In the name of God, mercy.
في السلك
• افتكر خلاص كلام عن فوزنا علي الجماعه
• بعد كده ندخل في الجد
• باقي لينا هلال شندي
• اقصد اهلي شندي
• نطقطقوا شدييييييييييد
• بدون رأفه
• ونتفرغ للافريقيه
• بكل جد
• لاننا السنه دي
• ومن واقع قراءة الاحداث
• برانا برانا حانشيل الشيله
• وحتي يبقي السودان مستمرا في منافسات افريقيا
• يجب علينا ان نأخذ المسأله مأخذ الجد
• وان نعمل علي تحقيق ذلك
• اخوانا ديل
• بالشفتوا ده
• ماماشين بعيد
• حدهم القيفه
• وحتي لو سمحت لهم الصدفه بالذهاب لي جوه شويه
• فان اخوان فيلكس ديل مابقدروا علي محل غريق
• فيلكس العيني شافتو ده
• كان دخلت قون يمرقها من جوه
• اما ناس سامي واتير وحتي في وجود مساوي
• اليد الواحده مابتصفق
• بتطقطق ساي
• والبطقطق معناها نازل
• قبلك يامعلم
• مساوي ده بطقطق ليك
• ويستمر المشوار بنا وحدنا
• انت مافي
• بس انا
• ولكي نصل آخر محطه يجب ان نأخذ المسأله بجد شديد
• الجمعه حداشر مارس
• بالنسبه لي ميشو كانت زي حداشر سبتمبر
• انها جمعة رحيل ميشو
• ياحليلك يا اخوي
• ايها الناس
• فريق لايملك حارس بطولات عليه ان لايحلم بها
• وطالما نحن نمتلك حارسا كله بطولات
• يبقي من حقنا نتمرن
• وننوم
• ونشخر
• ونحلم بالبطوله
• ونحنا طبعا احلامنا معروف عنها انها بتحقق طوالي
• تتذذكروا لما حلمنا بي سيكافا ؟
• الجماعه قالوا ده كابوس
• والكاس كبس
• تاني حلمنا بي مانديلا
• الجماعه قالوا دي هضربه
• وجانا مانديلا
• جبناهو بي حقنا
• والآن نحلم بافريقيا
• لازم بطوله جويه جديده
• طالما ساكواهور بختها في الحديده
• المهم
• عندي احساس انو السودان حايقسمها مع انجولا
• كيف ؟ ربك يعلم
• لا وقت للحديث عن غياب محمد عبدالماجد
• الحديث عن عودة راجي اهم
• لا وقت للحديث عن ضعف مستوي سامي
• الحديث عن تألق باسكال يهمنا اكثر
• لا وقت للحديث عن تدني لياقة علولو
• الحديث عن ارتفاع لياقة الشغيل ( الفندك ) اهم كتير
• لاوقت للحديث عن اخفاق سادومبا
• الحديث عن امكانات ساكواهور اجدي بكثير
• لاوقت للحديث عن اتير
• ولكن الحديث عن عودة سفاري للتألق افيد
• لاوقت للحديث عن عدم سداد استحقاق سته وعشرين لاعبا
• ولكن الكلام عن توزيع حافز النصر الدولاري احسن
• لاوقت للحديث عن اخفاق ميشو
• ولكن الكلام في شطارة البدري افيد
• لاوقت للحديث عن تدهور مستوي يوسف محمد
• ولكن الكلام عن التسجيل بالتلفون بوضح انو الذمه بانت
• بانت ولا المورده ؟
• لاوقت للحيث عن ان المورده ستحضر مستسلمه
• ولكن الكلام عن ان المورده تريد العوده لموقعها الطليعي احسن
• لاوقت للكلام الفارغ
• امامنا اهداف نقصدها
• اغلب الاهله يقولون ان ابي شنب قد اهدي الفوز للمريخ
• طبعا يااخوانا ابو شنب ماشاء الله وجيه
• وبشبه الحضري
• الجماعه ديل تشابه عليهم الشعر السبيبي
• ابو شنب شاتها لي اتير ؟
• لو داير تغيظ هلالاب
• اقعد معاهم وماتجيب سيرة الكوره
• بمووووووووووووووووتوا
• وبدون سبب
• الواحد ينط ويقول ليك
• فرحان بالقون الهديه ده ؟
• نحنا اديناكم ليهو ساي
• قاصدين
• بعد شويه يطربق براهو
• اتير شنو البلعبوا لينا
• ميشو غلطان
• لو ماغلطان يخت لينا مهند بره؟
• لكن غياب مساوي اثر
• ينط هلالابي تاني يقول
• مجنننا مساوي مساوي , مساوي ده يوم هنو وراجي كان في مساوي ؟ فكونا ياخ
• ينط واحد تالت ويقول
• ده حالتو راجي مافي
• ايها الناس
• هنو معي هنو
• الزول ده كابس اتير جنس مكابسه
• واتير بعرفو من المورده
• لو خلاها وصلتو كان طبق حنة قونو الفي كاس السودان داك
• القون الجابو ومساوي جاري معاهو
• جاري شنو
• راقد في واطات الله دي
• تتذكروا لما قلت ليكم هنو ده ماتعاكسوهوا ؟
• ولسه
• من اقوال الاهله
• الهلال مابتغلب في استادو
• انتهينا منها
• الهلال مابتغلب مرتين علي التوالي
• انتهينا منها
• احسن استثمار السنه دي تفتح ليك مكتب شكاوي الحضري
• الواحده بالف ونص
• اتنين بي الفين
• لكن البدفع منو ؟
• ولي امر الطفل احمد موسي عليه الاتصال بالرقم 0912119233
• عشان يستلم عجلتو
• موش قلت ليك طلع الرخصه يا ابو حميد !!!
• لو جبنا كاس افريقيا يا احمد موسي موتر عديييييييييييييييييل كده
سلك كهربا
لو جنينا ونسيناك , الاتحاد الافريق بنسي هداف كاس افريقيا ؟
والي لقاء
سلك
babikir maki [b_silik@hotmail.com]