In the name of God, mercy.
في السلك
• رئيس المنتدي الرسل المعلومات عن الجماعه للاسماعيلي نسي يقول ليهم الجماعه ديل مفلسين شديييييييييد
• ونسي حاجه مهمة جدا
• نسي يقول ليهم ياناس الاسماعيلي انتوا اول ناس اتكويتوا بتزوير 2 الي 12
• ونسي يقول ليهم انتوا شفتوا بعينكم دي المطرود الثعلب وقالوا ليكم كندوره
• بالمناسبه الثعلب الاتثعلبوا فيهو عليكم اليومين في البلد
• رئيس المنتدي رسل معلومات ناقصه شديييييييد
• عشان كده ناس الاسماعيلي حقو ما يعتمدوا علي معلومات رئيس المنتدي الغير كافيه
• ناس الاسماعيلي سبب الهجين من التمنينات
• واحد قال لي ناس الاسماعيلي رسلوا لرئيس المنتدي الرسل ليهم المعلومات
• رسلوا ليهو بعض الاسئله
• قالوا ليهو ما اولتلناشي
• التلعب الانطرد في كورة الفريق الكيني هو نفسو التعلب بتاعنا ؟
• قالوا ليهو الا قول لي 00000 فين كندووووره ! هو الآخر رجع !
• رئيس المنتدي ضحك وقال ليهم زمان في تعلب واحد اسي ماتعدش
• قالوا ليهو يا جاسوس يا احمر ياولد يافقري , المره الجايه هات لنا معلومات عن ديون الهلال لدي الفنادق السودانيه واحكيلنا يا حبيبي عن مرض ام سادومبا , اصلو احنا خايفين اوي من مرض ام سادومبا
• ما قلتلناشي 000 التطعيم ضد مرض ام سادومبا في انهو مستوصف عندكم ؟
• رئيس المنتدي قال في مستوصف فداسي
• قالوا ليهو 000 الله ! ومين الجابلكم مستوصف مية نجمه زي ده !
• رئيس المنتدي تهرب من الاجابه وقفل النت وشال الفيشه من الجهاز وكتم السر
• قال رئيس منتدي قال
• اعلان هام
• الاخوه المريخاب الحمر
• تعالوا كلكم التفوا حول الزعيم
• بدون شوشره
• خلوا كاربوني يشتغل بمزاااااج
• ماتدخلوا في شغلوا
• تعالوا للمشاركه لتنالوا شرف اقصاء الترجي
• تعالوا لتشاركوا في ترحيل الترجي واحباب الترجي والبحبوا الترجي للكونفدراليه
• تعالوا وخلونا من وهم الترجي خطير والترجي صعب
• صدقوني
• لو استعان الترجي بميسي طاير طاير
• بنزرتي وزواوي وحاوي وكلام فارغ
• زعيم القاطع القلب ده وبس
• واحد مصري ساكن الديم جوار السوق شغال سراميك
• قال لي الحكم الارتري كان ساكن عندنا
• قلت ياراجل 000 قول جا فايت بي هنا عشان يزور اهلا ليهو في ديم القنا
• قال لي ابدا 000 كان ساكن عندنا
• قلت ليهو انت بتعرفوا من وين ؟
• قال لي شفتوا في الجرنال 000هوا زات نفسوا
• قلت يمكن شبه ياخي
• قال لي طيب يمكن الوش ( بكسر الواو ) يشبه وش تاني 00 الكرش برضك بشبه كرش (بكسر الكاف ) تاني ؟
• قال لي يا عمي انا قلتلك والباقي علي ربنا
• وربنا مابظلمش عبدا لعبد ابدا يا ضناي
• اسلام قالت لي جمهور الهلال الرائع حا ياخد كاس الجمهور تاني
• قلت ليها ليه !
• قالت لي علي الصبر بعد الاسماعيلي والسطاشر مكرر
• قلت ليها الصبر سمح
• رئيس المنتدي الرسل المعلومات للاسماعيلي سمعت تحت تحت قالوا تاني شغل الجهاز
• ياربي المره دي داير يرسل ياتو معلومه !
• انا لو محلو اقول لناس الاسماعيلي كلام سر كبييييييييييييييير
• يقول لي هات يا سيدنا ومش حانقول لحد ابدا
• اقول ليهو ابدا !
