الفكي سلس

بسم الله الرحمن الرحيم

 

في السلك

 

 

 

•       طبعا التخدير اليومين دي كتر

•       والتخدير ما مشكله

•       المشكله زيادة الجرعه المخدره

•       بتودي في داهيه

•       تخدير انواع مختلفه

•       الهلال يمرض ولا يموت

•       ده كلوا مرض ساااي !

•       ده مرض شنو ده ؟

•       حمانا الله

•       ياربي معدي ؟

•       عشان لو معدي نعمل حسابنا

•       اول ما يجي هلالابي نلبس كمامه

•       زي ناس انفلونزا الخنازير

•       تاني حمانا الله

•       وفي نوع مخدر تاني

•       الجماهير تصفق للاعبين عقب نهاية المباراه

•       الجماهير يا اخوانا ما صفقت لكن دقت يدا بيد

•       وامطرت لؤلؤا

•       وسقت جضوم مقيله في الشمس

•       وعضت علي ترتوارات الصعود بالمبرد

•       يا ضفاري كان بعتوا ديمبا وعملتوهو طلمبه مع سخانتكم دي بتبقوا

•       اقول ليك يا اب كريق

•       انتوا اشطبوا سيدا

•       واعملوهو محل مديده

•       اقول ليك محل عصيده

•       اقول ليك حاجه

•       اقلبوهو قصيده

•       خلي الارباب يلحنها ليكم ولو ما فاضي ادوها لعلي احمد

•       والاحلي لو كتب القصيده الكاردينال

•       كلمات الكاردينال الحان الارباب غناء ندي القلعه وايمان لندن وعلويه الكلاكله وتيسير العشوائي

•       عليك الله دي اسامي فنانات ولا خطوط حافلات ؟

•       وفي مخدر جديد

•       الهلال قادر علي هزيمة مازيمبي بالكنغو

•       مرقنبو قرنبو

•       عبارات بتتشابه

•       حليل كرنجو

•       ود الحله ببالغ عديل كده

•       عندنا شارع غاندي وشارع كابوندي

•       واحد هلالابي قال لي الكوره مدوره

•       قلت ليهو نحن كمريخاب بنعرف الكوره مثلثه

•       كان اتغلبنا حدنا تلاته

•       لكن مدوره دي بتعرفوها انتوا

•       قفلوه 

•       ماتجي تخللوه

•       قالوا ناس الزعيم عملوا ليهم عمل

•       وفييرا ( نمره خمسه ) قال راسهم كان لافي والميدان لافي

•       ده فكي شنو البلف الراس والميدان ده ؟

•       ده الاكان الفكي سلس

•       الرياضيه رجعت عاديه

•       كملت كل حكاياتها

•       ياعوض الجيد افتكر انو الهلال قادر علي الوصول لابي ظبي

•       الو 000 معاي الرياضيه !

•       معاك

•       اديني يوسف السماني

•       معاك يوسف السماني

•       نرحب بيك يا استاذ يوسف وبتوقع فوز الهلال اتنين صفر

•       اتنين صفر شويه 00 انا اتصلت بصلاح واكد لي الكوره اربعه

•       بتبدأ اربعه ؟

•       لأ بتنتهي اربعه

•       وبتبدا كم دي يا استاذ ؟

•       بتنتهي اربعه اهداف للهلال يا اخوي

•       ما كتيره يا استاذ

•       مافي شئ بكتر علي الهلال

•       ومن يوم الاحد صاحبنا بتصل علي الرياضيه ومافي رد

•       ياربي الجماعه ديل مرقوا ؟

•       واحد تاني يقول ليهو هو الهلال مرق هم البقعدهم شنو !

•       تحياتي للاذاعه الهلاليه اف  ام ميه وخمممممسه

•       اقصد الرياضيه اف ام ميه واربعه وللاساتذه يوسف وعوض الجيد واقترح عليهم تغيير اسم برنامج واحده من سته الي برنامج واحده من خمسه

•       وفي مخدر تاني

•       روشا في اول ظهور له بعد المحرقه ( طبعا الكلام ده بعد الكوره بيومين ) قال مافي زول في الاستاد طقع ولا في زول قال ماسوره وهذا يوضح معدن الاهله , وفي ختام عموده قال عن المدرب ما معناهو يجب تفنيش هذا الماسوره

•       برضو اعلامكم كان راسو لافي ؟

•       طيب قول راسو لافي

•       الورق برضو كان لافي !

•       ده فكي شنو ده اللفه الواطه كلها ده ؟

•       طيب وكت كلكم ريسينكم لافه سمو المحطه جوار استادكم محطة مازيمبي اللفه

•       وطالما في الخرطوم في موقف جاكسون سمو الموقف الجواركم موقف موبوتو

•       يمكن اللفه تقيف

•       والله العظيم ومن حلف بالله ما خلي شي , في مرض بيصيب الحمام اسمو اللفه

•       تلقي الحمامه راسها لافي وتدور وتدور وتدور لما تجي الدايما

•       قلت لي عنكم لفه لسه !

•       بعد ده عاد العلاج (ما اندنا )

•       في دكتور حمام

•       احجز ليكم ؟

•       الرائع خالد عزالدين بدون حجاب  ( ما لابس حجاب زي ابو تميمه )اختفي بدون انذار وظهر من خلف حجاب وقال معجب بحزن الهلال

•       غضبك جميل زي بسمتك يا ابو الهل

•       لو في زول راسو لافي يشجع الدافي عشان اللفه تخليهو

•       امس رفعنا الفراش

 

سلك كهربا

               قلنا ليكم في الحتانه 000 جنس حتحته

والي لقاء

سلك