بسم الله الرحمن الرحيم
في السلك
• عندي لستك جدييييييييييد
• رابطو خلف
• لستك وراني
• كل يوم اصحي القاهو نازل
• عذبني عذاب شديد
• بقيت اخاف انوم يقوم ينزل
• واذا نمت بقيت اخاف اصحي القاهو نازل
• قدر مالفيت بيهو بناشر الدنيا والعالمين
• ماعرفوا ليهو سبب
• يفتشوهوا ما يلقوا فيهو شئ
• اي مشوار مفيد القاهو نازل
• يطرشق علي المشوار
• حيرني
• وماقادر استغني عنو
• لانو جديد حسب ما انا شايف
• لكن ضاريني
• بعد مرات ينزل ليك نزلات كده عبيطه
• مافي لستك عاقل بنزلها بنزلها
• لستك وراني للعذاب وراني
• يوم لقيت لي بتاع بنشر شاطر
• قال لي لستكك ده فيهو مسمار خافس
• ما بتشاف
• ولا بطلع
• ينزل ليك اللستك بس
• ويمقلبك
• يفوتك الجنه وسقطها
• بتاع البنشر من قال الكلام ده اتذكرت المريخ
• الخافس البنزل لستكنا طوااااالي ده راجين بيهو شنو ؟
• دي العله الاساسيه
• عيبنا بننسي ونفتح صفحات جديده
• ونعيش بعدها نفس المآسي القديمه
• اللستك الوراني ده ختونا ليهو ينوبكم ثواب
• لانها نفس تجربة بهاء الدين
• دعوهوا يذهب ويبدع في مكان آخر ان كان له ابداع
• كفانا
• واربطوا لينا لستك وراني ابو لستك
• لا بستهتر ولا بهاب مهاجم ولا بخاف من الرأسيات ولا ضعيف في الشمال
• ايها الناس
• نفس الاسباب في كل موسم
• تراخي واستهتار وعدم جديه
• لا اتحدث عن اهدار ضربات الجزاء
• فلاعب انجولا الذي اضاع الضربه الثانيه لفريقه غير ملام
• لانه نفذها بغيرة وقوه وحماس
• خرجت خارج الخشبات
• ولكن كانت مليانه حماس
• تعالوا شوفوا كيف نفذ العجب الضربه
• تراخي ليس بعده تراخي
• كأن الامر يتعلق بمهرجان في الحي
• بكل برود وشرود وانعدام الاصرار
• هذا هو الرئيس القائد
• كيف نسأل عن النخوه في الآخرين !!!!!
• العجب مهارات وامكانيات ماقلنا شئ
• ولكن !!!!!!!!!!!!!!!!!!!!!!!!!!!!!
• ايها الناس
• مشكلتنا الاساسيه هي البروووووووووووووووود
• ولما نجي للشطب والتسجيل لا نراعي لتلك العله اطلاقا
• لكن الواجعني الخافس في اللستك الوراني وبنزلوا لينا طوالي ده
• اسلام قالت لي موسي الزومه شاتها مرتين ضيعها ولا شاتها برجلينو الاتنين ؟
• قلت ليها والله يا بتي غير موسي مافي زول بجاوب علي السؤال ده
• ايها الناس
• يجب ان لا نترك مريخنا للمتقاعسين
• ويجب ان تؤثر فينا شماتة الشامتين
• بالمناسبه دي
• قابلني بعد كورتنا طوالي واحد من الجماعه فرحان شديد بخروجنا
• قلت ليهو نحنا طرنا , انتوا كورتكم انتهت كم ؟
• قال لي هي كورتنا متين ؟؟؟؟؟؟؟
• تخيلوا
• محمد علي بتاع الدكان قال لي اسلام ماباركتي لينا التأهل
• اسلام قالت ليهو انتوا في انجولا كنتوا لاعبين في ياتوا مدينه ؟؟؟؟؟
• سكت
• في ياتو قريه ؟؟؟؟؟؟
• سكت
• برضك تقول لي كوالا وزباله !!!!!!!!!
• ايها الناس
• ان كان البدري هو من فرض طمبل علي التشكيل
• يبقي الزول ده مجنون
• لانو الطريقه اللعب بيها هو شخصيا تحتاج لماهجم مشاكس وقوي وسريع
• وهي اوصاف تتوفر في هنو
• اما اذا كان طمبل مفروض علي البدري فتلك كارثه
• وليذهب البدري الذي قبل ذلك وليذهب قبله من فرض طمبل الغير مستعد علي التشكيل
• ايها الناس
• خرجنا نعم
• ولكن الباب خلفنا ماذال مفتوحا وعليه سهما مكتوب تحته خروج
• والناس في الصاله كتار
• قريبين لبوابة الخروج
• وان تخرج من المنافسه الافريقيه في السنه مره
• خير من ان تخرج منها في السنه مرتين
• الكلام ده تذكروهوا كويس
• ايها الناس
• خرجنا نعم
• والاسباب يعلمها الجميع
• عرفنا الحبابو منو
• والماحبابو منو
• لو نقطها الموسم ده
• الموسم القادم برضو الله معاهو
• كفانا
• ايها الناس
• المريخ مريخ الجماهير
• والحزن والبعد عنه وتركه ليس بالتصرف الصحيح
• تعالوا جميعنا نقف خلف عشقنا برغم الاحباط
• نشجع من يستحق
• ونقف علي احوال الفريق
• لكن علي درايه بالخبايا
• لن نبكي علي اللبن المسكوب
• ولكن الكديس الكشح اللبن
• لامكان له عندنا تاني
• لانه تعود ان يكشح اللبن ويبقي بيننا
• الخافس فكونا منو
ننساك كيف والخافس بنزل لستكنا لي اسي !!!!!
والي لقاء
سلك
babikir maki [b_silik@hotmail.com]
