رحلة بين طيات السحاب

* رحم الله الكاشف

* رحم الله كل مبدعي هذا الوطن المبدع

* غنى الكاشف رحلة بين طيات السحاب

* وحدنا أنت وأنا

* وحدنا يا بختنا

* الأغنيه دي كأنها كتبت للصفوة

* أنت وأنا

* وحدنا نقعد في الطابق التاني ونستمتع بالنسيم والمناظر الخلابة

* الناس تركوا الحدائق والمنتزهات ومشي البحر

* من الساعة أربعة العصر الراجل والمرا والولد والبت

* يجوا جميعاً فرادى وجماعات يستمتعوا بروعة القلعة الحمراء

* بحر شنو ؟

* النسيم في الطابق التاني عليل وجميل وأنقى من نسيم البحر

* رغم أن البحر ليهو طقوسو وحاجاتو..

* لكن نسيم القلعة ترطيبتو في السلك

* نسيم في الطابق التاني

* تجد الأسرة كلها مجتمعه علي الطابق التاني وعاملين رحله

* رحلة بين طيات السحاب

* لا فار جقر ولا عذاب

* ترى الناس من عصراً بدري تتجه نحو القلعة

* تمتع عيونها وتطرب أنفاسها وتتعارف في رحاب الزعيم

* خوة ساي في المريخ جعلت الأسر تتعارف وتتداخل وتتصاهر

* حتى ناس لخويا يحضرون يومياً لممارسة الحسد..

* ما بغيبوا أصلو

* الواحد في القلعة تلقاه متحكر تقول جاب كاس مانديلا

* ولما يرجعوا بيوتهم تلقاهم مغيرين مشيتهم

* في الحلة لو زول سألهم جايين من وين يقولوا بفخر جايين من استاد الجماعة ديل

* يقولوها بنفخة زي الجايين من لندن

* لندن زاتها ناسها لما جوا وزاروا القلعة ورجعوا اتنفخوا لما قالوا ليهم بالإنجليزي كنتو وين

* قالوا كنا في الجنة (بالإنجليزي )

* وحدنا إنت وأنا يا بختنا

* قلت ليكم دي أغنيتنا

* إسلام شافت استاد لخوية مولع

* قالت لي يا بابا الليلة عيد ميلاد الهلال ؟

* قلت ليها ليه ؟

* قالت لي شايفاهم مولعين الشمع

* قلت ليها شمع شنو يا بت ؟ دي كشافات

* قالت لي كشافات تكشف كيف في ( الضلمة) دي

* قلت ليها يا بتي إنتي قايلة الكشافات كلها كشافات زي حقتنا ؟

* قالت لي أنا ملاحظة أنك بتنزل رصيد الموبايل بالنظارة في أي حتة.. ولما نكون في القلعة الحمرا من شدة الضو بتنزل الرصيد بدون نظارة ومرات مغمض كمان

* وضحكت.

* وخالتي لي أسي بتصلي في الظهر بالليل!

* الأستاذ قسم خالد ورفاقه يستحقون تهنئة كبييييرة على ما يقدمونه في صحيفة ( لخويا) أتمنى لهم دوام التوفيق.

* لخويا لو لقت فريق في مستوى قسم خالد ورفاقه يكون مكسب.

* شكراً لـ(اللخوياب) الذين يجهزون ويفرخون للزعيم في شخص النعيم.

* النعيم لو طور مستواه وحافظ على اللياقة فإنه حتماً سينتقل مترقياً للقلعة الحمراء

* شاهدت يا قسم صورة في صحيفتكم العامرة للكراكة واقفة في نص ميدانكم

* قلت لي إسلام الكراكة دي مالها ؟

* قالت لي بتكون بتفتش في الحمار

* قلت ليها لأ

* قالت لي بتكون كراكة كشة الكشكة وما اقتنعت أنو ده استاد ودايرة تكسرو

* قلت ليها احتمال

* تم ترقيم بوابات الطابق التاني من الرقم واحد الى الرقم طمبل

* بصراحة لا نقبل إساءة أي نجم

* وندين ردود أفعال النجوم تجاه أفعال من ينفلت من الجمهور

* وندين هتاف الجمهور ضد أعظم لاعب عرفته الملاعب السودانية

* طبعا أعظم لاعب ده بدون نقاش حامد بريمة

* ندين الهتاف ضد بريمة الراكوبة الراكوبة

* وندين الهتاف ضد جبرة منذ أن وقع للمريخ وحتى اعتزاله

* وندين الهتاف ضد العجب

* وندين الألفاظ التي لا تشبه الرياضة وبالذات حينما تصدر من نجم

* وندين السكوت عن الحق

* وندين الكيل بمكيالين

* وندين تبخيس أشياء الوطن ووصف بطولات أبطاله بكأس الليلة الواحدة وكأس المجاعة وما الى ذلك

* وندين ترك الخلق الرياضي بالبيوت والحضور للاستادات دون خلق رياضي

* وندين قرارات أوكامبو

* ندينكم كم عشان تصلحوا الخرابة بتاعتكم دي ؟

* الجزيرة قالوا بركانية

* يعني ممكن تنفجر في أي لحظة

* شيلوا معاكم أحذية البركان

* يمكن ينزل بركان فجأة

* تعالوا ننعم بالتلاحم مع بعضنا خلف الفريق القومي

* تعالوا نشجع بلة ودامر والبرنس وكواريزما زاتو لو لبس شعار الفريق القومي

* تعالوا نعطي الوطن شئ من حقوقه علينا

سلك كهربا

يا وطن في قلبي دقات اسمك إيقاعها بيزيد

يا وطن ساعتنا دقت واعلنت أنك في عيد

أنت أنت وأنت لينا ويا وطن

يكفينا إنك في بطاقاتنا الاسم

نحن نفخر بيك سمعةوأنت شمعة

تضوي لينا ويا شرف اسمك يدقدق في جوازاتنا الختم

أوكامبو الماسورة