القرعه الالكترونيه

بسم  الله الرحمن الرحيم
في السلك

*تخيلوا
*وفاق سطيف الجزائري والرجاء البيضاوي المغربي
*تسعين الف متفرج
*دايرين منهم واحد
*تخيلوا
*المريخ السوداني والترجي الرياضي التونسي
*خمسين الف متفرج
*دايرين منهم واحد
*تخيلوا
*الهلال السوداني وسانغا (ده فريق ما زول)
*خمسه متفرجين بس
*ودايرين منهم واحد
*قرعه تحير
*بحثنا في امرها
*وسألنا عمك قوقل
*قال يخربني
*سانغا ده ما سمعت بيهو
*دحين سانغا ده ما اسم اعشاب ؟؟؟
*او يكون سم فار ؟؟؟
*ويمكن نوع صمغ ؟؟؟
*قوقل نكرو حطب
*قلنا ليهو يا عمك
*القرعه السنه دي حيرتنا
*معقوله كم كم والفشنكات وسانغا في مسار واحد يا قوقل ؟؟؟
*قال انتوا ماعارفين
*القرعه السنه دي الكترونيه
*الكمبيوتر بخت المستويات مع بعضها البعض
*تفاديا لخروج الفرق الضعيفه علي يد الفرق القويه
*دايرين الفرق الضعيفه شويه تمشي لي قدام
*عشان كده
*الكمبيوتر جاب وفاق سطيف مع الرجاء في مسار واحد
*وجاب المريخ مع الترجي في مسار واحد
*وبالتالي سانغا وكي ام كي ماعندهم غير مسار الهلال
*شكرا قوقل
*افهمتنا
* لكن كمبيوتركم ده طلع بتاع ملاكمه ساي
*يخت بالاوزان
*التقيل مع التقيل
*التقيل قدام
*في مقدمة التنافس
*والخفيف ورا
*مع وزن الريشه
*خفيف الريشه
*ايها الناس
*بعد ده
*لو جابوا عزام  التنزاني بدل سانغا الكنغولي
*وقابل الهلال بامدرمان
*باعتبار نتيجة الكنغو
*صدقوني
*عزام حايتأهل
*بالمستوي الشفناهوا لي ابو الهل من كي ام كي ولي قدام
*ما مستوي مع عزام بودي قدام
*لكن كلام عمك قوقل صاح
*المريخ (الغنيان) قابل عزام (الثري) ثم كابوسكورب (المغندل ) فالترجي الذي لا يتناقش اثنان حول وضعه المادي المريح
*الهلال (بي قشيطو ده ) قابل كي ام كي (المفلس) ثم الفشنكات الماعندها حق المواصلات ثم سانغا الذي يستجدي الجماهير مجانا
*فعلا القرعه الكترونيه
*ايها الناس
*شنو قصة الرحله النيليه الليليه  للفشنكات الملاويه  قبل المباراه ؟؟؟
*واين الوعد ببث مباراة الفشنكات يا كردنه ؟؟؟؟
*لسه المونتاج شغال ؟؟
*ولا فعلا شرط الفشنكات كان عدم التصوير والتلفزه ؟؟؟
*طيب ليه !!!!!!
*الكترونيه يا عمك
*المهم
*سمعت امس قالوا في صحيفه كاتبه انو المريخ عمرو مافاز واحد صفر هنا واتأهل
*تلك الصحيفه اظنها نست مانديلا
*مانديلا هنا غلبنا واحد صفر
*وبي بلنت كمان
*وهناك طلعت درون
*صفر صفر
*وموش اتأهلنا
*جبنا الكاس وجينا
*يبقي نتيجة واحد صفر وبي بلنت كمان بنتفائل بيها
*ولا شنو يا عمك قوقل ؟؟
*لكن معقوله
*سانغا يلعب مكرر
*والترجي يلعب مكرر ؟؟؟؟
*شفت خبيث شديد
*قال لي حقوا نتنازل للترجي
*عشان الجماعه يلاقوا الترجي ومازيمبي والاهلي ووفاق سطيف الزايغين منو ده
