بسم الله الرحمن الرحيم
في السلك
• صفوه تتميز دوما عن الغير
• في احلك الظروف تتواجد
• تكون قريبه من الحبيب اذا اضناهو الالم
• ولكنها لاتجامل
• ابداع دائم
• في المباراه الوديه حضر الصفوه
• برغم المرارات
• يحملون لافته كبيييييييييييييييييييييره
• كتبوا عليها
• العبوا كالرجال او اتركوا فريق الابطال
• محاضره قدمتها الصفوه
• في سطر واحد
• المريخ ياساده تميزه روح المريخ الحاره
• اشتهرنا بقوة القلب وحب الشعار
• والجماعه كانوا بقولوا لما ناسنا ينزلوا الميدان ويسخنوا زي طلاب المدارس
• واحد اتنين
• طق طرق
• تلاته اربعه
• طق طرق
• اها
• ويقولوا لما ناسكم ينزلوا الميدان تقول زايدين
• يملوا الميدان لي عينو
• الميدان يتقلب احمر
• كل زول داخل من اتجاه براهو
• يفوروا الدنيا دي قبل الكوره تبدأ
• وطبعا ناس طق طرق بكونوا قعدوا فراجه
• ده المريخ الذي عشقته الصفوه
• تتعكس الكوره
• خمسه فنائل حمر تطير عليها
• الحارس وتلاته مدافعين يقعوا جوه الشبكه
• وعينك ماتشوف الكوره الا جوه الشبكه
• وكل واحد من الخمسه يجري في اتجاه
• الجاب القون منو ما بتعرفوا
• الا تاني يوم من الجرايد
• والجرايد زاتها بتجيب الخبر من تقرير الحكم
• والحكم زاتو بخمن ساااااااي
• اقرب نمره من الخمسه فنايل النطوا فوق بكتبوا ده الجاب القون
• ده المريخ البتعرفوا الصفوه
• وده المريخ الدايراهو الصفوه
• كمال عبد الغني
• يلف اربعه اشرطه ضاغطه وشرابين وشنكار وانكل
• لا يعرف سببا للغياب
• لا تجبره الاصابه علي الابتعاد
• ولا تبعد النجمه عن صدر احبها ابدا
• تقول لي رحلة علاج سنه ونص والعداد رامي ؟
• زيكو
• من بره خط سته
• الرأسيه زي الكسكته
• من تتعكس نهتف قوووووووووووون
• قبال تصل زيكو
• واثقين شديد
• ده المريخ البتسأل عنو الصفوه
• بريمه
• مافي داعي للسيره دي
• ابو عنجه
• محور واااااااحد
• لكن خط احمر
• الكوره زاتها بتخاف تجي بي عندو
• اسي تلاته محاور وزول الجيش يحاور
• عبد العظيم قاقرين
• براهو يسك خط الدفاع كلو
• وبعد ده يقلعها
• تقول لي بطير ويموه ويقلب دبل كيك !
• كيك بالكا ؟
• فكونا
• عاطف القوز كان بدور
• والزومه بدور
• وجبره كان بدور
• وبله بدور
• والكون كلو بيدور
• واحنا وياه بندور
• لما بقينا نشك
• ده مريخنا ولا مريخ تاني
• الصفوه قالت
• لاتراجع
• لاصلح
• لا استسلام
• نهي مجاملات
• نهي ترضيات
• عين حمرا
• وفنيله حمرا
• ايداهو
• اقول شنو عاد يا اخوي !
• الذين كانوا يحاربون تسجيل هنو
• قولوا واحد
• لا مكان لاي متقاعس
• من شهر اطناشر
• بيعوا عرباتكم واجروا عماراتكم عشان تعيشوا باقي عمركم
• قال حقوق قال
• ياريت لو كانت لافته الصفوه مكتوب عليها بس اتركوا فريق الابطال
• طالما في كوره
• يبقي في نصر وفي تعادل وفي هزيمه
• بنقبل كل الاحتمالات بس تكون في عزيمه
• خالتي قالت لي جارتها بالحيطه
• يا فاطنه ماتغرك فورة العجين اسي بهبد وينزل ويروق
• رشة مويه بطرف ايدك والجردل يفضي
• الزمن واقف والقلب واقف وصاحبنا واقف يسبسب في الشعر جمب البلنت
• معقوله يا عريس !
• واحد حلف قال لي كنت قايلو ماشي يصلح الكوره ما قايلو داير يشوت
• يا نفطي
• الحريف لو ما عنيف ما بنحبوا
• والله العظيم
سلك كهربا
تاني ماتجيب لي سيرة النسيان دي
والي لقاء
سلك
babikir maki [b_silik@hotmail.com]
