بسم الله الرحمن الرحيم
في السلك
babikir maki [b_silik@hotmail.com]
• الحجر
• الحجر الواحد ده
• لما ترميهو في النيل بقول شنو ؟؟؟؟؟؟
• ماعارفين ؟
• اوريكم
• بقول جممممممممممبلق
• امس امانه ماوقع حجر كبيييييييير
• من الحجاره الكبار
• صنم بس
• جمممممممممممممبلق
• قال ليك المويه رشت رفاعه
• رشتها طششششششششش
• الحجر ماكبير عاد
• لو ما الكبري جديد كان وقع
• رفاعه القريبه دي خليها
• ناس ابو عداره قالوا المطره صبت
• كانوا قاعدين في امانة الله
• بس فجأه
• المويه تجيهم من السما
• بدون سحاب
• جنس رش
• رش شديد
• ناس طابت الشيخ عبدالمحمود قالوا كلو خير وبركه
• البنطون القديم لي اسي برجف
• حجر شنو ده ؟؟؟؟
• حجر كبير وقع
• والغريبه الناس الهندسوا الحجر الوقع ده قالوا حجرهم اصلوا مابقع
• قايلين كل الناس كفر الشيخ وكفر الكينيين وكفر حجار سااااي !!!!!
• ايها الناس
• كلمناكم
• قلنا ليكم
• بدري الكلام ده
• قلنا ليكم الاهداف مدفوعة القيمه مقدما مابتنفع
• وقلنا ليكم ياروشا كنج مين البجيب تلات اقول ياراجل
• ده كونج لو قلته ليهو قول تلاته اقوان بقول اتنين غلط
• خسارة قروش النفايات فيهو
• اسلام بتتفرج معاي في الكوره
• قالت لي علاقة الهلال بالسراريج شنو ؟
• قلت ليها مافي علاقه , لكن ليه قلتي الكلام ده ؟
• قالت لي ديمبا يصرج اتير يصرج خليفه يصرج
• قلت ليها يمكن يكونوا من السراريج الخضر
• السراريج البنعرفهم حمر وصفر
• ناس فاهمين ومتعلمين
• قالت لي عشان حمر وصفر
• غايتو مستوي يا روشا
• الحمد لله مامشيتوا سيكافا
• كان فضحتونا فضيحه
• كان رجعتوا مع المان الصومالي في طياره واااااحده
• المهم
• نرجع للحجر
• ميرغني كرار
• يوم بتونس معاي
• قال لي في واحد من اهلنا ناس كردفان ديل لما يكون راكب في عربيه والعربيه تدخل الكبري زولنا بكضم نهائي وبمسك في العربيه بي ايدينو الاتنين
• اها ميرغني قال لي يوم سالت الزول ده قلت ليهو انت اعصابك بتبوظ في الكبري ليه ؟
• قال ليهو البهر البهر ( ويعني البحر )
• ميرغني قال ليهو والبحر بعمل ليك شنو ؟
• قال ليهو ككيف بئمل لي شنو ؟ ات ما آرف يازول اني ده هجر ,! كان وقئت في المي ده ماياني الهتلت (حتلت) جمممممبلق
• ياميرغي الهتلوا حجار كتار وكبار
• روشا
• قلت لي ماشين نيجيريا ؟
• نيجيريا البعيده ديييييييييييييييييك ؟
• الحصاحيصا القريبه كيف ؟؟؟؟
• امس الليل كلو اسلام تلعب
• شليل وين راح ؟ ختفوا التمساح
• قلت ليها هليل يابت ما شليل
• غيرت اللعبه
• وبقت تغني
• يانيل يا تويل يا ملولو
• ايها الناس
• الفرق بين كونج وتسخاني
• ان تسخاني الشعر طبيعي بس عليهو كريم فرد
• كونجاني الشعر ظاهر
• تركيبه
• اسي الزمن الركب فيهو الشعر لو اتمرن علي الاستلام ماكان اخير
• المهم
• لاقاني زول سنونوا مكسرات
• عدمان السن
• الخشم زي المطبقه
• وكان ماشي في الشارع
• قال لي في بقاله هنا اقشد ( ويعني اقصد ) اجزخانه هنا ؟
• قلت ليهو ياهو ديك ياحاج
• وسألت نفسي
• قلت ياود يا ابو السلوك الزول ده داير يقول اقصد قال اقشد , لو قلت ليهو قول حصاحيصا حايقولها كيف ؟
• وانفجرت ضاحكا
• طبعا في ناس حايقولوا الارضيه كعبه
• وفي ناس حايقولوا الحكم خاين
• وفي ناس حايقولوا الممتاز نحنا ماشغالين بيهو
• وفي ناس حايقولوا مغربت والدعيع طشش
• نحنا قلنا قلق كعب
• بتقدروا تقولوا فلان كعب يا روشا ؟؟؟؟
• العجبني في ابراهومه انو جاب ليهو وليد
• وقال ليهو عمك الكنار داك يا جنا راقبو المويه ماتكسر منو
• بالله الوليد تقول كلب بوليسي
• القعده الياها جمب الكنار
• الكنار مرق
• الجنا قااااعد
• الكوره انتهت
• الجنا قااااااعد
• هييييييييييييع
• عافي منك يا جنا
• حصاحيصا يا بت النيل احب النيل ياجميل
• الفرق خمسه
• اسي الجاب سيرة مازيمبي شنو ؟
سلك كهربا
ننساك كيف والنيل فاض قبل الخريف
والي لقاء
سلك
