القناة ام شريحه .. بقلم: بابكر سلك

بسم اللهالرحمن الرحيم
في السلك
*الاهله الشرفاء يحبون الترويج والرواجات
*في آخر كل موسم عندهم شكوي مضمونه في الفيفا
*ويشتلوا زي مادايرين
*تقول الفيفا دي نسيبتهم
*مع قفلة الموسم يبدأ ترويجهم لقنبلة التسجيلات
*قنلبة التسجيلات غدا في الخرطوم
*قنبلة التسجيلات اتأخر عشان كان راكب امجاد ماشي مطار بلدهم
*الامجاد نمرها بيضاء
*ناس الحركة كشوها
*الطيارة فاتتو
*قنبلة التسجيلات وصل اديس
*قنبلة التسجيلات بجي بكره من اديس
*قنبلةالتسجيلات كانت في محاولات مريخيه لتغيير اتجاهه لكنه رفض
*قنبلة التسجيلات اكل ليهو (زقني) في اديس بطنو مشت
*الايام ماشه وبطن قنبلة التسجيلات مااااشه
*السيستم قفل
*طوالي يدخلوا في شائعة القناه
*قناة الهلال ستبدأ بثها مطلع الشهر القادم
*قناة الهلال شدت ما جميله
*قبل ما تبدأ بثها اشاد بها الناس
*الاخوه العرب بسألوا عن ترددها
*الاخوه الافارقه طالبوا بترجمتها
*وفي الآخر يطلع الموضوع نت يا معلم
*يعني تنشط تتفرج
*ما تنشط ماتتفرج
*تنشط ما تتفرج
*الشبكه ويييييين يا عمك
*زيها وزي اي صفحة فيس
*لكن ماقلتوا لينا
*قناة النت دي
*شريحتها برضو من الواطه والا تتسجل ؟؟؟؟
*حيرتونا
*الاجتماع بالواتساب
*القناة بالشريحه
*الجوهره الزرقاء دي جلكسي خلي بالك
*وبعدها طوالي تبدأحكاية معسكر ايطاليا
*مالديني يشيد بفلان
*باولو روسي قال كاريكا خليفتي
*ويبدأ الدوري
*ويبدأ الشغل الجد
*لولا يخطئ ولا يظلم
*الهلال من الدورة الاولي مفروض ما يطلع ولا بي نقطه
*لكنه يخطئ ولا يظلم
*ثم تبدأ المنافسات الافريقيه
*ومحل الحقنه قاعد يا عمك
*ويقولوا دخلنا المجموعات
*ثم يعودوا للشكوي والفيفا
*لكن السنه دي كتروا المحلبيه
*القصه فيها جوهره كمان
*وغرب باب النادي مباشرة مكتوب بالخط العريض
*حمامات
*حقيقه ما عرفت كلمة حمامات هل هي جمع حمام بتاع الدش داك
*ام هي جمع حمامه ذلكم الطائر الانيق
*حقوا عند افتتاح الجوهره الزرقاء تشكلوا لينا كلمة حمامات المكتوبه غرب البوابه الرئيسيه يا كردنه
*التشكيل ضرورة
*والمابشوف ما مشكله
*بشم
*المهم
*السيد فتحي ابراهيم عيسي يقبل العمل بمجلس الشوري المريخي
*خبر عادي جدا
*مجلس الشوري هو مجلس كبار المريخ
*وفتحي ابراهيم عيسي منهم
*للرجل تاريخ حافل بالعطاء والانجاز
*والمريخي اذا ناداه الزعيم
*لايتأخر
*وهاهو الزعيم ينادي كل ابنائه
*نختلف حول الزعيم
*ولكن لا نختلف فيه
*حتي رموز المعارضه
*لهم تاريخهم الناصع وخدماتهم الجليله التي قدموها للمريخ
*قريش لا ننكر انه رجل محترم وخدم المريخ كثيرا
*بل ويعود الفضل له في تسجيل شعار المريخ وتفويت الفرصه علي عصمت
*وحجوج الجميع يشهد له بالجديه والتفاني
*ومن منا لم يجد حجوج مرابطا بالنادي ايام توليه تلك المسؤليات
*وجميعهم قدموا ولم يقصروا
*لذا سياسة عدم الاعتراف بماضيهم من بعض الاخوه غير صحيحه
*وهذا لا يعني ان تجاوزهم للخطوط الحمراء في المريخ يشفع لهم فيه تاريخهم المذكور
*لذا
*نوصي الجميع باحترام الكيان في المقام الاول
*واحترام الآخر في المقام الثاني
*واحترام النفس المحترمه لدي جميع الجماهير في المقام الثالث
*واحترام الجماهير في المقام الرابع
*وصدقوني
*يوما ما سيكون عصام الحاج الثائر و قريش وحجوج اعضاء بمجلس الشوري
*وسيكون الي جانبهم جمال و ضقل والفريق طارق وحسن يوسف
*ومولانا خالد سيداحمد وخالد ليمونه ومعتصم استرليني
*فالايام تمضي ونشيخ كلنا يحملنا الزمان خبرات
*وتدعونا الامانه ان نحفظ تلك الخبرات وننقحها ونقدمها نصحا للمجلس في ذاك الزمان
*التراشق لا يشبهنا يا اهل المريخ
*ينقص منا الكثير
*والاطلاله عبر وسائط لايهمها المريخ
*ولكن تهمها سقطات المريخ
*تعتبر اطلاله منقصه لقامات رجال يجدون حتي اليوم كامل الاحترام
*فان ضاقت بكم منابر المريخ المطروحه
*ابنوا لانفسكم منبرا من خلاله تطلون وتتطل علينا افكاركم
*منبر نضمن انه لا يروج لكلمة حق يريد بها باطل
*فاهمني يا اخوتي في التحالف !!!!!!!!!
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*كلو ما ينتحر زول مجنون يقولوا لينا
*الدخل القصر وماقال كش قالوا مجنونا فينا
*الكتل خوجلي عثمان زمان مجنون يا والينا
*البطلع في الصينيه ويخطب فينا
*مجنون قديم يقولوا لينا
*الطلع برج الكهربا وداير منو يقع يا والينا
*قالوا حلات بتنتابو ومجنون وخطر علينا
*وبتاع الكلاكله برضك طلع مجنون حسب ماقالوا لينا
*والينا
*الف رحمه تنزل عليهم جميعا موتانا النصحاء منهم والمجانينا
*لكن سؤال صغير يا والينا
*صدقنا مجانين الجننهم شنو يا والينا ؟؟؟؟؟؟؟؟
سلك كهربا
ننساك كيف والجن بتداوي كعب عدم الجن
والي لقاء
سلك
b_silik@hotmail.com