بسم الله الرحمن الرحيم
في السلك
• ياسلام
• اصدق اللحظات فعلا لحظات الوداع
• حتي الاهله اعترفوا بموهبه وارقو علنا
• شفاهة
• وكتابة عبر الرسائل لقناة قون
• طبعا هم عارفين مهارة النسر
• لكن كانوا بكابروا كعادتهم من جهة
• وبحاربوا كعادتهم ايضا من جهة
• الضاق قرصة الدبيب بخاف من جرة الحبل
• وهي قرصة الدبيب كانت واحده ؟
• كانت قرصه في (ترب حمص ) وباص قون
• وقرصتان في ميدان مويه بنيجيريا وبرضو معاهن باصين قون
• المهم
• بكابروا دي معروفه
• لكن بحاربوا دي دايره شرح
• ارجعوا معاي بالذاكره
• الجماعه اطلقوا اشاعة رفض وارقو التوقيع للمريخ
• بل ذهبوا اكثر من ذلك
• جابوا صور لزول بعرفا براهم قالوا ده قريب من وارقو وكلمهم
• وفي اليوم التالي اطلقوا اشاعة توقيع وارقو للاهلي القاهري
• في الوقت الذي اعترف فيه المصريون من خلال فضائياتهم بتأقزمهم امام امكانات المريخ
• وقالوا اي صفقه يكون المريخ طرفا فيها ويكون الفيصل فيها المال بالتأكيد سيفوز بها المريخ
• ده كلام المصريين
• وبعد داك ظهرت حكاية الكابتن بتاعهم النصحهم بعدم تسجيل وارقو
• ودلاهم بل اوصاهم علي تسجيل امولادي
• تتذكروهوا
• بتعرفوا زول بالاسم ده !
• وفشل امولادي قبل ان يصل اليهم
• وجننهم
• داير حقو
• ومن حقو
• المهم كسبنا وارقو
• وقبل المؤتمر الصحفي بدأت الحرب الماخمج
• معظم اعلامهم كتب عن كيف يلعب ناس المريخ بمبالغ زي دي ووارقو بصرف قدر كده
• وعزفوا علي هذا الوتر
• وعرفوا كيف يؤثروا في الفئه المستهدفه
• فكانت النتائج معروفه مسبقا
• خلق عدم استقرار لوارقو
• عن طريق تحريض زملائه عليه
• وسري التحريض بنسب متفاوته بين الناس المقصودين
• ولكنه ادي الغرض منه
• فمنهم من قاطع وارقو اكثر من عام حسب علمنا
• ومنهم من تعامل معه في حدود
• ومنهم ومنهم ومنهم
• المهم
• الاستفاده من المواقف مطلوبه
• والاعتراف منهم بمهارة وارقو حايرجعوا منو بعد تمانيه شهور
• وبرغم اني اعرض الاعاره
• وفي هذا التوقيت بالذات
• الا انني اتفائل بعودة وارقو من الاعاره كما عاد ايداهور
• ارتفاع في المستوي والمردود
• انشاء الله
• المهم
• وارقو سافر
• لم يسافر كما سافر كواريزما وامولادي وامادو وامبيلي وقودوين والصلوي وقابيتو
• سافر بعد لقاءات اعلاميه كثيره
• صحفيه وتلفزيونيه
• وبكينا
• نعم بكينا لحين
• حزنا علي الفراق
• وبكي الاهله
• فرحا من السفر
• والضايق قرصة الدبيب بخاف من شنو ؟
• المهم
• سافر وارقو والدموع تجري نيل
• لابحبسها منديل
• ولا بشيلها فتيل
• لكن في سافروا سااااااااااي
• زول ماسمع بيهم
• تقول تجار شنطه
• المهم
• فرحة الجماعه بسفر وارقو تؤكد عظمة موهبة ذلك الفتي العائد الينا من جديد
• غايتو اعارة وارقو دي زي الاستغناء عن كروجر سابقا
• تصرف ماداير اوصفو
• كل زول يوصفو لي نفسو
• بس ما تسرفوا في الوصف
• تذكروا ان صاحب التصرف مريخابي
• كلما تتذكروا وارقو
• اسألكم بالله ان تتذكروا تصويبته التي اصطدمت بالعارضه يوم كورة الجماعه
• وعشان المنظر يبقي حلو
• اتذكروا وجوه الجماعه في اللحظه ديك
• مرض ام سادومبا في ايام نجاض العيش دي حااااااااااااااااااااار
• المسكنات ما بتنفع معاهو
• دولار سايكولين كشكوش مرتين علي التربيزه في اليوم لمدة سنه
• سنه يا انا
• اتنين بتاعين بحر بتونسوا مع بعض في الشارع
• جات واحده ماشه لونها داكن شديييييييييييد
• الاول قال للتاني الزوله دي محننه
• التاني قال ليهو ما محننه
• الاول قال ليهو بتغالطني في نظري وعافيتي ؟
• التاني قال ليهو وانا شايفها بي نضارتي ومرضي ؟
• الزوله جات قريب ليهم
• الاول قال محننه وكمان ناقشه
• التاني قال ليهو علي الطلاق ماناقشه اي شئ
سلك كهربا
لن ننسااااااااااااااااااااااااكما
والي لقاء
سلك
babikir maki [b_silik@hotmail.com]