• يقولوا لي ابدا
• اقول ليهم حوض السباحه قرب ينتهي
• عشان يعرفوا البلد دي الزعيم فيها منو
• ويبطلوا يسمعوا الاشاعات
• لكن ما بقول ليهم الجماعه اتغلبوا في كادوقلي
• ومابقول ليهم في القون التاني مره نشوف منير ومره نشوف الانتر
• دي مسائل داخليه ما بتخص الاسماعيلي
• وما بقول ليهم ناس الحافلات ابوا يرحلوا الجماعه
• ومابقول ليهم اسامه التعاون جا الاستاد بموتر شده
• ومابقول ليهم كامبوس لبستو واحده
• قميص مخطط وبنطلون رمادي وبدله كحليه
• بس ماعارف ايجار ولا شده ولا بتاعت ريال مدريد الزمان
• الكضب حرام والقبر قدام
• ومابقول ليهم في السودان اللاعب البقول امي عيانه معناها ما ادوهوا قروشوا
• يقوم الحضري يسمع ويقول لناس الاسماعيلي الست الوالده بعافيه شويه
• ومابقول ليهم الكشافه الشماليه الغربيه ممكن تطفي فجأه
• دي كلها امور داخليه ما بتخص ناس الاسماعيلي
• ايها الصفوه الحمر
• خلوا كاربوني يشتغل شغلو بدون اي تعليقات
• في ناس زعلانين شديد وقالوا كامبوس يكورك الكوره كلها وواقف علي الخط وكاربوني القعده الياها
• ياناس
• الكلام ده ذكرني قصه حصلت في مدني
• قالوا عمك كبييييير عندو قضيه في المحكمه
• جاب ليهو محامي
• وفي المحكمه المحامي يقول كلمتين ويقعد
• المحامي التاني البمثل خصم عمك يرغي 000 انني 00 ومن هذا المنطلق 00 وحيث ان موكلي 00 وان اجراءات العداله 000 اني اري 0000 فكيف تستقيم الامور
• كل جلسه الزول ده يرغي ويكورك
• ومحامي عمك كلمه وغطايتها ويقعد
• عمك يوم قال للمحامي يا استاذ قريشاتي شويه ؟
• المحامي قال ليهو العفو ياحاج
• عمك قال ليهو ازيدن ليك ؟
• المحامي قال ليهو ابدا يا حاج ,
• عمك قال لكن يا استاذ مالك ما بتكورك في المحكمه زي محامي الزول الضدنا ؟
• المحامي قال ليهو يا حاج القصه ما كوراك , القصه قصه كلام فيهو معني ومستند علي وقائع تستند بدورها علي قانون , وفي النهايه نحنا كسبانين القضيه لانو الكوراك ده كلو كلام فاضي سااااي
• عمك قال ليهو يا زول انا عايزك تكورك في المحكمه وتنهر وبعد داك انشاء الله نخسر القضيه
• ياناس ماتبقوا زي عمك بتاع مدني وحاتكسبوا القضيه انشاء الله
• يعني كامبوس يوم كادوقلي كان قاعد وما بقول هاليفه هاليفه ؟
• ويوم مازيمبي كامبوس كان شغال هزاز ؟
• وكاربوني حقنا ده مامشي ربع يدينو في كادوقلي !
• فكونا ياناس
• واحد من الجماعه قال لي كتاب المريخ بكسروا تلج للوالي لمتين ؟
• قلت ليهو لما حوض السباحه يتملي تلج
• جنس حساده
• يعني البقول الوالي بني طابق تاني وعمل حوض سباحه يبقي كسر تلج , والبقول مجلس الجماعه يقوم بواجباته كامله وتتلفت ماتلقي واجب مدرسي اتعمل يبقي قال الحق كل الحق والبعمل فيهو ده موش كسير زمن ؟
• يعني كسير الزمن اخير ولا كسير التلج اخير ؟
• فكونا
• في التلاجات ساخن بارد لاحظوا ماسورة البارد لونها شنو ؟ ومفتاح الساخن لونو شنو ؟
• رئيس المنتدي عندو معلومات داير يرسلها المره دي بالطياره
• لاحد شاف ولا حد دري
• التعلب في ولا فات وفات !
• سلك كهربا
• لن ننسااااااااااااااااااااااك
• والي لقاء
• سلك
babikir maki [b_silik@hotmail.com]