*قلت ليهو خدمة زي دي ما بنخدمهم ليها
*ندخل نحنا ونضمن السته نقاط حقاتنا
*نديهم تلاته وتلاته
*زي تلاتة كاس السودان
*كلو تلاته بي تلاته نقاط
*ايها الناس
*غرزه قال يمكننني التأهل من تونس
*ولا اخاف شئ
*فقط اطلب اصرار اللاعبين
*معلم ياخ البروف ده
*واصرار اللاعبين يا غرزه في ايدك
*وفي ايدينا
*وفي ايدينهم
*وبي ايدينا صممنا لازم نقصيك يا ترجي
*ننهي عهد خمسات عملاق باب سويقه وستاتو
*في الشباك الهلاليه اقصد السودانيه
*ايها الناس
*واحد غالطني قال لي الترجي مادخل اتنين وعشرين قون في الهلال في اربعه مباريات
*الليله داير اثبت ليهو
*بس هو يثبت
*في 2005 خمسه واحد
*قول واحد
*في 1999 خمسه صفر
*كده عشره
*في 2004 قطعوا معاهم سته صفر
*في 1993 برضو قطعوا معاهم سته صفر
*اها
*خمسه وخمسه دحين ما عشره ؟؟؟
*الغريبه الخمستين في افريقيا
*سته وسته دحين ما اطناشر ؟؟؟
*الغريبه الستتين عربيات
*فرق العمله
*خمسه افريقيه بتساوي سته عربيه
*طيب عشره زايد دسته
*اتنين وعشرين ولا عندكم حساب تاني يا روشا ؟؟؟
*في الرياضيات القديمه اتنين وعشرين
*وطبعا ناس الرياضيات الحديثه بشقلبوا الاعداد
*ولما يشقلبوا اتنين وعشرين
*برضو بتطلع اتنين وعشرين
*خليها بالرياضيات
*بالعرب اتنين وعشرين
*بالجغرافيا اتنين وعشرين
*ما سمعت بي خط عرض اتنين وعشرين ؟؟
*امال جوطة حلايب في شنو ؟؟؟
*اتنين وعشرين طوالي بتجيب الجوطه
*لكن قرنتش بالجغرافيا خط صفر
*انتوا قرينتش خلي بالك يا محمد عبدالماجد
*قرينتش الماعندو ولا قرش
*قرينتش الدولي
*يعني لو زول قال ليك قرينتش في واحد بتساوي الهلال في خمسه بساوي صفر
*كم يبلغ الهلال ؟؟؟
*طوالي تقول ليهو قرينتش يساوي صفر
*صفر في واحد يساوي صفر
*الهلال في خمسه يساوي صفر
*يبقي الصفر في اي رقم يساوي صفر
*نجيب الصفر بي جاي ونودي الهلال بهناك
*تبقي المعادله
*صفر في خمسه يساوي الهلال
*صفر في خمسه يساوي صفر
*اذن صفر يساوي الهلال
*اذن الهلال يساوي صفر
*خلي بالك
*لازم تتبع الخطوات اعلاه في الحل
*لو كتبت الجواب من اول وهله بديك غلط
*واتصفري
*ايها الناس
*يمكننا تحقيق نتيجه افضل كمان في تونس
*فقط نعطي الترجي مكانو
*الترجي ما سانغا
*ولا صفر دولي
*الترجي فريق كبير مسجل في لوح الشرف الافريقي
*نعطيه حجمو
*ونسمع كلام البروف
*ونصر علي التأهل
*ونركب الترجي في تونس التونسيه
*نلحقوا زين العابدين
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*الحكاية لسه
*كانت بتلمنا صينيه
*اسي يا لافين صينيه
*يا واقفين في صينيه
*ناشر للعربات ونلقي في الخطب الحماسيه
سلك كهربا
ننساك كيفويا لافين صينيه يا واقفين في صينيه يا ساكين شركه صينيه
والي لقاء
سلك

b_silik@hotmail.com