In the name of God, mercy.
في السلك
• اليوم حديثي موجه للاخوه الافاضل في مجلس الاداره
• برغم ان رجل الشارع المريخي العادي لايعرف من اعضاء مجلس ادارة النادي الا الوالي وقريش الصاعقه ( قايلنوا لي اسي عضو مجلس ) وحسن يوسف فقط
• والبعض الاخر يعرف بالاضافه الي من وردوا اعلاه الدقير ( بشوفوهو في الاحتفالات )
• وفي ناس مشوا اكتر من كده وبعرفوا ان كابتن ابو جريشه اصبح عضو مجلس
• ابراهومه تسعه وتسعين في الميه من المريخاب قايلين علاقتو بالمريخ انه عضو جهاز فني
• المقربين يعرفون ان متوكل عضو مجلس اداره
• والمتابعين يعرفون الاخ طارق تفاحه
• المهتمين شديد يعلموا بان سعادة عبد الله حسن عيسي عضو مجلس
• تيرمومتر المعرفه باعضاء المجلس يرتبط بالتواجد والبصمات والعمل
• لذلك يعرف الجمهور بعض الاعضاء و لا يعرفون الباقين
• علي كل الكلام موجه للمجلس
• واظنكم تتفقون معي في ان المجلس ( الوالي ) لاول مره يكشر عن انيابه بشده والحاصل يوجعو
• لكن التغيير للافضل ينبغي ان يكون بدون انفعالات وبدراسة متأنيه للاسباب وبشجاعه متناهيه
• يجب ان يدرس ملف ملف
• ملف المحترفين
• في خمسه سنين جبنا كم ؟
• ازيد من خمسه وثلاثين محترفا
• فيهم المريض والعجوز والكيشه والماسوره
• الجابهم منو ؟
• نجحوا كم ؟
• والسبب شنو ؟
• لماذا يتوج ايفوسا ووارقو افريقيا ويفشلا مع المريخ ؟
• سؤال مهم جدا
• ادارة الكره
• عددهم كم ؟
• اكتر هم ولا اللاعبين ؟
• عملوا شنو ؟
• علاقتهم بالاخفاقات شنو ؟
• ملف التدريب
• منو البوصي بتغيير الجهاز الفني ؟
• ولماذا يتم التغيير اثناء الموسم ؟
• الاصابات وسط اللاعبين
• ليه كتيره ؟
• وزن اللاعب لماذا يزيد آخر الموسم ؟
• مستوي اللاعب لماذا يتارجح
• روح الولاء والانتماء وسط اللاعبين تتناقص ام تتزايد ؟
• والسبب شنو ؟
• وليه لاعبيننا في الميدان مساكييين تنقصهم الجرأه ؟
• لماذا نفقد الممتاز خمسه سنوات علي التوالي برغم الصرف البزخي والجنوني ؟
• المهم دراسة تتم بتأني ودرايه وشفافيه عشان تقود المجلس للاستفاده من اخطاء وقصور الماضي وينطلق الزعيم في الافق من جديد
• الخطأ ليس عيبا
• ولكن العيب الاستمرار في الخطأ او عدم الاستفاده من التجربه المره
• تقييم المستوي الفني للاعبين
• عليكم الله قون ايفوسا ده قون بدخل والحارس في مرماهو ؟
• الكاف غير احد حكام الهلال ومازيمبي
• قلت ياربي السبب شنو
• سمعت تحت تحت قالوا السبب القبضه
• الحكم قالوا جاتو قبضه فجأه من وين مامعروف
• عشان كده استبعدوهو
• بطنو كعبه خلي بالك
• غايتو مازيمبي لو طار ببقي بغلة عبد الخير جد جد
• مباراة الهلالين بالساحل اثبتت ان لاشئ يوقف هجوم الهلال حتي التسلل
• المحيرني الحكم الغيروهو فجأه ده
• امس بحضر لي في فيلم ايطالي عن المافيا
• زي اللمحت منير امبده جا قاطع قدام الكاميرا
• ياربي ده هو
• هلالابي قال لي لو جبنا كاس افريقيا بتموتوا
• قلت ليهو البلد كلها شغاله في دعمكم بمافيهم نحنا
• قال لي انتوا تدعمونا ؟
• قلت ليهو مجلس المريخ رفض طلب مازيمبي للعب معه بالسودان استعدادا لمباراتكم عشان خاطر عيونكم
• قال لي معقول ؟
• قلت ليهو بعدين البكتلنا شنو ؟
• مرحله زي دي وصلناها قبل عشرين سنه , يعني ماحاجه كبييره علينا
• قال لي لكن داك ما زي ده
• قلت ليهو داك وده اسمهما بطولات الكاف
• سكت
• قلت ليهو لا قدر الله لو طرتوا تاني تبدوا من الصفر ؟
• الاخوه في مجلس المريخ عسي ان تكرهوا شيئا وهو خير لكم
• ما يحدث في اروقة الزعيم ممكن ان يصبح اسباب نجاح كبيييير
• خليهم يقولوا زي ما الناس يقولوا حلاة الرد عليهم لما الناس يطيروا
• حقو يعلم الجميع ان البطل وحده هو من يظفر بالكأس ومن التاني لحدي اتراكو الطار من التمهيدي يشتركون في عدم نيل الكأس
• يعني واحد
سلك كهربا
الناس الفرحانه 000 راجنكم في الحتانه
والي لقاء
سلك