اكنكش فيك لما تقتنع

بسم الله الرحمن الرحيم

 

في السلك

 

 

 

•        لدينا الشجاعه لانتقاد مريخنا وبالصوت العالي

•        وغيرنا الجمه الله عن الحديث في كل الظروف

•        انتقاد الزعيم لايعني ان الناس الاقل انجازا جويا قد تحسنوا

•        ولايعني ان زراعة الكلي اقصد النجيله قد نجحت

•        نحن ادينا اردأ ثلاث مباريات في تاريخنا

•        ورغم ذلك كنا الاوفر هجوما

•        والاكثر اضاعة لفرص مضمونه

•        سته اهداف انفراديه في مبارات كانو

•        ستون اخري في مباراة زيسكو

•        وماتعدش في مباراة الجماعه

•        وبالرجوع للجماعه نجدهم فازوا علي زيسكو بهدف صدفه من ركنيه وهميه

•        وحرم الحكم الجهود الزيسكوويه

•        ياربي حكم مباراتنا مع زيسكو يكون داير يعيد لزيسكو حقو المهضوم في المباراه اياها ؟

•        المهم

•        فازوا علي كانو كالعاده  بضربة جزاء زيمبابويه هديه وهميه لاوجود لها

•        وربك رب الخير مرقهم يوم مباراتنا معاهم

•        تلاته مباريات لم يفتح الله عليهم فيها بهجمه واحده ملعوبه

•        يدوهم بلنتي

•        تضيع يعيدوها ليهم

•        ويقلبوا الهوبه

•        يعني لو جابوا زي قون الدافي ده كان قلبوا شنو ؟

•        حليمه عندها ولد صغير اسمو عطيه عمرو اربعه سنين

•        قامت حليمه ماشه الجيران

•        قالت ليهو ياعطيه انا سايقاك معاي الجيران

•        عطيه فرح واتحتحت من التراب وقال ليها ارحكاكي

•        ومشوا الجيران

•        حليمه اخدت قعدتها وكوركت لعطيه

•        عطيه 000 عطيه 000 خلاص ارح البيت

•        عطيه جاها وقال ليها

•        خليني اقعد شويه العب مع اولاد الجيران

•        قالت ليهو اطلع قدامي يا ولد

•        قال ليها انت كان طالعه امشي انا قاعد

•        قالت يا اخواني شوفوا قلة ادب الولد ده ! المشوار حقي وانا السايقاك معاي تقول لي قاعد وراي ؟ امرق مرقت روحك

•        ست البيت قالت والله ياعطيه امك معاها حق , هي جايباك معاها تخليك كيف وراها ؟ امشي مع امك

•        وخرج عطيه حزينا الدموع تبلل قميصه ونخرينو سايله ويطنطن براهو

•        قصة عطيه دي ذكرتني الجماعه

•        نحنا سايقنهم معانا دوري الابطال

•        هم ما بطل

•        ودايرين يقعدوا ورانا ؟

•        حاشا وكلا

•        نمرق يمرقوا معانا الحجل بالرجل

•        يا عطيه ارح

•        ارح نغني نشيد الحتانه

•        بقول

•        انا وانت

•        انت وانا ياحبيب

•        نغرق سوا

•        نمرق سوا

•        في السخانه

•        في الحتانه

•        ياحبيب

•        زمان مركز الشرطه اسمو تمنة البوليس

•        تذكروا هذا الاسم جيدا وسنعود اليه بالتفصيل

•        تعوم جواري اكنكش فيك لما تقتنع ياغرقنا كلنا ياجيت برااااي حازمها

•        قالوا في زيمبابوي في لغتهم المحليه بسموا البلنتي شنق وبسموا الضهر هاند

•        عشان كده حكم اغسطس عاد ضربة الجزاء قايلها شنق حتي الموت , وحكم زيسكو احتسب ضربة جزاء لما الكره ضربت في ضهر المدافع

•        قلت ليكم الضهر اسمو هاند عندهم

•        قال لي دور الاربعه

•        قلت ليهو اربعه يا اربعه ؟

•        اي زول مشي معانا مشوار يرجع معنا البيت لو جينا راجعين

•        عطيه 000 عطيه 000 شكيتك لاب ايدا قويه

•        عطيه 000 عطيه000 قوم ارح

 

سلك كهربا

                لن ننسي اياما مضت مرحا وذكراها *** لن ننسي اياما مضت مرحا قضيناها

                      ديل نحنا 000 ايام الجويات 0000 انتوا بتتذكروا شنو ؟ هارد يسك فاضي

                                                   والي لقاء

                                                        سلك