حسنا فعل مجلس المريخ في قبول استقالة رادان الخسران
حسنا فعل مجلس المريخ في تكليف مازدا بالمرحله
حسنا فعل مجلس المريخ في الابقاء علي مشكله
حسنا فعل مجلس المريخ في الابقاء علي الثقه في الاعبين
لكن مدرب اللياقه منو يامازدا ؟
قال الوالي انه بذل مجهودا كبيرا من اجل اقناع رادان بمواصلة المشوار ولكن رادان تمسك بموقفه ورفض المواصله بحجة انه يتعرض لضغوط لا مثيل لها من قبل جماهير المريخ
يعني ياوالي رادان ده لو جبر بخاطرك وسحب الاستقاله نمشي وين ؟ نطير ؟
بركه الخواجه ما بعرف جبر الخواطر
وبعدين الراجل ده قال تعرض لضغوط من الجماهير
حالتو ما بعرف عربي
والله لو بعرف عربي كان جاب لينا الامم المتحده
بركه الطلع ماناقش
في ناس عجبهم انتقادنا للزعيم
وافتكروا ربنا شغلنا عنهم
ولكن هم لا يعلموا ان انتقادنا للزعيم لايعني شكرهم
وانشاء الله يوم شكرهم ما يجي
المريخ تعادل مع اهلي مدني
هذا لا يعني ان نجيلة لخويا قامت
ولا يعني ان اعارة كواريزما صحيحه
ولا يعني ان اعمال الصيانه في الاستاد الشين قد انتهت
ولا يعني ان مواسيرهم بقت صهاريج
الصفوه تحزن للتعادل امام لخويا
ولخويا يحتفل بالتعادل امام الزعيم
شن جاب لجاب
رادان تقول مدسوس لينا
في كورة لخويا يخلي الدافي بره
مع وجود ديمبا في الملعب
الدافي يلعب بالكعب
وماممكن يقيف قدامو مدافع كعب
واحد لخويا قال لي كورة الرد في ارضنا بنغلبكم
قلت ليهو انتوا ارضكم وين ؟
انتوا الفريق الوحيد في المجموعات البلعب سته مباريات خارج الارض
الارض الابت تقوم فيها النجيله دي ولا غيرها ؟
شكيتوا لطوب الارض وشلتوا طوب المحليه والزريبه زريبه
ماتخسروا فيها تبرعات الحكومه سااااي
قالوا كامبوس يتحدث اربعه لغات
واي كوره يقيف في اللاين يكورك بكلام الطير في الباقير
مشاوي سدي ردي كورتزوما برتلوما
اسي مساوي يفهم شنو من دي
ويقول هيظم كبرونا عجاسيسكي بردلوبا
دي اظنها ظااااهره
رجع مازدا
وستعود معه الانتصارات الداويه
ستعود معه النغمه المحببه يا موسي ارجع
ارجع ياموسي
قال لي وديتوا رادان وين ؟
قلت ليهو مشي محل مشي دي سانتوس
ناس نسايه بشكل
المستفيد الوحيد من تدني مستوي الزعيم في الاونه الاخيره هي لجنة المنشآت في استاد لخويا
رجعنا ليكم
لابد من توصيل الشكوي حدها مهما كانت النتائج
امولادي حضر مع ناساروا يامزمل ولا البص فاتو ؟
الفات 000 الفات 00 وفي ديلوا شايل ملفات 00 وانكشفت
حماية الدستور 00 والنقه 000 وقعت في البير 000 اسيادا واحد كبير 00 والتاني بنضم كتير
وحوووصه ضرب التلفون 000 والكاف واقف طابور 00 والبحصل 00 كلنا بنطير
مامشكله
المهم انكشف المستور يا حماة الدستور
دستور بالتا ؟
دستور يا اولاد ماما
اديكم فكره
جيبوا اي لاعب من ناساروا
ودقوهو لمن يعرف حاجه
قولوا ليهو قول انا امولادي
لما يقولها اعملوا معاهو لقاء صحفي بدون صور طبعا
ولقاء اذاعي في الاذاعه الهلاليه
وشيلوا الجريده وشريط الاذاعه ودوهم لقرن شطه يدخلهم ليكم في ملف الشكوي كمستندات دفاع
رئيس الاتحاد النيجيري قال
ماسوري دي سوزي عايوري عانودي ساحولي ساحولي آلولي كانوني قانوني ماوووتي
يعني الماسوره دي سوزا معار عندي مستحيل مستحيل الا كان القانون مات
انتوا كان تجيبوا فريق القطيه المعار ليهو كواريزما مع ناساروا وتجيبوا اي زول من الناس الحمر وشعرهم سبيبي من اي حته في البلد دي وتقولوا ده كواريزما بالنيو لوك
لوك بالكا ؟
يا مزمل اوعك تكمل بتكتل ليك زول
سلك كهربا
الجماعه سجلوا كل المواسير عشان كده المويه ماعارفه تصلنا كيف
والي لقاء
سلك