In the name of God, mercy.
في السلك
• اها
• امس قاعدين
• زينه في زينه
• في نادي المريخ
• نتفاكر في مريخ الحاضر ومريخ باكر
• كان اليوم الثالث لنفرة العضويه
• عضويتنا في المريخ هي جنسيتنا
• لايكفي ان تقول انا سوداني
• بل لابد من نيل شرف مستند الجنسيه
• بطاقة العضويه هي مستند الجنسيه
• المهم
• نجحت النفره مثل سابقاتها
• ولسه ماشين في الدرب
• المهم
• اثناء الجلسه ديك سمعنا زول بضحك
• هاهاهاهاهااااااااااااااي
• ضحك لما اتفنقل
• قلنا ليهو مالك
• قال فيصل موسي جاب قون
• طبعا انا استغربت
• كيف الحكم يسمح لفيصل موسي يجيب قون
• قلت يمكن قلشت من فيصل ود موسي وسكنت شباك اهلي الارباب
• قمت قلت ليهو فيصل جاب القون كيف ؟
• قال لي الكوره في زاويه والمعز في زاويه
• ضربة الزاويه
• ضحكنا المره دي كلنا
• هاهاهاهاهاااااااااااااي
• نطه واحد قال يعني الارباب ختاها للبرير ؟
• ضحكنا تاني
• هااااااااااااااااااااااااااااااااااي
• قام جا واحد قال الليله الافريقي لاعب في الدوري التونسي
• قلنا ليهو لعب كيف ؟
• قال حسب كلام المذيع لعب بالخطه الحايلعب بيها ضد الجماعه
• قلنا ليهو وانتهت كم الكوره ؟
• قال تسعه واحد لصالح الافريقي
• قلت ليهو ده لعب بالخطه الحايلعب بيها ضد الجماعه ولا لعب بالحته الفيها الحديده ؟
• قال لي الخطه الحايلعب بيها ضد الجماعه هي زاتها الحته الفيها الحديده
• نطه ود ام در وقال
• الجماعه المغلوبين في شندي ديل ماشين لي فريق بسمي تسعه وكمان في قبولوا ؟
• قلت ليهو يا ود ام در اوعه السيك
• كان ماضامن المراقه ماتسافر
• الجماعه ديل القبول قبولهم
• تسعه عدييييييل كده
• كان كدي نرجع لكلامي الزمان
• العندو ولد ضعيف في الحساب يدخلوا الكورس المجاني
• يوم كورة تونس يقعدو قدام التلفزيون
• الولد حايتعلم يحسب
• حلالالالالاتو
• تلقاهو قاعد ويحسب
• انين ابعه همسه تته
• ماتقاطعوا
• خليهو يحسب لمن يفتر
• كان قال تيعه
• قول ليهو كفاك
• لحدي تسعه دي كفايه جدا
• طبعا عمك هرمنا بكون جوه الاستاد
• تيعه دي مابتفوتو
• تيعه ساي !
• تيعه بالتا
• الخوف يحسب لي عشله
• تتذكر ياروشا يوم قلت ليك العبوا بالابيض عشان تعرفوا حاجه ؟؟؟؟
• ايها الناس
• بعد كده الخوف من مبارياتنا في مدني
• الجماعه ماحايسكتوا علي الفرق البقي يتسع كل يوم ده
• ستتدخل ايادي وصافرات اهل الياقات البقت ملونه ظاهريا دي وداخليا لونها وااااحد
• يجب ان نفهمها طايره
• نفوت الفرصه علي اي يد تحاول تقليل الفارق
• نتشفتن
• روابط المريخ في مدني والمدن المجاوره
• دوركم جا
• رابطة المريخ بالمسلميه ماشاء الله جاهزين مويه ونور
• في مدني لدينا سته نقاط
• يجب ان نعود بسبعه نقاط من السته
• بالزياده
• والماعاجبو يطق نافوخو في الحيطه
• لن نسمح بتدخل الايادي الخفيه لتقليل الفارق
• ولن نسكت علي تدخلها
• ولن نهادن لنري ماذا ستفعل السلطه العامه
• يجب علي السلطه العامه ان تكشف وتطيح بالفساد والمفسدين
• الشعب يريد كنس الفساد
• والفساد في الممتاز اماكنه واضحه
• عشان نبقي شعب راقي يجب ان لانأخذ حقنا بايدينا
• وعشان ماناخد حقنا بايدينا يجب ان تأخذ السلطه الحقوق من المفسدين
• واذا السلطه غلبتها الحكايه دي
• نحنا قدرنا وحقنا ما بشيلو زول
• زحوا لينا بعيد واقعدوا فراجه
• مريخاب
• نعم
• شفوت
• احبكم
• الولد كان قال حداشل
• اجروا سااااي
سلك كهربا
ننساك كيف وفيصل موسي ضرب الزاويه
والي لقاء
سلك
•
babikir maki [b_silik@hotmail.com]