بسم الله الرحمن الرحيم
في السلك
• انشاء الله القيامه تقوم قبل الموسم ده ما ينتهي
• الله يكضب الشينه
• المهم القيامه تقوم
• ولما القيامه تقوم
• ندخل بنعمة كريم الجنه
• ونتونس
• نتونس مع الناس المتجدعين في الجنه
• تبقي بينا وبينهم عشره زي عشرة القطر
• الناس تتعارف في القطر وتاكل في صحن واحد
• وتاخد عناوين بعض
• ولما القطر يصل
• انسي بس
• لكنها عشره جميله اثناء السفر بالقطر
• المهم
• نتونس مع ناس الجنه
• يقولوا لينا من وين في الدنيا ؟
• نقول ليهم من السودان
• يقولوا لينا السودان ده وين في الاهل ؟
• نقول ليهم السودان في قلوبنا
• السودان الموحد
• نحلف قسم انو لما القيامه قامت ما انقسم
• يقولوا لينا في انهو ربع ها السودان الموحد؟
• نقول ليهم في ربع افريقيا
• يقولوا لينا وفي السودان من وينكم في الاهل ؟
• نقول ليهم مريخااااااااااااااااااااااااااب
• يقولوا لينا وي……وي….وي من الربع الوحيد الهيلو بطولات جويه في السودان الي ان قامت القيامه؟
• من اهل الزعيم انتو
• نقول ليهم بالحيل
• يقولوا لينا وفريقكم الوحيد في السودان الاحرز بطولات جويه ؟
• نقول ليهم والله لو ما القيامه دي قامت كان عزمناكم اليوبيل الفضي لاول بطوله جويه تدخل السودان
• يقولوا خمسه وعشرين سنه وما حدا جاب بطوله جويه غيركم للسودان ؟
• نقول ليهم ولو القيامه دي قامت بعد مليار سنه كنا سنظل الوحيدين
• انشاء الله القيامه تقوم
• الدنيا زاته فانيه ساااااي
• والآخره دايمه
• اخير الدايمه
• استفتاء
• الداير القيامه تقوم يرفع اصبعوا
• معقوله
• اربعين مليون اصبع احمر !
• نعد الاصابع المادايره القيامه تقوم
• واحد اتنين تلاته
• معقوله
• تلاته الف اصبع ازرق !
• دايرين بيها شنو الحياه يا اصحاب الاصابع الزرق
• الماعملتوهوا طول عمركم دايرين تعملوهوا والقيامه قايمه !
• مبروك
• فاز مقترح القيامه تقوم
• موووووووووووووووووووووووتوا
• وقوموا لما ينفخ في الصور
• تقوموا خشمكم ملح ملح
• لبنت
• والقيامه قامت
• اها
• واحد قال لي ناس عطبره ماعندهم صوت
• قلت ليهو كيف يعني
• قال لي ينضموا قبل شهر من كورتهم ضد المريخ
• قلت ليهو من حقهم
• قال لي وما من حقهم ينضموا قبل شهر من كورتهم ضد الهلال ليه
• قلت ليهو برضو من حقهم
• قال لي بشوفهم ما استخدموا حقهم
• قلت ليهو يعني شنو ؟
• قال لي بحب الزول البلعب لي روحوا
• قلت ليهو قصدك ؟؟؟؟؟؟؟؟؟؟
• قال لي ياهو زاتو
• المهم
• امس دخلنا الكوره
• واحد صفوه شاف التشكيله قال لي ده كشف الشطب ؟
• كل يوم تزيد قناعتي
• بالكشف الاحمر ناس لايشبهون عظمة المريخ ومكانته المتفرده
• مع المورده
• وبالتيله
• الديبه مكسب
• وهدفه جاء جميلا وزكيا
• غيرو كتااااااار كان ضيعوهوا
• اما هدف راجي
• فكان لوحه من هذا المبدع
• حارس المورده
• وعصام دانفوديو راجين راجي يعكسها
• راجي قلوزها
• عصام دانفوديو وحارس المورده لي اسي واقفين
• راجنها
• اها عندنا تلاته توانسه
• فرحانين بصعود الصفاقسي
• باركنا ليهم
• نحنا غايتو يا النفطي بنشجع اولادنا
• حلوه دي موش
• وللمعلوميه
• الصفاقسي بلبس زي مازيمبي
• ماتزعلوا
• لازم نملك الناس الحقائق
• والتوانسه حالفين يلعبوا السوبر في تونس بين ناديين من تونس
• كيف ما بعرف
• لكن ده اصرار التوانسه
• قون راجي زعل كترت ناس
• ناس كتاااااار
• مورداب جدد
• سا……سا……راجي عبد العاطي
• بالمناسبه ياناس عطبره
• المركز التالت بقود لتمثيل السودان افريقيا
• وانتوا ضقتوا النعمه دي
• معقوله تفرطوا فيها
• ماممكن موش
سلك كهربا
لا بنساك ولا عاوز ولا بقدر
والي لقاء
سلك
babikir maki [b_silik@hotmail.com]
