صباح تاني زعلت … بقلم: بابكر سلك

 

In the name of God, mercy.

 

في السلك

 

 

 

•          صباح الليله زعلانه من صلاح شديييييييييييييييد

•          واحتمال تمشي بيت ابوها نهائي

•          قالت لن اقعد

•          لن زمخشريه نهائيه

•          واتلفتت علي احمد

•          اقصد علي صلاح

•          رغم انو علي احمد برضو جايه

•          المهم اتلفتت عليهو وقالت

•          وكت رضيت بي بيتك المعولق ده واللمبات تلاته شمعه

•          الواحده في الضلمه دي كان رفعت اصبعها ما بتشوفوا

•          اصبعها شنو

•          اسمها ما بتشوفوا

•          ضلمه السواد

•          صاحبة صباح قالت ليها كدي اهدئي

•          صباح قالت علي الطلاق ما اهدأ

•          شوفي الراجل ده

•          القريشات قدرالفي مضيعها دجل وشعوزه

•          وكمان آخرتها داير يبيع اللمبات المضلمات ديل ؟

•          جارتها قالت ليها هن زاتن البشتريهن منو !

•          خليهو يمشي السوق ويرجع

•          صباح قالت ليها كان يشيلن الفكي مابرجع بيهن

•          جارتها قالت ليها فكي شنو ؟ اطمني , الفكي حاسبوهوا من يوم الجمعه

•          وودوهوا رحله

•          مصيف في سواكن

•          ومدير الفندق حاضر

•          وفي ناس صوروا الاحتفال بالموبايلات وجابوها

•          حاتنزل في النت

•          صباح شهقت ودقت سدرها

•          وقالت سجمي

•          الفضايح علي مستوي النت كمان !

•          وصلحت توبها وبقت مارقها

•          صاحبتها مسكتها من ايدها البتوجعها وقالت

•          اصبري , استهدي بالله

•          صباح قالت ليها هو زاتو البوديهو الفكي شنو ؟

•          جارتها قالت ليها المسأله كانت مسألة حياه او موت , الفرصه الاخيره بالنسبه ليهو , اذا فشل الا يشرد

•          ومازالت صباح تصر علي الطلاق

•          سنعود للقصه بالتفصيل

•          قالوا اليوم دلاله

•          دايرين يبيعوا ابراج كشافات الجماعه

•          الابراج القصار القدااااااااام

•          اول مره اشوف كشافات بتول

•          من زمن الانجليز

•          ايام كلارك كان رئيس ناس الحركه الوطنيه

•          بمناسبه الحركه الوطنيه

•          موش قلت ليكم الجماعه لما يقتنعوا بانهم مغلوبين لامحاله بتكون كتاباتهم كلها قبل الكوره نادي الحركه الوطنيه و الديمقراطيه ونادي الخريجين !

•          خالد وقسم خالد كلهم هرونا بالخريجين والحركه الوطنيه

•          اول ما النفاثات في العقد جابت نتيجه نسوا الحركه الوطنيه

•          الله يسألكم بعد الكوره فيهم زول جاب سيرة الحركه الوطنيه ؟

•          المهم الليله الدلاله بتاعت الكشافات

•          طبعا لايمكن يشتري الابراج  الا زول بتاع خرده

•          يقطعها ويعملها مناقد

•          اما الكشافات فلو في زول عندو عيد ميلاد ممكن يجيبها بدل الشموع

•          الشموع ضوها قوي وممكن يزعج

•          لكن الخوف من الجقر

•          يقوم يشم ريحة التورته ويمرق من الكشافات ويلهط التورته والنس بتغني سنه حلوه يا جميل

•          الدلال اسمو منقاش

•          بييييييييييييييع  يامنقاش

•          الليله ريحناك من بييييييييييييع يا روشا

•          بيييييييييييييييييع يا منقاش

•          انقش اقصد البرج بي كم ؟

•          خمسه جنيه ؟

•          ليه اصلوا برج الفاتح

•          نصيحه للبشتري الابراج

•          اول حاجه يحضر معه طبيب بيطري عشان يفحص الجقور دي

•          ما يكون عندها انفلونزا الطيور كمان

•          واحد عامل شاشه كبيييييييييره في الشارع عشان الناس يتفرجوا مجانا علي كأس العالم

•          قال صدقه جاريه

•          جاريه وين ؟

•          غايتو غسطنطين مرقنا من المولد ده ساااااااااي

•          كاس العالم السنه دي تقول لاعبينو في مزرعة نحل

•          من الكوره تبدأ تسمع زننننننننننننننننننننننن

•          لما الكوره تنتهي

•          لو كانت زننننننننننننننننن  مهمه في تنظيم كاس العام بختنا

•          لما يكون كاس العالم عندنا نزنزنهم ليك لما يقتنعوا

•          عندنا ناس الوازا

•          قولت زنننننننننننننننننننننننن دي تاني مابتسكت لو استمر كاس العالم اربعه سنين موش لو بجي بعد كلو اربعه سنين

•          اليله عرس سفاري

•          بيت مال وعيال يا كابتن

•          تغلبها بالمال وتغلبك بالعيال

•          بس انشاء الله عيال كلهم مهاجمين

•          لافيهم مدافع زي ابوهم

•          ولا فيهم حارس مرمي زي خالهم

•          الباشا عرسو متين ؟

•          مبروك مقدما يا كابتن

•          حارس اهلي الخرطوم قالوا ماشي للجماعه

•          اخير ليك اهليك ده

•          عصفوره في اليد ولا منقاش يبييييييييييييييع

•          نحن طبعا شعب براااااااااااااااااااهو

•          في ناس لسه عايشين بالمفهوم الصبياني

•          ان تعارض من اجل المعرضه

•          تعارض معناها انت ثوري ووطني وفاهم

•          زي الزول القالوا جنو معارضه

•          ركب سفينه قال مسافر عشان يتخارج من وطنو

•          لانو معارضه ويجب ان يعارض من الخارج

•          السفينه غرقت

•          لقي ليهو خشبه مسك فيها

•          مرقتو في جزيره سكانها ماعارفين الساعه كم ولا الليله يوم شنو

•          قال ليهم انا وين ؟

•          قالوا ليهو في جزيرة كتوموتو

•          قال ليهم عندكم حكومه ؟

•          قالوا ليهو حكومه يعني شنو ؟

•          قال ليهم يعني رئيس ووزراء ومواتر وعربات ومخصصات

•          قالوا ليهو ابدا

•          قال ليهم وعايشين كيف بدون زول تعارضوهو ؟

•          الزمن ده زمن مكنه معارضه

•          اربط لي معاك مكنه معارضه

•          الف مبرووووووووووووووووك

•          للكابتن محمود صالح

•          والمستفيد يا كوتش هو اتحاد الخرطوم

•          منقاش اول سعر بييييييييييييييييييييييييع

سلك كهربا

                   انساك كيف وافرح انا ؟

والي لقاء

سلك

babikir maki [b_silik@hotmail.com]