشفع مقطعين وعدمانين ولا زم تكسينا
*وفي مراكز التداوي بالقرآن يا والينا
*كلهن اتكومن لينا
*عشان كده عرفنا ليه الشيطان ما شغال بينا
*مشغول بيهن يا والينا
*مشغلها ليهن ومشغلاتنها لينا
سلك كهربا
ننساك كيف وكان قلت بسم الله الرحمن الرحيم المرة تفرفر والبت تصرخ والخاله تودر والجارة ظار عديل تنزل
والي لقاء
سلك
b_silik@hotmail.com
سودانايل أول صحيفة سودانية رقمية تصدر من الخرطوم
