بسم الله الرحمن الرحيم في السلك *اكتب قبل مباراة الزعيم ضد كمبالا *مهرجان السياحه و التسوق رائع روعة المدينه العريقه *اتوقع مباراة قمه في كل شئ *وعروس البحر بالطبع حمراء *هو في حوريه ما حمراء ! *الحوريه لو بقت زرقاء تبقي جنيه عديييييييل *ما بتبقي حوريه *والجماعه طبعا زعلانين *كيف ادارة مهرجان التسوق ما تعزمهم *معقوله يا ناس *اسي افرض اجنبي شاف المريخ في بورتسودان *قام سأل *قال ده شنو ؟؟؟ *موش بقولوا ليهو ده المريخ *ولو قال عمل شنو ؟؟؟ *اكيد بقولوا ليهو جاب تلاته سيكافات ومانديلا ودبي والشارقه *مافي زول بكضب علي اجنبي في مهرجان التسوق *لانو المهرجان هو استقطاب للسياح *وانعاش للسياحه *الكضب ببعد السواح من بلدنا *عشان كده ناس المهرجان ما نادوا الهلال *لانو لو في اجنبي سأل ده شنو ؟ *بقولوا ليهو ده الهلال *عمل شنو ؟؟ *و عشان الصدق بستقطب السواح *اكيد الاجابه بتكون صادقه *ماعمل اي شئ *صفر سااااي *في الحاله دي برضو القصه فيها محاربه للسياحه في البلد *لانو في مهرجان التسوق لو جبت سلعه فاشله *السايح بعتقد جازما بانو التسوق في سوق سلعو فاسده مضيعة زمن *لازم السلع تكون جيده *وماركات عالميه *الصناعه المحليه الركيكه والرديئه ما بتجلب السياح *عرفتي ليه مانادوكم في مهرجان التسوق يا فطومه !!!!!! *المهم *اخي الفاضلابي قال لن اجزم بعدم موافقة الاتحاد علي تاجيل لقاء شندي *انا اجزم يا فاضلابي *انا اصر اصرارا *والح الحاحا علي التشدد مع الاتحاد في عدم التاجيل *في ستين داهيه استقرار الموسم الرياضي اذا كان سيبدأ بمثل هكذا هروبات *وبمثل هكذا ضعف من الاتحاد *اي هلالابي عارف تماما انو الهلال بتهرب من شندي *لا لشئ سوي الضعف والوهن الذي اصاب الهلال في عهد صديقي كردنه *ولان شندي كفيله بفضح كذبة الوصل *وعواجيز الامارات *وصورية الاستقبال بتاع طاخ طوخ طيخ *صديقي حيدر اب سته *هلالابي قديم *من زمن بجيب الكورة من ورا الشبكه *بشم مستوي الهلال من الاعداد *قال لي اب سته *السنه دي الا تجينا ظروف قاهره تلغي الموسم حتي ننستر *وقال لي الهلال ما بلعب في شندي *الهلال انا بعرفوا شديد *الهلال زي الطالب البخاف من الجلد شديد *الطالب البخاف من الجلد اصلو ما بنجلد اول زول *وعشان ابو الهل ما ينجلد اول زول لازم يزوغ من اول كورة في شندي دي *الهلال بخاف من الجلد شدييييييييييييييييد *قلت ليهو طالما بتخافوا من الجلد .* ردفوا وتعالوا لينا *المهم *ايها الناس *اللقطات الشفناها في الموبايلات بتاعت المريخ وشالكا *كانت اجمل واوضح من الهرج والمرج الشفناهوا امس في النيل الازرق ده *تصوير لو بي تلاتين عشره *كان طلع اجمل من كده *ولكن نظن ان الذي قام بالتصوير *هو اختصاصي تصوير زفافات ودخلة عروس للصاله *مصور زفة ساي *قرب يسوي لينا الدخان بتاع العرسان داك *والله في القون كنا بنتوقع زغرودة اكتر من توقعنا لي هتاف *ده قصور اداري من البعثه الاداريه *لانها لو كانت تعلم باهمبة التوثيق لاشياء زي دي *كانت اهتمت بمن يصور وبكم كاميرا يصور ومدي خبرته *عشان كده نادينا كثيرا بقناة المريخ الفضائيه *كانت صورت لينا الحدث ده *ووثقتو لينا بما يرضينا ويرضي الله *دي فاتت *حصلوا الجايات *المهم *كما قلت اكتب قبل مباراة كمبالا *اتوقع عرضا رائعا وقويا ومطمئنا لينا *وشفوت بورتسودان جاهزين *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *رسوم المحاكم والتقاضي زادوها لينا *حتي الدمغات بقت اسعارها تهرينا *نخلي التقاضي ولا في الخلاف نقول تلتو ولا كتلتو يا والينا ؟؟؟ *تصدق يا والينا *رسوم التركه تلاته في الميه مفروضه علينا *ورسوم التنازل خمسه في الميه لاجنبي او لي وارثا فينا *يعني الحكومه بتشيل تمنيه في الميه يا والينا *وارملة المرحوم بتشيل شرعا تمن مما ترك المرحوم لينا *يعني الحكومه عودها زي ارملة المرحوم يا والينا *ومعروف انو الوارث لو قتل المورث ما برث يا والينا *يعني ارملة المرحوم لو قتلت المرحوم ما بترث مما ترك المرحوم لينا *الوارث اذا قتل المورث لا يرث يا والينا *الحكومه ارملة المرحوم دي بعد كتلتو كيفن ترث فيهو افتينا سلك كهربا ننساك كيف ومع الرسوم الجديده لو زول شال حقك تلقي قدام يا اخينا والي لقاء سلك b_silik@hotmail.com
