نقل القوالين ان رئيس الجمهوريه القائد الاعلى لقوات الشعب المشلعه المشير عمر البشير فى ذات يوم وفى خضم هرجلة المظاهرات وجنون الدولار وقطع انفاس الجن…نيه لملاحقة عشيقه وسيد روحه دولارا قال ناس الشمارات انو رئيسنا المبهدل ذهب الى ثلة من من يحملون اوزار رتب كانت فى يوم ما ترتجف الشمس لمعانا لدبابيرهم التى بهتت واتمحت ولحقت امات جنيه الهنا الكان الدولار بيجرى وراه ويحنسه ويدفع كراعه فى راسه تلاته دولار و33 سنت عشان يتكرم عليه جنيهنا ابو جمل ويديه رضاه بواحد جنيه
رئيس البهدله والمرمطه مشى للجماعه بتاعين الدبابير الباقين ليه بعد ما كان بشتنم وبهدلهم ومرمطم وجاب ليهم سعادة حميرتو واداهو رتبه الهنا وهو صفا من انتباه ماعارفه يعنى شنو المهم لانو طلع ارجل من ناس الدبابير المطفيه
اها بتاعين القوالات قالو بشبش مشى وقعد يجعر قدام عياله قال شنو قال الملكيه 29 سنه غشوه وبوظوا البلد وانا اى كديسه شحمانه منهم حا اجيب اجلها تهليل الله اكبر ولا نامت اعين الفيران
عمك خلاص ضمن انو الجماعه قليبم رهيف وكفكفو ليه دموعه ومعليش الجاتك من الملكيه ناس حميرتو مابقصروا
وشوف الجماعه الضيعو 29 سنه من عمر البلد بعمل معاهم شنو اخر انبساطه ليه لانو كبير غشاشى الملكيه الطوطح كبيرهم الذى علمهم السحر ذاتو وفصل مفاصلو عمل ليه مصنع ملح والشغلانه كلها ملح فى ملح
جمال عبدالناصر فى السموها النكسه بكى وقدم استقالتو متحملا كل المسؤليه لانو ناس حكيم غشوه وما كانو فاضين من الهباب بتاعم المهم حكيم انتحر من الصدمه وعبدالناصر الحبو مصر والبكرهوها الحبو ناصر والبكرهوه كلهم عن بكرة ابيهم قالو لناصر فداك ليس حبا فيه بل لان كرامتهم اهدرت وكففكت الخرطوم الدموع ولمت الشمل لكن بكاينا دى مافى زول هبب ليه
ياربى اخونا ديه ما تشيلوا الهاشميه كده ويعمل خرخره ويقول مش بلدكم دى اهودا طرفى منها شوفو ليكم زول يحكمكم اكان تلقو تعرف يا بشه لو عملت كده تكون مقلبت الناس مقلب لكن الناس ياتم ديل؟؟؟ اها دى اسال منها ناس حميرتو والناس الحمروك 29 سنه وملوا ليك خشمك ملح وسجم خشمك الراجى سنة 20 ياخى ما كفايه بس بالله ما تزعل وتتحامق وتخلى البلد برضه ما بصح دى رغيف وملح
waladasia@hotmail.com
