عينات
صحيفة الانتباهة:
الحزب الحاكم: سنجعل دعاة العصيان يكتبون (حضرنا ولم نجدكم( ..طيب اذا حضروا حتكتبوا شنو …مطلبنا اكتبو لينا خليناها ليكم
مساعد الرئيس: لقيادات الوطني دعوات الاعتصام كلام واتساب ما تشغلوا انفسكم به
طيب انت شاغل نفسك بيه مالك يا م رئيس الجمهوريه
الوطنى يعلن عن اطلاق حملة كبرى لاسكات الالسن وافشال العصيان المدنى
محمود : المعارضة افتقدت القاعدة الجماهيرية وتلجأ لاستخدام الفضاء الوهمى الخيالى لاسقاط النظام باطلاق الشائعات
الكلام الفوق دى بتاع الكورس طيب نسمع الفنان قال شنو
وقال البشير أمام حشد من مناصريه في مدينة كسلا بشرق السودان، في تصريحات بثها التلفزيون الرسمي “سمعنا خلال الأيام الماضية من ناس يتخفون خلف (الكيبورد)، دعوة إلى إسقاط هذا النظام”، في إشارة إلى استخدام وسائل التواصل الاجتماعي على الإنترنت. وأضاف الرئيس السوداني “نريد أن نقول لهم إذا أردتم إسقاط النظام واجهونا مباشرة في الشارع، ولكني أتحداكم أن تأتوا إلى الشارع (…) نعلم أنكم لن تأتوا لأنكم تعلمون ما حدث في السابق”، مؤكداً أن “هذا النظام لا يمكن إسقاطه بواسطة (الكيبوردات)”.
الكلام دا كلو ولسه الشعب بعمل فى المناظر وبلغة ناس الكوره تسخينه طيب اذا بس فى التسخينه دى الاولاد ديل اعصابهم باظت ومقومين نفسهم قدر دا اها دا حالتو يا الفنان قبال ما يطلعوا ليك بره يعنى بس شوية خربشات بالكيى بورد خلتك تجرى يمين وشمال وشى لعيب اولاد الامراء لغاية ما قالوا ما عايزين وابواتهم ادوك قرشك وقالو ليك حل عننا
يطالعو ليك شنو يا رعديد يا جبان بالله ما بتخجل يحشدوا ليك الاجانب ويجوا باعلامهم حتى الغباء وصل انو ما اديتوهم اعلام سودانيه وربما ادوهم ليها لكنهم لانهم يعتزون ببلدهم كبلد رفضوا ما بتخجل وانت القائد الاعلى للجيش والشرطه والامن تخطب امام حشد من الاجانب باعلامهم وتهدد مواطنيك الذين رفضوا لقائك بان طالعونى بره اخس عليك وعلى تربيتك ياخى انت مش قلت جاى تنقذنا هو فى الاول القدم ليك دعوه منو طيب عملتها وانتهيت ياخى عايزنك تنقذنا بالجد المره دى حل عننا ادينا نفسنا شوف ليك شغله تانيه ناس قالو ليك ما عايزنك متلصق فيهم ليه وارثا انت ما سارقا مش ناس العلماء والمشايخ قالوا الخروج عن الحاكم حرام شرعا طيب انت بتعمل الحرام ليه استغفر الله ورجع الشغلانيه لاهلها مش قلت عندك مزرعه طيب امشى شوف زراعتا تنفعك البلد دى بلاك بتمشى ما تشفق علينا يعنى امر الله لو حصل ليك الليله البلد بتقيف؟؟ ياخى بالله حل عننا وما فى داعى للعواره بتاعة الشفع دى العايزنا يطلع لينا بره دا كلام زول رئييس تانى اقولا ليك اخس عليك وعلى تربيتك
بلاغ الى وزير العدل
انا المواطن سعيد شاهين ارفع دعوى بالتهديد بالقتل من قبل المدعو عمر حسن احمد البشير والاخلال بالامن حيث هدد كل من نوى الاعتصام فى منزله ان يخرج له فى الشارع قائلا بانه سيكرر ما فعله من قبل فى سبتمبر وهو اعتراف صريح بانه سفك دماء ابرياء
عليه ومن واقع مسؤليتك كوزير للعدل ارجو فتح بلاغ ضد المدعو عمر حسن احمد البشير بتهم الاخلال بالامن والتهديد بالقتل وتهمة القتل العمد اتجاه من قتلهم فى سبتمبر باعترافه كما نرجو فتح بلاغ بتهمة الاستيلاء على السلطه الشرعيه بقوة السلاح مخالفا القوانين التى كانت سائده وقتها ومازالت
السيد وزير العدل عدم الامتثال لفتح البلاغات اعلاه يعنى مشاركتكم لكل ما ورد بخصوص البلاغ وخيانتكم لامانة التكليف كوزير للعدل فقط نذكركم وانتم تدعون هى لله هى لله لا للسلطه ولا للجاه ولا لدنيا قد اتيتم وتقيمون حدود الله وشرعه نذكركم انه فى يوم ما وقف على بن ابى طالب كرم الله وجهه وهو امير المؤمنين امام قاضى عينه على بن ابى طالب بصفته امير المؤمنين رغم ذلك وقف امام القاضى كمتهم مختصما من قبل احد رعاياه يهودى الديانه وحكم القاضى حكمه بما يعنى ان هناك سابقه قضائيه شرعيه قبل اكثر من 1400 عام وقبلها قالها المصطفى عليه السلام لو سرقت فاطمه بنت محمد لقطعت يدها اى لا حصانه لبشر كائن من كان
فيا وزير العدل انك اولا تحمل صفه لا يحملها الا الله وهى العدل وهى مسؤليه لا تعفيكم عن كيفية ادائها امام الحق يوم ينصب ميزانه ولا توجد هناك حصانات ولا امن ولا رئاسة جمهوريه لذا نضعك امام الله وضميرك ونختصمك امام الله على هذا الامر اذا لم تفتح البلاغات اعلاه والا نرجو منك ان تتقدم باستقالتك تبرئة لذمتك امام الله يوم تنصب الموازين
waladasia@hotmail.com
