بسم الله الرحمن الرحيم
في السلك
b_silik@hotmail.com
*اخونا محمد عبدالماجد زي ماقلت ليكم
*قال خالد عزالدين لا يكتب بالعاطفه
*يكتب بالارقام
*زول ارقام ساااااي
*زول رقمي
*زول ديقيتال
*ما بكتب بالعاطفه كيف بكتب بالقلم يعني
*ما بكتب بالعاطفه كيف وخالد كتب عن صحة شكوي هلال الثغر !!!!
*دي كتابه كانت بمثابة خطوبه يعني او عقد ؟؟؟
*ما عاطفه سااااي !!
*يا ابو حميد
*في رياضيات طلعت جديده
*رياضيات احدث من حديثه
*الرياضيات الحديثه قدمت
*لكن بقولوا ليها حديثه ساي
*زي سوق ودنوباوي
*اسمو السوق الجديد وعمرو اكتر من مية سنه
*قديم لكن بقولوا عليهو السوق الجديد
*اها في رياضيات حديثه قديمه
*قامت طلعت رياضيات حديثه جديده
*تلعب فيها بالارقام لعب
*يعني طالب تقول ليهو اضرب اربعه في خمسه وعشؤين
*بقول ليك الاربعه في خمسه بي عشرين
*نخت الهلال ونطلع بالاتنين
*الاربعه في اتنين بي تمنيه واتنين عشره
*شفت نخت الهلال دي ؟؟؟
*الرياضيات طبعا رموز
*ظا وجا وجتا ونق ونق تربيع وجتا
*في رموز جديده
*مثلا الصفر رمزو الهلال
*يعني لو داير تكتب ميه تكتبها كده
*الهلال الهلال 1
*يا ها زاتها 100
*عشان كده الطالب القبيل قال اربعه في خمسه بي عشرين
*نخت الهلال ونطلع بالاتنين
*ياحماده
*الرموز الجديده في الرياضيات الحديثه ديقيتلك عارفها ولا ندخلوا كورس ؟؟؟
*وما وريتنا يا حماده
*دايرين اجابات علي اسئلتنا الامس
*اسأل لينا الرقمي عزالدين
*قول ليهو رقم الهلال كم ؟؟؟؟
*ايها الناس
*الدوري اشتغل
*ونخاف الشغل
*الشغل بتاع يخطئ ولا يظلم
*ما دايرنو يخطئ
*وما دايرنو يظلم
*عشان كل زول يعرف مستواهو الحقيقي
*ويعمل علي تطويره
*يمكن يجيب ليهو شئ من بره
*موش العمر كلو واقف مع امجاد جمب جاد
*لان تطور ودقة التحكيم
*تقودنا الي تطور في المستوي والمحتوي
*بيصبح المستوي عالي والمحتوي يطلع من الصفر الذي يقبع فيه
*ايها الناس
*عملنا شنو في المنتخب !!!
*مع العلم بان علوق الشده ما بغير في الوضع شئ
*وان الدوله اذا لم تتدخل بوعي وفهم واصرار
*سنقبع في مكاننا
*ويظل من يسكن الصفر ساكنا الصفر
*ويتدحرج المنتخب للصفر
*المهم
*اخونا محمد عبدالماجد مبسوط من تسجيلات ناسو بتاعت السله
*والله يا محمد السجلتوهم ديل
*فيهم القدرك وفيهم الاكبر منك
*تفرحوا ساااااي انتوا ؟؟؟
*منشط الطاولة والضمنه ما بسجل لاعبين في الاعمار دي
*المهم
*مريخاب النهود ناس شجرة اب شيبه
*قاعدين يتسامروا ويتأملوا في مريخهم
*يتكلموا عن الجويات
*ايمن عبدالقادر اقترح عليهم اقتراح
*قال زهجنا من جويه جويه جويه
*الكاس الجاي نوديهو يوغندا
*ونجيبوا بالبابور
*بابور البحر
*يصل جوبا مريخاب جوبا يحتفلوا
*يصل كوستي مريخاب كوستي يحتوهوا صاح
*يصل الكوه مريخاب الكوه يرقصوا
*يصل القطينه مريخاب القطينه يحتفلوا
*يصل الجبل الاولياء يردموهوا دعوات صالحات
*يصل الكلاكله مريخاب الوحده يعانقوا مريخاب اللفه يقالدوا مريخاب القبه
*مريخ جميل مريخ اوروبا
*يصل الكبري الجديد مريخاب الجموعيه وابو سعد يتلقوهوا
*يصل الكبري القديم مريخاب المورده يسووا جق
*يصل التلفزيون ينزلوا الكاس يصوروهوا ويلتقوا بيهو
*ومن التلفزيون مسيرة حتي الاستاد
*يقعد مع اخوانو
*فكرة والله يا مريخاب النهود اعضاء شجرة اب شيبه
*وسنرفع المقترح للمجلس
*باقي الكاس القادم ما بعيد
*قريييييييييييييييييييييب
*المهم
*بالامس سعدنا بتكريم اخوة لنا
*حيث تم تكريم كابتن عاطف القوز والاستاذ ناصر بابكر وشخصي الضعيف
*اخجلنا كرمهم وتواضعهم
*وخرجنا والسنتنا تلهج بالشكر والثناء
*انهم اخوة لنا
*انهم شفوت مثلنا
*انهم شباب المريخ السوداني بمواقع التواصل الاجتماعي
*شكرا لكم اخوتي مجددا
*وادام الله المعروف بين اهل المريخ
*وادام الانتصارات
*وكتر من الجويات لاهلها
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*الباعوض ده براهو بجينا ولا بتفكوهوا انتو فينا ؟؟
*باعوض عينو قويه يا والينا
*الواحده تحمر لينا تقرب تطلع بطاقتها لينا
*خايفين نحتج قدامها تقوم تختها لينا
*معاكم يا والينا ولا نقوم عليها الشينه !!!!!
سلك كهربا
ننساك كيف والباعوض جا مع المطر مشي المطر وقعد الباعوض
والي لقاء
سلك