{ يجي زول تخين وراكب عربية مارسدس واسم كبير يخش البنك ويقعد في المكتب ويجيبوا ليهو حاجة باردة، ويعمل معاملة واحدة لو وزعوها على ناس التمويل الأصغر تطلع لينا آلاف من الأسر من الفقر، وأردف بعد يشيل القروش يوم السداد تلقى الإعلانات في الجرائد إلى متهم هارب، وهو ضارب في المليارات،} تصدقوا يا اخوانا الكلام دا لا قواله لا قطيعه ولا تلفيق بتاع طابور خامس اتخيلوا انو دا كلام رئيس جمهورية السودان القائد الاعلى للقوات المسلحه وكل القوات النظاميه وقوات الامن {الا} قوات اللواء حميدتى فهى لا سلطان عليها لان حميدتى اكد وكرر اكثر من مره وعلى الهواء مباشرة ان قواته لا تتبع لاى جهة يعنى حتى كشكره ما قال الا رئيس الجمهوريه طيب نرجع للشكوى الفوق دى يعنى لو قالا اى مواطن عادى غلباااااان ممكن نقول ما بيده حيله او حاقد؟؟ لكن لما يقولها رئيس الجمهوريه يعنى انه علم علم اليقين ان ما قاله حقيقه طيب اذا انت صاحب الحل والربط والمسؤول الاول عن ارض وعرض ومال السودان وبراك اخترت الشغلانيه دى لانو مافى واحد يوم 30 المشؤم قال ليك تعال احكمنا غير كبيركم الذى راح فى حق الله وهو الان مع الله لا نستطيع ان نسال له الرحمة ليس قسوة منا بل لان الله سبحانه وتعالى بكل جلالة قدرة لا يستطيع ان يرحم او يعفو ان لم يغفر ويعفو المظلوم وحتى بعد ان يعفو المظلوم لله حسابه وتقديره . اها الفطائيس ديل بيعفوا ولا بروف على فضل بيعفو ولا جرجس ومابينهم من مروا ببيوت الاشباح والمطرودين من الخدمه زى معاشى الجيش يعنى هنا لامجال للعواطف
طيب نرجع للكلام بتاع الشكوى البشتكيها الرئيس لمعاشى القوات المسلحه ياربى الذكرو انو فى معاشيين جيش شنو!!؟ بس ما تكون زنقة اليومين ديل المهم اذا رئيس الجمهوريه بيشتكى من حال التخين البيجى يخم القروش ويمشى.. المعاشيين ديل ماشين يعملوا ليه شنو ؟ طيب انت بعد الشكوى والاكتشاف الخطير دا سويت شنو ؟ واقرب حاجه القال انو هو ابنك واخد جنسيه اجنبيه ولسه مدير مكتبك واشترى فيلا فى اغلى برج فى العالم بى كم مليون دولار الانعدم فى السوق اها دا واحد من التخان وما قال هارب ولا نشروا صورتو او اسمه بانه مطلوب اها دا دحين ناديتو ؟؟ سالته دى عملتها كيف؟؟ وانا ابوك الغلبان مرتبى ما مكفينى لدرجة انو بعد ساعات العمل شغال تربال فى المزرعه{دا كلامك على الهواء مباشره مع حسين خوجلى} عشان خاطر الحرمات الفى بيت الخليتم لى وفكيتنى عكس الهواء وان شاء الله بكره ما يبيعك ويخلى عنده شوية بر والدين ويبقى ليك كفيل فى السعوديه وتقول ليه طال عمرك
الكلام بعد كده موجه عديل لناس الجيش والبوليس والامن الشالوهم للتمكين والان نادوهم كمعاشيين عشان يدوهم شوية حقنه مخدره وحا {لسه حا} 28 سنه حا حا حا قال حا يبنى اكبر مستشفى للقوات المسلحه فى افريقيا والشرق الاوسط اها بى شنو يا خى بى سجم رمادك وخزنتك فاضيه لقد اثبت امام قواتك انك الفشل يمشى ويحبو وينام ويعرج على ركب معمول ليها عمره بس مافى المستشفى العسكرى الذى كان مشهود له بالكفائة والانضباط عالميا انما فى مستشفى كير يعنى حتى ما مستشفى حكومى تعرف ليه لانك فقدت الثقه فى اطبائك بالقوات المسلحه واطباء المستشفيات الحكوميه اما ناس كير ماهم ناسك لحمك ودمك
انا دحين كلامى دا ما لى الرئيس او من معه كلامى دا لكل من يحمل رتبه عسكريه حتى لو كان منهم تنظيميا مهما تكن رتبتك تذكر شىء واحد انه فى يوم من الايام كان ما يسمى بساحات الفداء واعراس الشهيد وشحن الشباب والكبار امثال محمود شريف وغيرهم حتى شقيق الرئيس نفسه وكلهم بمفهومهم وخلاف شحنهم للناس وقتها يقولون على البموت فى الجنوب شهيد وعملوا لها منظمه اغتنى منها من اغتنى ولم يجيبوا اسم هاربين لانو الاسوا انو الدكتور حسن الترابى فى النهايه اطلق عليهم اسم فطائس ولم يستطع القائد الاعلى للقوات المسلحه الاخوه مات ان يرد لهم اعتبارهم او يشنق الترابى فى اكبر ميدان لان هذا اللفظ هو اهانة لاى معنى لكلمة شرف عسكرى يعنى بقت دعاره عسكريه والدليل شوفو الناس الادوهم رتب لواء وفريق هل مروا بجوار ابواب اى كليه عسكريه وتدرجوا الى هذه الرتب
دا كلو خلو كيف واحد يدوهو رتبة لواء ويكون جيش ويقول مافى راجل فى البلد دى يسالنى
برضوا تقولى معاشيين باختصار يا عساكر السودان هذه هى اللحظة التى تعيدون فيها الاعتبار والحارينكم فيها بعد ان وصل الحال كما تعلمون واتذكروا كلمة فطائس والله حاره بشكل يعنى الليله اقعدوا طاوعوهم واقتلوا اهلكم ونسوانكم ولوا واحد فيكم مات حيكون شنو فطيييييييييييييييييس
اذا فشلتم شوفوا ليكم اقرب كشك اشتروا طرح اتلفوا بيها دا لو لقيتو تمن الطرح والله يرحمك يا مهيره بت عبود
waladasia@hotmail.com
