بسم الله الرحمن الرحيم
في السلك
• قرعة بطولة افريقيا السنه دي اشتغلت بي طريقه جديده
• عملت كومين
• في كل كوم ختت المستويات البتتشابه
• شفتوا الانجولي اللعب ضدنا ؟
• شفتوا الانجولي اللعب ضد الفريق القومي ؟
• شفتوا الانجولي اللعب امس ؟؟؟؟
• الله يسألكم ده انجولي ؟؟؟
• الفريق ده راجعوا جوازاتوا
• الناس ديل يا صوماليين
• يا يوغنديين
• يا مبتدئين
• المهم
• ناس انجولا جابون قون ناس الحكم ماعدوا القون وناس قون ما اعادوا القون
• من حقهم
• وبي حقهم
• لكن المستوي متشابه شديد
• التعاون يشبه نمره تلاته وعشرين
• المالقي شبهوا الله قبحوا
• المهم
• قالوا الدخل مائه وتسعه مليون ( بالقديم )
• قمنا حسبناها
• لو كل زول دخل الكوره دفع مليون
• مابتتم مائه وتسعه
• الرقم ده خلي بالكم مشتول اظنو
• في الشوط التاني
• في الجزء الاخير
• الانجولابي متفرد بالمرمي
• الحكم صفر
• الناس دي كلها اتحيرت
• الحكم قال فاول بره الخط لصالح انجولا
• وقف الهجمه الخطره بي احتساب فاول
• كأنو ماسمع بقانون الصالح
• لكن ده كلو طبعا تم بحسن نيه
• بدون قصد
• وزي ماقال الخبير سيحه
• الحكم يخطئ ولا يظلم
• والحكم الغريبه طوالي بخطئ لصالح ناس معينين
• عمرو ما اخطأ في حقهم
• من حقهم
• جماهير زي سنون السكري
• مفرقين في الاستاد
• والدخل ميه وتسعه
• من حقهم
• الموج الازرق
• نقط
• جوا اربعطاشر نقطه
• جابوا ميه وتسعه
• اسلام قالت لي دي برضو بدون جمهور ؟
• قلت ليها يابتي كل زول بجيهو جمهوروا القدروا
• المهم
• الناس تتحدث عن هدف العجب
• هذا الهدف لايمكن الحديث عنه في عجاله
• والله مدرب الفريق الانجولي رفع ايدينو الاتنين لما الهدف جا
• زي ميشو لما رفعهم يوم راجي
• قلت ليكم
• المريخ بخلي المجنون يهبش والعاقل يطقع
• هذا الهدف يستحق يوم كامل للحديث عنه
• سنعود له بالتفصيل
• حتي تعم الفائده
• ويتطور الناس
• لكن وصلتني قصيده رائعه عن الهدف
• من الشفت صاحب الرقم 0912849289 يقول فيها
موهبة العجب حاله عايزه دراسه
وقينان العجب سينما ناقصه الشاشه
باصصاتو نص دايره التقول بس قاسا
وان شات العجب تحلف تقول رصاصه
***********
موهبة العجب حاله مابتكرر
تدهشك قينانو والحكمه عاد لو مرر
كل مايزيد عمر يستوي ويتطور
وفن العجب مفروض يدرسوهوا مقرر
• مقرر للبفهم يا فرده
• دراويش لاقوا مداح
• غايتو لو الحكام جابوا سمسميه وحمصيه وحصان حلاوه
• كان بقي مولد
• يا محمد عبد الماجد
• الحضري لاعب مع مصر ضد جنوب افريقيا
• وهذا للمعلوميه
• غايتو قرييب لس سوق ليبيا في حته اسمها انجولا
• انتوا متأكدين الجماعه ديل جوا بالمطار ؟
• مجرد سؤال
• ناس قون ليه ماعادوا القون ؟
• من حقهم
• قناة النجوم مطلب الجماهير
• ولكن !!!!!!!!
سلك كهربا
ننسي منو ؟ انسي بس
والي لقاء
سلك
babikir maki [b_silik@hotmail.com]
\\\\\\\\\\\\\\\\\