In the name of God, mercy.
في السلك
• الجامعات المحترمه اذا قبضت حالة غش عندها تصرف معين ومحدد
• الزول الغاشي بعملوا ليهو جيتنج
• وبرفعوا لساتكو سنتين
• بعدها ينزل مع البرالمه الدفعه الورا الوراهو
• وحالات الجيتنج كتيره ومضره
• يعني لو ولدك بتاع بخرات وطلع اول الدفعه الا تعلقوا مع الشهاده
• توديهو وين زول راسو فاضي وشهادتو جايه بالبخرات والجيتنج
• ومظاهر الجيتنج في دنيا الرياضه كتيره
• يعني تسجل لاعب عمرو خمسه وعشرين تحت السن
• او تعير لاعب بدون مايعلم
• او كوره تضرب في ضهر زول الحكم يعدها ضربة جزاء
• اذا الحكم عملها براهو يبقي جيتنج منو
• واذا عملها بعلم الفريق المستفيد يبقي جيتنج مع اصرار وترصد
• او كوره تطلع اوت يعدها الحكم كورنر
• او يدوك بلنتي ساي تضيعها يعيدوها ليك
• او تكتل زول في خط سته بتاعك الحكم يقول مشي مشي
• جيتنج كتير
• تقول قودوين بجي والناس تمشي المطار وما يجي
• تقول بسجل ايداهو
• وما تسجل ايداهو
• تقول حوافز وتسددها بالاقساط
• تقول الصيانه انتهت
• تلعب كوره في الاستاد بعد 345 يوم وتقفلوا للصيانه تاني
• الكلام ده ذكرني زمان كان في بصات بتمشي شندي
• البص يقوم من بحري يصل شندي يقعد شهر للصيانه
• يقوم من شندي يصل الخرطوم يعملوا ليهو عمره
• بصات لونها ازرق وفيها خطوط بالاخضر
• البص بشيل خمسه واربعين راكب فيهم تلاته وعشرين مساعد
• غير السواق
• استاد الجماعه بس بصات شندي
• مجموعتنا دي زي العرس
• برميل نصه عسل ونصه زفت
• نحنا بدينا بالزفت
• الجماعه بدوا بالعسل المحسن
• عسل موزمبيقي
• ويادوب مسافرين للزفت الماخمج
• في النوم جاني زول دقنو طويله شايل سبحه
• قال لي مجموعتكم دي بتنهي لكل زول تمانيه نقاط
• قلت ليهو كيف
• قال لي الهلال يتعادل مع كانو في نيجيريا ودي آخر نقطه للهلال
• كانو يعمل خمسه نقاط يتغلب من الزعيم ويغلب زيسكو يعمل تمانيه
• الزعيم يتعادل مع زيسكو وعلي نقاط كانو والهلال يعمل تمانيه
• زيسكو يتعادل مع الزعيم يعمل خمسه يتغلب من كانو ويغلب الجماعه
• وتبقي المفاضله بين الاتيام
• الزعيم افضل من الجماعه
• كانو افضل من زيسكو
• وكل فار يدخل جحرو
• قلت ليهو آمين يا ابونا الشيخ
• العشم في ايداهو وكلتشي والباشا
• السواري عندنا معاهو كلام كتير
• رمضان شهر كريم لا اعتقد ان الله يوفق فيه كيد الكائدين
• وتجارب الآخرين في رمضان واضحه
• تذكروا لما طاروا مرتين في سفره رمضانيه واحده !
• جيتنج في رمضان نهي تم كهيه
سلك كهربا
البشوف المويه في الشوارع يقول ماقاعدين ندفع عوائد
والي لقاء
سلك
