In the name of God, mercy.
In the wire.
• الجماعه مبسوطين
• قالوا طمبل قال كلام
• اذا صح ان طمبل قال الكلام
• انا بقول اذا صح لانو الجماعه ديل بقطعوا من ريسينهم كلام ويصدقوهو
• قبل كده قطعوا كلام من راسهم
• قالوا وارغو قال مابجي المريخ
• وقطعوا صوره من راسهم فيها اتنين افارقه جو القاهره شهر العسل
• وقالوا ديل اهل وارغو
• بقطعوا سااااي
• قبل كده قالوا ماشيين اليابان
• قلنا ليهم جيبوا لينا معاكم بوكس هايلوكس
• لامشوا اليابان ولا جابوا الهايلوكس
• قطعوا خبر المشيه من راسهم ساااي
• وكمان قالوا ماشين ابو ظبي
• ماشين زياره ولا تجاره ياربي
• وبرضو مامشوا
• قاطعين الكلام من راسهم ساااي
• جنهم يقطعوا الكلام من راسهم ويصدقوهو
• تتذكروا لما قطعوا من راسهم كلام وقالوا قودوين جاي
• صدقوا كلامهم وسكنوا في المطار
• لما جات عربية النفايات هم قاعدين راجين قودوين
• يقطعوا ساااي
• ومره قالوا ايداهو موضوعو معاهم انتهي وحايسجلوهو
• كلام الطير في الباقير
• قاطعينوا من ريسينهم
• وصدقوهو
• المهم
• قالوا طمبل قال وارغو بشبه الهلال
• كان البتكلم مجنون البستمع يكون شنو ؟
• وجه الشبه شنو ؟
• قول طمبل قال الكلام ده
• طوالي صدقتوهو
• وفرحتوا
• معناها وارغو لعاب وحارقو
• طيب انتوا قلتوا وارغو ماسوره
• طيب وكت طمبل قال لوجهاء منكم في حضور ابو تفاحتين الكلام ده
• يبقي طمبل اساء ليكم ووصفكم بالمواسير
• موش وارغو ماسوره !
• فرحتكم بالكلام ده بتوري اعجابكم بوارغو
• اسلام قالت لي كورتنا ضد اتحاد مدني الاهداف اكتر من الجمهور
• قلت ليها قولي ماشاء الله
• الجماعه قالوا ناس المريخ واجعاهم ضربات الجزاء المحتسبه للهلال
• انا واجعاني وااااحده بس
• الضربت في ضهر الزول بتاع كانو
• ضهرو شنو
• اريتو كان ضهروا
• وحسبها الحكم ضربة جزاء
• لو الحكم احتسب لصالحي ضربة جزاء زي دي والله اقول ليهو علي الطلاق ما اشوتها
• حفاظا علي ماء وجهي
• وردا لاعتباري
• ورد الجميل صعب
• ورد الاعتبار تعب
• قال وارغو بشبهنا
• المثل قال المالقي شبهو الله قبحو
• بركه اللقيتوا شبهكم يا حلوين
• قلت لي ياالرشيد بن تركي وآفرو وسحلب !
• سحلب متين ؟
• البنعرفوا الراس لافي سااااي من يوم مازيبي
• لكن سحلبه دي ما سمعنا بيها
• سحلب عدييل كده !
• الله يشفي
• الاخ خالد عزالدين كان كريم عندما تبرع بكشف اسماء المشاطيب الذي خانتني شجاعتي في الافصاح عنهم
• خالد كان يكون اكرم لو ورانا المشطوب الوحيد القال ده الوحيد الما عرفتو
• زول يقول ليك التحكيم يهدي البطوله لفلان
• تجي تقول هذا اعتراف بان فلان هو الاقوي والاجدر بالفوز بالبطوله !
• الكلام ده تقول عاملين ليهو دركسون
• تلفوهو طواااالي محل ما دايرين
• احر التعازي لمولانا ازهري وداعة الله في مصابهم الجلل ونسأل الله للفقيد الرحمه
• قلت لي بشبهنا !
• شن جاب لجاب ياحاجاب !
• غدا موعدنا مع المسلسل العربي الكبير 0000 اسكت 000اسكت 000موش اختي جالها عريس
• البطوله برضو لعادل امام
سلك كهربا
وارغو بشبه لي كديس في الحتااااااااانه
والي لقاء
سلك