In the name of God, mercy.
في السلك
• سمعنا تحت تحت قالوا المدرب جايب ليهو ود حله برازيلي
• اها 00 قال ليك ود الحله البرازيلي بلعب وسط
• وكمان قال ليك ماعندو مانع في التجنيس
• وممكن كمان يلحق التسجيل والانتخابات
• ويدي صوتو للمرشح البعجبو
• المهم جيت الزول ده بتتطلب مشيت مجنس بلعب نص
• ومشيت المجنس البلعب نص ده تحتاج كندشة اعاره
• والسمعناهو تحت تحت المجنس كلموهو ورفض الاعاره
• يبقي لازم عشان يمشي الاعاره لازم تتكندش
• تاني كندشه !
• حصل 00حصل يامزمل
• كندشه في الشتا ده بتودي التوج
• لكن نصيحتي للجماعه يرجعوا المجنس محل ماجابوهو
• انشاء الله يرجع بالباخره
• حلفا مالها
• مازي العجب
• المهم المجنس ده مابقول ليكم اسمو
• لكن تحت تحت كده يخيل لي اول حرفو ايفوسا
• قلنا ليكم قلتوا لأ
• قالوا حايسجلوا الزومه وبله
• يعني ده اعتراف بان الحمام اطرافو مقصوصه
• خليفه 000 قالوا الزومه جاييكم انت ماشي وين !
• بله طبعا دايرنو محل الاوبل ( ابو ركبه ) البلعب كوره ويتعالج اربعه كور
• زول يرفع كراعو للكوره براهو يرفعوهو من الواطه ماقادر يمشي
• ده بكون مالوا يا اسلام
• اسلام ضحكت وقالت لي بكون مسوس
• آخر خبر كتبوا في جواب
• امسكوا الخشب
• والعجب
• انتوا بدل تسكوا الزومه وبله والسعوديين ومصعب وطمبل تعالوا نديكم الاستاد بي حوض سباحتو
• اقول ليكم تعالوا ابقوا مريخاب وريحوا رقبتكم واتونسوا بالبطولات الجويه
• ونسه طبعا مابتعرفوا ليها
• تعالوا بنعلمكم
• اول حاجه الزول لما يجي يتكلم عن جووويه بخلف كراعو ويعاين فوق ويقول اعتقد وافتكر وفي الحته دي ونحنا كابطال حققنا جويات علي ما اذكر في بطوله منهن كنا في المطار وكان الوكت داك المحافظ ياربي منو ؟ المهم اول ما الكاس طلع من الطياره
• شوف لما تجي لي عبارة الكاس طلع من الطياره تتخن صوتك وترفع صدرك وتؤشر بيدينك الاتنين مع هزه خفيفه في الرجل اليمني
• اتعلمتوا الدرس الاول و لا لسه ؟
• يلا ياحلوين اجروا ذاكروا
• مبروك لمعتصم جعفر رئاسة الاتحاد السوداني مقدما ونتمني له التوفيق في السنوات القادمات
• ومعتصم طبعا افضل من يقود الاتحاد السوداني
• ولا خوف علي معتصم حسب اعتقادي في الفوز بالرئاسه
• ولا يختلف علي رئاسة معتصم اثنان
• امس نسيت 000 الزول برضو قال طمبل شهر سته راجع ليهم
• واسي نحنا في شهر حداشر
• وطمبل بغني
• تاني ارجع ليك واجيك ***** لأ 00 الكلام ده بعيد عليك
• لحنها
• وخلي الكورال يغنيها
• وكابوندي وسولي وامبيلي
• يامزمل السنه دي الا كندشه مركزيه
• اوووووووووووووووووووف
• هواء صاح
• اتغطوا
• الجماعه المسخنين
• بشري ساره
• قريبا افتتاح حوض سباحتنا
• تعالوا
• عارفنكم مسخنين
• الواحد فيكم لما يدخل الحوض جسمو يقول تشششششش
• زي الجمره
• سخانه شديده
• تعالوا عوموا مجاني
• عوموا عكس التيار ما بنسألكم
• عاين ديل صدقوا انو حوض السباحه فيهو تيار
• ليهم حق يصدقوا
• مشي البحر ده طوالي لكن حوض السباحه لقوهوا وين
• يا حليلك ياود البرير كنت داير تطور الجماعه
• معليش يابرير
• الجماعه جابوا كم ماسوره كده للاختبارات
• المدرب قالوا قال ليهم دورونا سجلونا وينونا
• يعني دايرين تسجلوهم وين ؟
• قالوا ليهو ما بصلحوا ولا شنو ؟
• قال ليهم فيفونا سجلونا انتخبونا ما نفعونا
• يعني ديل تسجيلهم للانتخابات مابنفعوا
• الاتحاد العام بعد كده عادي ممكن يعوم في حوض سباحتنا
سلك كهربا
في انتخابات الاتحاد العام في ناس حاتمشي الحتانه
والي لقاء
سلك