بسم الله الرحمن الرحيم في السلك b_silik@hotmail.com *من راهن علي الشفوت لن يخسر ابدا *وماقام به زلزال الملاعب اول امس *اثبت ان هذا الشعب كله مريخي *الا من ابي *والمابيين من التنزانيين الذين ينعمون برقمنا الوطني *شويه ما كتار *والدليل آلولو *المهم *زلزال الملاعب ضرب الحلفاء *ضربهم في مقتل *في قلعة امدرمان الحمراء *لماهم كلهم *واداهم ليك *امدرمان تاريخ و قبة وقلعه ونيل وطابيه وقبل كل ذلك مريخ *زي ماقال النفراوي الشفت *ضربنا الحلفاء برغم المؤامرات *بركة الاتلموا لينا في حته واحده *ليست غاره ولا غارتان *بل ثلاثه غارات قاتله *الضربة الاولي للتحالف جات من قلب المدينه *قولت رووووووووو *تحالف بري وقع بي طولوا من طولو *تحالف القضارف جا جاري بالقضارف ما شافها *الضربتين التانيات جويات *بي فوق *ولي فوق *ومريخنا فوق *ضربتين بي فوق *زي الصاعقه *تولع بنققققققققققققق *وناس التحالف يغمدوا *وكرارارارار روووووووو *في وحدين ماتوا خوف ساكت *الغريبه كان في تلاته اربعه برق *ناس التحالف غمدوا *الصاعقه ماجات بعد البرق *لي اسي مغمدين *ناس التحالف يجعلون اصابعهم في آذانهم *وبعد ده *بسمعوا رووووووووووو *بالذات الصاعقه ام ضفر *دي بتطبزهم شديد *القصة دي ذكرتني *اسلام زمان كانت صغيره *بتخاف من الصواعق والبرق شديد *لما المطره تصب بتكنكش في رقبتي *مره النور قاطع والرعد قرش ونص *الامور هدأـ *فجأه لمع برق كبير *غمدت وبكت *يابت مالك ؟؟ *قالت لي البرق طبزني في عيني *واتطبزي *كيبي الكمونيه يا بت *اقصد *جيبي الكمونيه يا بت *ايها الناس *جرحي الحرب من جيوش التحالف *بطبطوا *قالوا ودمائهم تسيل للركب *او قل اشاروا *الي ان باسكال كان سبب التلاته ضربات *في اشارة لاتباعنا لطرق ملتويه في الضربه *يعني باسكال كان حسب اشارتهم طابور خامس *معقوله *الطابور الخامس يقول باسكال طابور خامس ؟؟؟ *محاوله منهم لتبخيس النصر *ايها الناس *ممكن كلام جرحي الحرب يكون مقبول اذا *اذا سبق لنا وان قمنا بتغيير تقرير حكم والتلاعب في الارقام اتنين واطناشر *تلك الواقعه التي وصفها الراحل الطيب عبدالله بانها وصمة عار في الجبين *جبين منو يا ربي ؟؟ *جبين المريخ ؟؟؟ *بالطبع لأ *او اذا قبضوا لاعبنا في الدورةالعربيه بتونس منشط *شريحه شبكتها فل الفل *او اذا استفدنا من يخطئ ولا يظلم *تدق محل الحقنه نستفيد من بلنتي *وحكم يقول ماشفتها لكن رجل الخط شافها وكلمني *او اذا مشينا ودفعنا تمن الشراء لما اشترينا جمب طلمبة حمد النيل *او اذا للحكم مدينا لمن رفض دقينا *بالمناسبه *سؤال محيرني *قصة الحيمودي كانت براءة رئيس الهلال مما نسب اليه *هل كانت البراءه بعد وزن ادلة الطرفين *ام كانت لان الطرف اللآخر (الحيمودي ) *لم يمثل امام المحكمه ولم يقدم دفوعاته واثباتاته ؟؟؟؟ *افتونا ياخالد عزالدين *اسأل اهل الذكر من القانونيين الذين تابعوا تلك القضيه دوليا *وقول ليهم الحكم كان حضوري ولا غيابي ؟؟؟؟ *القصة دي هي الخلت الناس تتابع بلاغ ولا عليك بيهو ضد غرزه *حتي لايمثل غرزه امام المحكمه التي طلبت مثوله لاثبات حقوقه لدي الناس *المهم *لو زول سمع باننا عملنا حاجه من شاكلة الوصمات المذكوره اعلاه *يبقي بنصدق اننا اشترينا من باسكال *وصمة عار في جبين الشنو البابا قال ؟؟؟ *تعال يابابا وشوف الجبين بقي يجيبوا ليهو الهجين *هو فضل فيها جبين ؟؟ *المهم *الفاتح النقر قال المحترفين مواسير *وكيبي الماسوره *لما استبدلوهوا شات القاروره *لو شات الكورة زي شوتت القاروره ماكان غيروهو *نادي المبادئ ماذا سيفعل حيال كيبي الذي رفض مصافحتة النقرين والجلوس في الدكه *بل وشات القاروره كمان *ايها الناس *عليكم الله الحركة بتاعت عزام دي حركة وطنيه ؟؟؟؟ *وخرج معسكر الفجيره ماسوره *مصنع للمواسير *قال ايه *ما انسجموا *بنقطوا يعني مواسيركم ديل ؟ *اقول ليكم جيبوا شريط مويه ربطوهم بيهو *او دباره من اي شوال فحم *محل تلاقي الماسورتين لفوا الدباره *كده بنسجموا *ايها الناس *اجزم اذا قابل الهلال عزام لانهزم رايح جاي *واقسم بان كي ام كي لو لعب سنتر ليق عندنا بطير *واحتار في حظ الهلال البرميهو مع كمونيه زي دي *جيبي الكمونيه يا بت *جيبي كيبي *المهم *بكري المدينه احرزه هدفه في شباك عزام السوداني *وقاد الفريق برجوله عندما بدأ اليأس يداعب بعض الحنايا *وثبت اقدام الناس *وفسر التخبط والغضب في تسجيل ناس كيبي وكانوتيه بعد رحيله للقلعه الحمراء *المهم *يامحمد عبدالماجد الشيه يا ولد *وكلم بتاع الشطه يزبطها *تعرف يا محمد غندهار عبدالماجد *انتوا لو قلبتوهوا سلخانه *وضبحتوا فيهو كل الثروة الحيوانيه *وكتلتوا حكمين ورجل خط *الترابه ما بتجيبوها *بتجيبوا الكترابه البتشطب ناس كانوتيه وكيبي *وبتجيبوا الكلام لي كردنه *الفاتح النقر قال مواسير مواسير مواسير *فطومه *وين الالق والتألق في الفجيره *كنتوا بتلعبوا هناك حجله ؟؟؟ *كورتكم شفناها *جيبي الكمونيه يابت *لكن بصراحه كيبي ما غلطان *بكن شات القاروره لي سبب منطقي *كيبي ماسوره *وشاف مويه جوه القاروره *وطبعا بتحب المويه شديد الماسوره *جيبي الكمونيه يا بت *يا ابو حميد *ربع كيلو لحمه شنو لي كي ام كي *فريق زي ده نحنا صايمين بنغلبوا رايح جاي *الشيه يا ولد *المهم *الفاتح النقر قال لو لعبنا بالطريقه العاديه كان اتغلبنا عشرين *ده حالتو مخندقين *مخندقين لي كي ام كي ؟؟؟ *امال بتهاجموا متين ؟؟ *ماتستغربوا لو كردنه مشي جوبا وخندق هناك *ويخلفه الخندقاوي *الخندقاوي العمل لقاء في احدي القناوات الفضائيه المصريه *وقال انا نائب رئيس الهلال *لاقتكم فوضي زي دي ؟؟ *اسي عليك الله قصة زي دي خندقاوي كي ام كي الزنزباري بعملها ؟؟؟ *وسكت اعلام الهلال لشئ في نفس يعقوب *سكت لاي سبب *بس ما عشان معظمهم اتخندقوا *باقي صور الخندقه عندنا بالالبوم *واتخندقي وجيبي الشيه يابت *ايها الناس *كورة الهلال بزنزبار كان احتياطي الهلال فيها اكتر من الجمهور *وافهموها براكم *ايها الناس *نراهن علي الشفوت يوم شندي *مية بص واربعمائة حافله *غير العربات الخاصه *لن ندعك تسير وحيدا *ومريخاب شندي مابقصروا *ثورة جماهيريه تصحبها شفتنه ميدانيه محطتها الاخيره المطار *اوصف ليكم المطار يا روشا ؟؟؟ *بي ناس كيبي ديل الا تركبوا من الميناء البري *وتسوقوا معاكم حكم النسور *البخطئ في صرف ضربتي جزاء ولا يظلم *اما المطار *فما بمشوهوا ناس مغلوبين في زنزبار *ايها الناس *ان تنصروا الله ينصركم *اها نجي لي شمارات والي الخرتوم *كان شفت يا والينا *بالنهار الحر يهيرنا *وبالليل نكوس للبغطينا *الباعوض ينوني فينا *واليومين دي الحرامي ما مخلينا *خايفنوا يعمل كبري فينا *ويجي ياكلو يتجقر علينا *والينا *اليومين دي كمان قصص الطيارات رجعت لينا *الحاصل شنو يا والينا ؟؟؟ *الطيارة برضو اكلها الجقر ؟؟؟؟؟ سلك كهربا ننساك كيف والكبري بتصدع والطيارة بتقع ومراراتنا بتتفقع والي لقاء سلك
