تـيت تيت تيت وا وا وا وا
جــــــنـــــــــــــــــــب ؟!
Said Abdullah Said Shahin
كـنـدا تـورنـتـو
فى آخر مخالفاته المروريه التى رصدتها رادارات المرور السياسيه لسائق عربة السياسه السودانيه موديل 2009 صاحب الأشاره (جاى ولا جاى) و كانت أشهرها عالميا اشارة (السجن والقصر) والتى أدت لحادث مرورى ما زال أخصائى العلاج السياسى يبذلون قصارى جهدهم (لأنقاذ)المصاب من آثارها المدمره! فأذا به وفى منعطف خطير ( بهـــــــاى وى )شارع السياسه يترك اشارته بطريقة أربكة المرور وجعلت صافرات الأنذار تدوى تيت تيت تيت واواواواو ؟؟؟؟؟؟ حقيقة كما يقول المثل ( زمـانه فـــــــــــــات و غنـايو الله يرحمه!) الدكتور العالم الفقيه الشيخ / حسن الترابى أطال الله عمره ، نسأله فى شفقهأما آن الأوان لتسليم رخصة القيادة ؟؟ والمفاصلة واحده من أخطر الأصابات التى أعيت أخصائى العلاج السياسى وعلى نطاق العالم ( شفتو اشارة السجن والقصر عملت شنو) وأشارة المفاصلة الخطيرة كانت نتيجة تفادى التخطى (الأهوج) لشاحنة (المؤتمر الشعبى العربى الأسلامى) مما جعل سائقة العربة خلفه تحلف زى ما بيقولو أهلنا (بالتقطعا) و(أمعط شعرى) ما أخليه؟! وطبعا لأنكم نسايـيـن دى كان أسمها (اولبرايت) ومن الزعل كان بيقولوا عليها (العجوز الشمطاء) ومن ضمن الوقفو قصادا د/ خليل لما لقاها فى الميل أربعين ؟! وعشان الأب جاب العجوز قام ( المفلوع) ب (بدون مؤاخذه) جاب دلوعتو (كندويا)! وطبعا لأنها دلوعه لخبطتها (أوى)؟ ولأنو شيخنا حريف وبيلعبها صاح كانت بــــاصـة اتفاقية جنيف مع الحركه الشعبية (دردقه) لناس القصر ومنها جابو قون (نيفاشا) لكن قرنق كان أشطر! وكسب المباراه ؟ ولأنو أوبـــــــــاما حريف قال أحسن يهدى اللعب و(خته) الكوره فى الواطه واللعب بقى هادى ، شيخنا ما صدق ونزل الملعب (بى تقلو) ، ودى الجابت ناس المرور السياسى و(مكرفونم ) يلعلع (جنب) وصفارتم طاقـــه واواواوا؟؟؟ بس يعنى دى يفهموها كيف قـــــــــال (حيكومه قوميه) . هو دى وقته ؟ طيب اتفاقية نيفاشا دى يبلعوها بالناشف ولا كيف ؟ يا شيخنا ربنا يديك طولت العمر ، الزمن الرسمى للمباره انتهى والناس بتلعب فى الزمن بدل الضائع ،عشان كده (الكوتش) دخل الولد الحريف اوباما ليهدى اللعب ، الناس نفسا أنقطع . والمشكله انو الناس فلست وما عندها حق الرجعه ،عارفيــــــــــــن ليه ؟ عشان ناس اوباما (أقصد ناس كندويا) ضيعوا (المحفظة) حفظكم الله وايانا وأستغفر الله العظيم لى ولكم ، قوموا لصلاتكم يرحمكم الله .
