In the name of God, mercy.
في السلك
• في السباقات العد بكون تصاعدي
• واحد استعدال
• اتنين ضرب نار
• تلاته كوووووووووووووووف
• لكن
• الجعرانيه اقصد الكونفدراليه دخلت مرحلة العد التنازلي
• تنااااااااااااااااااااااااااااااازلي
• اربعه , اتنين , صفر دولي
• وكووووووووووووووووووووووووف
• ونعود لنغمة الجعرانيه وما دايرنها
• يالشبارقه كملوا الشبرقه قوام
• اسلام قالت لي كورتنا ضد الجماعه ليه جابوها يوم 11 /11 ؟
• قلت ليها عشان حبايبنا لاعبين في الكونفدراليه
• قالت لي طيب كان يعملوها يوم كم وعشرين حداشر
• قلت ليها ليه ؟
• قالت لي الوكت داك ما بكون عندهم كونفدراليه وما بكون عندهم اعذار ارهاق وحاجات زي دي
• قلت ليها كلام عقل يا سلمونتي يا بتي
• لكن لجنة البرمجه راقده ليها فوق راي
• المهم
• اليوم انشاء الله تبدأ آخر خطواتنا نحو عودة الكأس للكندشه
• السخانه زاتها عزبت كاس الممتاز
• قال ليك جسمو كلو بقي حمو نيل
• اسي الجاب نيل الحصاحيصا هنا شنو ؟
• البلوله لو فتش بلقي ليهو مادة تجيب كورة الحصاحيصا هنا
• ويحكمها كمان البلوله شخصيا
• امس حضرنا تمرين الجماعه
• ناس الاتحاد خايفين علي اقدام الجماعه اكتر من دكتور الجماعه نفسو
• وده الكلام البدس الحقيقه
• وتقوم الحقيقه تظهر في تونس
• ودايما
• متعوووووووووووووويده
• في تونس
• ويقوموا الناس يقولوا ليك ماعارفين الحاصل شنو
• وكان في شئ غريب
• وراسي لافي
• والعصير غريب
• ويعملوا استكشات زي دي
• لكن يا امير كيلا بالغت
• الكاميرا جابت احتياطي الاتحاد في الكنبه
• صديقي سيد شباب الهلال محمد علي عبدالحليم قال لي دي كنبة احتياطي ولا فصل محو اميه
• جبت لينا الكلام يا كيلا
• المهم
• عشان ماتنسوا
• عازمنكم الاحتفال باليوبيل الفضي لاول بطوله جويه تدخل الاجواء السودانيه
• بدري الكلام ده
• قبل خمسه وعشرين سنه
• المهم
• في ناس قالوا نعمل الاحتفال يوم 15/10/2010 بالليل
• لكن في ناس تانيين قالوا ابدا , نعملوا في يوم تاني
• يوم خمسطاشر ده عندنا قريبنا متوقع
• واحتمال يكون عندنا بكي
• وبرضو الزول مفروض يراعي شعور الآخرين
• نمشي المقابر ونشيل الفاتحه ونرجع
• الوفاه كان حصلت بنسمعها في الاذاعه
• وفاه مذاعه
• ومتلفزه
• وفاه علي الهواء
• اللهم لاترينا مكروها في عزيز لدينا يا الله
• نسمعها في الرياضيه 104
• او نسمعها في راديو الرابعه
• كلو واحد
• ميه واربعه
• والرابعه
• كلو اربعات
• في دور الاربعه
• اتربعي
• غايتو يوم الكوره الصبااااااااااح
• نحنا حاننشر رائعة البرعي
• مصر المؤمنه
• يتخيل لي فيها حته شنو كده في اربعه
• مالها اربعه دي كترت !
• المهم
• اليوم
• من ارض المحنه
• من قلب الجزيره
• تبدأ المسيره
• مسيرة عودة الممتاز للكندشه
• مسكين الممتاز
• من السخانه اتملي حمو نيل
• نيل الحصاحيصا ؟
• المهم
• روشا حايرجع لفكرة البيع
• بيع ياروشا
• اقساط الفيلا لسه طويله
• فيلا المعز
• بس ما تطلع زي ارض المعز
• تتذكروا ارض المعز كانت مدوره برضو في دور الاربعه
• ما غريبه فيلا المعز تدور في نفس الدور
• دور
• الاربعه
• بشه زاتو بلبس اربعه
• حاتغيرها يا كابتن
• البس خمسه
• لا ما تلبس خمسه
• خمسه دي مازيمبي اقصد ما مناسبه
• وبعدين بتلف الراس في دور الاربعه
سلك كهربا
ننسي ؟ انسي بس
والي لقاء
سلك
babikir maki [b_silik@hotmail.com]