اليوم نرفع كأس استقلالنا .. بقلم: بابكر سلك
24 يناير, 2015
منشورات غير مصنفة
34 زيارة
بسم الله الرحمن الرحيم
في السلك
*اليوم نرفع راية استقلالنا
*هكذا غني الراحل المقيم وردي
*وبمثلما فرح الشعب السوداني وقتها
*يجب ان يفرح اليوم مثل تلك الفرحه
*لانها احتفاليه بالعيد الكبير
*اليوم نرفع كأس استقلالنا
*ايها الناس
*فنيا المقارنه معدومه
*حتي لو اخطأ التحكيم كعادته
*فان النصر لن يبارح قلعة الانتصارات الحمراء
*في حراسة المرمي
*فرق يا ابراهيم فرق
*وفي المحور علولو لا يقارن بالشغيل الذي هتفت في وحهه جماهير الهلال قبل كده
*الشعب يريد تغيير الشغيل
*اما في صناعة اللعب
*اوكرا وابراهومه ماممكن يقارنو بي سيدي بيه وانصاف المواهب
*في الهجوم
*بكوري لوزان البجري جري الحصان
*ووانغا
*الله يسألكم بتقارنو بالماسورة الجابو كردنه ده !!!
*في الدفاع
*سيمبو خارج الاعداد بسبب الايبولا
*ومساوي الله يجيبو لينا في التشكيله
*ناس اتير اذا عكسناها بتخش براها
*ويا حليل بويا وفداسي
*سنفتقدهم كتير الليه
*لكن البدائل احلي
*احلي معانا
*ايها الشفوت
*دي كورتكم
*تشجيع من امو
*زئير يطير الطير
*واهازيج مريخيه صاخبه
*وتتهادي الكرة في الشباك
*ايها الناس
*انه السبت
*والداير الخبت يجينا يوم السبت
*والهلال الليله جانا بقرار جمهوري
*كان عليهو ماكان جانا
*وصدقوني نتيجة الليله حاتأجل كورة شندي
*الطالب الخواف ما بنجلد اول زول
*ايها الناس
*نطالب لجنة التحكيم المركزيه
*بان تلبس رجال الخطوط خوزات
*الخوزه بتاعت الحرب ديك
*لانو الزول الفلق رجل الخط يوم شندي
*الزول الاشول داك
*قال خاشي الكورة
*واسباب الفليق كتيره
*حفاظا علي رجال الخطوط الخوزات ضروره
*المهم
*كاسات المناسبات دائما من نصيب المريخ
*جوبا والسد وافتتاح استاد المورده وكورة بلاتر
*واييييييييييييييييك
*وكمان يوم السبت
*لا لا لا
*دي حقارة وتواطوء من الاتحاد
*يجيب لينا الهلال في كاس مناسبه ويوم السبت كمان
*طيب ماكان يدينا الكاس في النادي وخلاص
*بالمناسبه
*الاهله افتكروها مأجله عشان وفاة الملك عبدالله
*لكن السعوديين ما بحدوا
*الحد عندهم حرام
*حدوا بكره انتوا
*ايها الناس
*اتوقع ان تظهر امكانات غرزه بشدة في مباراة اليوم
*واتوقع ان يزداد ابراهومه القا وتألقا
*وان يعود رمضان الي معانقة الشباك
*لكن قون بكري ضروري يا لوزان
*فطومه
*المحامي السويدي ما عزمتوهوا الكورة دي ؟؟؟
*المهم
*فرصة اليوم لنثبت علو كعبنا
*لنوضح للاهله الشرفاء
*لماذا كان معسكرهم ممنوع الاقتراب او التصوير
*لنمهد لشندي الطريق للغريق
*بس
*وقفة الشفوت البنعرفها
*واجبار التحكيم علي عدم المجامله
*ايها الناس
*بكره محمد عبدالماجد محتجب
*وبعدها حايحتجب
*ويوم الثلاثاء موعودين بعمود عن عثمان حسين
*ابقوا مع محمد عبدالماجد
*لكن مانشيت روشا بكره
*حايكون عن بكري المدينه والشكوي
*وبعد بكره حجر الاساس بتاع الزرقاء
*ايها الناس
*اليوم يومنا
*نجي كلنا
*نشجع حقنا وبي حقنا
*ايها الناس
*قالوا لو تعادل مافيها ضربات ترجيح
*ده اسي ما ظلم لينا ؟؟؟
*يعني عشان دي ميزة جمال سالم دايرين تبعدوها مننا ؟؟؟
*هي زاتها البنهيها تعادل شنو
*الحارس الكمروني قال ليك غمد وشوت
*كان مارقها بدخلها براهو
*كان شغال بطيخ في الكاميرون
*يقبض بي جاي
*ويملصها وراهو
*ايها الشفوت
*صفا
*ايييييينتباه
*معتداااااااال مارش
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تعازينا يا والينا
*للشعب السعودي والامه العربيه ولينا
*في وفاة خادم الحرمين الكان بهم بينا
*الف رحمه تنزل يا والينا
*علي الملك عبدالله بن عبدالعزيز
*وعلي الحوت محمود بن عبدالعزيز
*وعلي مصطفي سيد احمد الزول العزيز
سلك كهربا
ننساك كيف والفين وخمسه من شهر واحد بدت تشيل ….اللله يستر…اللهم لاترنا مكروها في عزيز لدينا
والي لقاء
سلك
سودانايل أول صحيفة سودانية رقمية تصدر من الخرطوم
