كجنق … بقلم: بابكر سلك

 

بسم الله الرحمن الرحيم

 

في السلك

 

 

 

•       فرص التسجيل في التكميليه محدوده

•       مع العلم بان الجدد لايشاركون في المباراه المؤهله لمجموعات الكونفندراليه

•       عشان كده ليس من المنطق ان نشطب لاعبا يستطيع المشاركه ليحل محله لاعب لايشارك الا بعد التأهل

•       يبقي يا اخوانا بعيدا عن العواطف

•       لدينا لاعبين مصابين وهم في فترة علاج الآن

•       حتي ولو تم علاجهم هل الفتره المتبقيه للمباريات الفاصله تكفي لتأهيلهم للمشاركه ؟

•       طبعا مامعقول

•       لذا

•       نستغرب للهمس الدائر حول اعارة وارقو

•       ونستعجب للذين ينادون بذلك

•       ووارقو يبصم علي اي هدف احرزناه

•       نعم لم ننل منه ماكنا نتوقع ان يعطينا له

•       ولكن ليس هو اسوأ الناس حتي نستبعده

•       يا مجلس المريخ

•       استعينوا بآراء الناس

•       واستشيروا

•       واوزنوا الكلام

•       ثم قرروا

•       لا تستعجلوا

•       لاقرارات لترضية البعض

•       لاقرارات تصدر بردود افعال

•       تمهلوا

•       وضربوها كويس

•       مهجم صريح في التكميليه اهم من اي خانه اخري

•       مافي اهم منه غير ثيردباك صريح

•       حراسة المرمي يحرسها شداد بقرار يعرفه هو براهو

•       يحلها الف حلال شهر اطناشر

•       زي ماقال فرح ود تكتوك

•       لا الامير يموت ولا الفقير يموت ولا البعير يموت للوكت داك ؟

•       ياجماهير الصفوه

•       نعم الحزن يقتلكم

•       بسبب الخساره من فريق اقل من عادي

•       اعلم بذلك

•       وانا منكم

•       ولكن الدور علينا كبير في التأهل لمجموعات الكونفدراليه

•       والدور علي المجلس اكبر في اختيار عناصر في التكميليه تستطيع اكمال المشوار في الكونفدراليه

•       مادايرين زول نصبر عليهو

•       ولا دايرين زول محتاج زمن عشان ينسجم

•       دايرين لاعبين ( كجنق)

•       بدوروا استارتر

•       اها

•       قال لي الدكاتره كانوا مضربين

•       قلت ليهو مضربين عن الاكل ؟

•       قال لي ابدا , مضربين عن العمل

•       قلت ليهو مما ولدونا دكاترتنا ديل مضربين عن العمل

•       قال لي كيف ؟

•       قلت ليهو فلانه نسوا ليها طاقة قماش في بطنها وماتت

•       النسوا ليها الطاقه ديل سواقين , مادكاتره

•       ويقولوا ليك مشيت مية دكتور

•       واحد قال لي ملاريا

•       واداني الراجمات

•       مانفعت

•       مشيت لي دكتور تاني

•       قال لي الاداك الراجمات دي منو ؟ انت عندك قارديا

•       وهراني ليك فلاجيل

•       ما اتحسنت

•       مشيت للتالت , قال لي القال ليك عندك قارديا ده منو ؟ انا بتهمك بي طوحال

•       و قال لي اعمل لي صوره مقطعيه للراس

•       قلت ليهو يادكتور الواجعاني بطني

•       قال لي احتمال الوجع الفي بطنك ده يكون من الراس

•       زهجت

•       مشيت لواحد فارش في السوق الشعبي قال لي عندك (ضبايه ) في المصران واداني بدرة ( ابو انضلاف ) تاني يوم مشيت الشغل

•       تقول لي يادوب اضربوا

•       ديل من قاموا مضربين عن العمل

•       شغلهم ده شغل !

•       ضحك

•       قلت ليهو مالك ؟

•       قال كانوا يقولوا اضربنا عن الاضراب عن العمل

•       ضحكت معاهو

•       خلوهوا الزول الدايرين يقطعوا رجله الشمال قطعوا يدو اليمين

•       قال ليك في حاجه عيانه مشت الدكتور

•       عندها (فحيحه ) في الجسم و(نطاره ) في العضم وسخانه في الرجلين

•       الدكتور كتب ليها فحص للبول

•       مشت المعمل

•       اداها فتيل

•       قال ليها جيبي البول هنا يا حاجه

•       مشت الحمام

•       قرفت

•       مشت علي الماسوره وملت الفتيل

•       محظوظه لقتها كابه

•       المهم سلمت الفتيل وانتظرت النتيجه

•       الفحيص نده

•       بتول بت الشيخ , بتول بت الشيخ

•       الحاجه قامت وقالت , هووووووووي

•       مشت علي الشباك

•       قالت ليهو نعل مافيها شئ ؟

•       قال ليها ياحاجه مافيها شئ كيف ؟ اي شئ فيها , عندك طحالب في البول ونفايات وبكتيريا عموديه وعنقوديه واملاح وطين وقعونج

•       قالت ليهو الطحالب والقعونج عند ماسورتكم دي يا ولدي

•       وشالت النتيجه ومشت

•       قالت الشافي الله

•       قال مضربين قال

 

سلك كهربا

               ناس نيجيريا لو ساقوك كاس العالم كان مشوا لي قدام , تقول لي ننساك

والي لقاء

سلك

babikir maki [b_silik@hotmail.com]