بسم الله الرحمن الرحيم
في السلك
• لو كان بالمراد واليمين محقوق
• ما كان بتشنق ود اب كريق في سوق
• صحي والله
• لكن انا لسه مصر
• والح اصرارا
• واصر الحاحا
• عند بداية الموسم الكروي
• الاتحاد يشيل الكاس
• انشاء بي امجاد
• ويوديهو لي ناس الهلال
• يقول ليهم ده الكاس يا شباب
• الموسم ببدأ الاسبوع الجاي
• علي الاقل يا اخوانا نضمن موسم نضيف ونزيه
• نستمتع بكرة قدم حقيقيه
• ليست خياليه
• من بنات افكار الاستوديوهات التضليليه
• دايرين كوره من اجل الكوره
• من اجل التنافس الشريف
• تنافس بدون كاس
• طالما الكاس بقودنا لهذا التردي
• نخليهوا
• اسي اطفالنا الشافوا ضربات جزاء النيل الغير محتسبه دي نقول ليهم شنو ؟
• نقول ما ضربات جزاء
• الشفع يفهموا غلط ولما يكبروا ما يفرزوا بين ضربة الجزاء وضربة الحظ
• نقول ليهم ضربة جزاء
• يتربوا غلط ويفقدوا الثقه في الحكام
• نطلب منهم الانضمام لسلك التحكيم
• يحلفوا ما ينضموا لسلك التحكيم
• الا نعملوا ليهم الزاميه وخدمه وطنيه
• معقوله اطفالنا يشوفوا كل هذه المهازل !
• قان نشفر القنوات المضره بتربيه الاطفال في الديقيتال
• طيب نقل الكوره ده نعمل فيهو شنو مع الشفع ديل !
• ياناس
• للنيل ثلاثه ضربات جزاء وعليه هدف من تسلل واضح واوقف التحكيم له هجمتان بالتسلل ما سمعن بالتسلل
• دي تلاته نقاط اوانطه
• لجزيرة الفيل ضربة جزاء في اواخر الشوط التاني في الدوره الاولي ضد الجماعه
• لما المعز كتل المهاجم
• ودي تلاته نقاط اوانطه اخري
• وللجماعه هدف من ضربة جزاء ضد جزيرة الفيل في الدوره التانيه انتهت عليه المباراه
• وكان هدف الفوز
• لما الماسوره ضربت في الماسوره ورجعت للماسوره
• ضربة الجزاء التي يستفسر عنها جهاز التحكيم بتاعنا لدي الفيفا
• يقول ليهو لو اللاعب لعب الضربه وضربت في الماسوره ورجعت للماسوره
• ولعبها تاني تحتسب هدف ولا ما تحتسب هدف ؟
• تخيلوا
• ودي تلاته نقاط اوانطه
• هدف الجماعه في هلال الشرق
• لليله ما عبرت الخط
• وكان هدف الفوز
• شوف ليك جنس اوانطه
• كورة المورده في الدوره الاولي
• ماكان فيها اثر تحكيمي واضح
• لكن فاز الجماعه بهدف لسادومبا اوانطه
• شوف ديل كم اوانطه
• اضرب خمسه في ثلاثه نقاط ( اسي الجاب مازيمبي شنو )
• يكون الناتج خمسطاشر نقطه اوانطه
• اخصم خمسطاشر نقطه من رصيد الجماعه
• يفضل كم ؟
• عرفتوا البطل منو ومن متين ؟
• المفروض الليله يكونوا بكابسوا في البقاء مع ناس الميرغني
• دوري اوانطه الاونطاني
• ده غير ناس مفروض ينطردوا من كور لكن الحكم ماشاف اسباب الطرد
• تتذكروا سادومبا لما رفس لاعب حي العرب في بورتسودان ؟
• لكن ابو شنب ما شافها
• لو شافها كان طرد سادومبا
• ولو طرد سادومبا الدوري كان اتلغي
• عشان الكوره البعدها كانت ضدنا
• في دوري اوانطه ده اليمين ما محقوق
• عليكم الله الفيفا لما استفسرها اتحادنا عن البلنت الدقت في الحديده موش مفروض الفيفا تطلع بيان تشطبنا فيهو من سجلات الاراضي زاتها ؟
• معقوله
• معلومات الضان في الخلا عارفها
• خليهو راعي الضان
• لكن نعمل شنو في خلا الانحياز ده !
• اها
• في النوم قابلت تونسي
• قلت ليهو انتوا بتسموا ساااااااااااااي
• قال لي كيف ؟
• قلت ليهو اسي صفاقسي دي يعني شنو ؟
• قال لي اساسا هي كلمه تتداخل فيها العاميه التونسيه والفرنسيه
• وطبعا انا ضعيف في الرياضيات بالفرنساوي في الصحيان
• خليهو في النوم
• المهم
• قال لي اصل الكلمه صفا قسيسا
• وواصل
• صفا تعني النهر او النيل عندكم
• وقسيسا هي مدينه جوار اوغاغا التونيسيه
• واوغاغا دي حسب كلامو هي المدينه التي بدأ فيها تعليم البنات التونسيات
• ضحكت ضحك شديد
• وقلت الدنيا دي ضيقه
• ودواره
• يعني اوغاغا هي رفاعه بتاعت تونس
• موش رفاعه هي التي بدأ فيها تعليم بنات السودان ؟
• يبقي خلاص
• ماحدش احسن من حد
• عندهم اوغاغا وعندنا رفاعه
• طيب قسيسا الجمب اوغاغا دي بتعادل شنو عندنا ؟
• ايواااااااااااااااااااااا
• تعادل حصاحيصا
• يبقي صفا تعني نيل
• واوسيسا تعني حصاحيصا
• يبقي الصفاقسي هو نيل حصاحيصة تونس
• يعني بالتحكيم حاتنتهي اتنين واحد
• وماحدش احسن من حد
• قلت ليهو عندكم استكشات في تونس زي استكشاتنا !
• ياناس
• الاستفتاء قرب
• وعشان ندعم الوحده الجميله
• وعشان نلفت كل العالم
• تعالوا نعمل بمقترح هيثم ود الابيض الصفوه
• هيثم قال ننادي بان تلعب المباراه النهائيه للممتاز بجوبا
• دعما للوحده
• الضايقين حلوها بجوا
• والضايقين مرها ما بزوروها
• جبنا سيرة جوبا دي
• الجماعه كلهم تلقاهم قلبوا
• اه يا انفصاليين
• تفصلوا !
• تفصلوا شنو !
• والله شبر ما تفصلوهوا
• بلوا راسكم وتعالوا جوووووووووووووبا
سلك كهربا
ننسي كيف بالحاله دي !
والي لقاء
سلك
babikir maki [b_silik@hotmail.com]
