يا قعونج السنه ماكلها خريف

بسم الله الرحمن الرحيم

 

في السلك

 

 

 

•        اليوم نسكت عن محاسبة ذاتنا مؤقتا لنرد علي نقيق الضفاضع

•        بالله المطره من تنزل القعونج يقوم يكورك

•        غاق غاق كوررررر غاق كورررر

•        قعونج ما بخجل

•        يستلم الشارع وهاك يا كوراك الليل كلو

•        لكن المجلس البلدي هو الاعطي القعونج فرصه

•        لانو المجلس لو رش المبيدات صاح ماكان في قعونج عمل فيها ضكر

•        الغريبه ناس فتحوا خشومهم وبدوا يتكلموا

•        اول حاجه يجب ان يتذكروا انهم سنتين ما غلبوا المريخ

•        ويمكن ده كان سبب الفرحه الهستيريه

•        عمر هديه

•        عمر جلطه

•        عمر القالوا بايعها

•        يوم ايداهو جري من شارع النيل لشارع الغابه وقشه ما عترت ليه

•        تخيلوا عمر بقول في المشاهد انتهي الدرس يا مريخاب

•        تخيلوا وهو له صوره في نفس الصفحه بالمشاهد ما مصدق وجاري ( عريان ) شايل الفنيله في ايدو والفضيحه ظااااهره

•        ايوه الفضيحه

•        في يده اليمين ظهر الحجاب

•        الرتينزه

•        وكمان حمراء ومربوطه بخيط اصفر

•        والله الكلام واضح في مشاهد امس صفحة 4

•        واليد الشمال ملفوفه بحاجه صفراء فاقع لونها

•        من شر النفاثات في العقد

•        عشان كده واحد جوه الاستاد قال عمر شنو البجيب القون

•        لكن المشاهد ورتنا فعلا منو الجاب القون

•        بدل الفصاحه يا ود بخيت كان تنستر

•        وتلبس فنيلتك تضاري بيها رتينزاتك

•        ده خلوهو

•        ايفوسا

•        تخيلوا قال في المشاهد برضو ان المريخ نجا من هزيمه تاريخيه

•        ايفوسا

•        والله

•        ايفوسا العلمناهو يدخل الحمام لما احرجنا  وعملها في وسط الميدان

•        والوكت داك شمت علينا اهلوا بتاعين اليوم

•        ايفوسا بقي يتكلم

•        عمر بخيت قال قبل الكوره كلمت زملائي وقلت ليهم انا عندي هدف في مرمي المريخ

•        طيب يا عمر انت الكلمك منو ؟

•        الرتينزه ؟

•        ولا الكتب الرتينزه ؟

•        طالما في حكام موزمبيقيين وجنوب افريقييين وعليهم قرن شطه خضراء ورتينزات وحاجات تانيه حامياني يبقي مافي منافسه شريفه

•        والخوف بعد ده كلو تجونا في الحتانه

•        علي العموم مافي زول بسمع صوت القعونج طول السنه

•        ايام وبنطمه

•        بقطم

•        بخش المجاري

•        ولما تنشف بدخل في البيات

•        فيها السنه الجايه الخريف يجي او ما يجي

•        انتصار الجماعه علينا نعمه لهم

•        ولكن لاتنسوا قد يبتلي الله بعض القوم بالنعم

•        وتظهر الذمه في يوم واحد

•        كل الحصل يظهر وينقلب علي اصحابه

•        قال لي دفنا المريخ في المقبره

•        قلت ليهو ناس حسن الخاتمه قالوا قبرنا رقم 120 وقبركم رقم 118

•        يعني قبلنا بقبرين

•        قبر جزائري كبير

•        بالمناسبه كورة الرد بتاعت الجزائر عملتوا فيها شنو ؟

•        الارباب قال ماشي

•        في ديون كبيره بتجيب امر قبض

•        والكلام ده ما بشبه الارباب

•        عشان كده حايستقيل

•        تاني السداد من وين ؟

•        غسيل ومكوه ورتينزات

•        رتينزات  ما برضو بشتروها

•        اسي اللابسها عمر بخيت دي مجاني ؟

•        لموا وكان غلبتكم تعالوا للوالي

•        والله الارباب ختاكم في جنس حته

•        قال لم الشمل الهلالي

•        كدي لموا الدولار البراري وبعدين لموا الشمل

•        يتخيل لي الارباب بموضوع الدين والاستقاله ده زي الداير يقول برا لمه

•        لم الشمل قال

•        عمر بخيت قبل تتفاصح  اتصور صوره تانيه غير بتاعت الرتينزه دي ووديها المشاهد يبدلوها ليك بام رتينزه

•        خريف وانتهي تاني وين تنقنقي

 

سلك كهربا

                 الناس الفرحانه 000 راجنكم في الحتانه

والي لقاء

سلك