بسم الله الرحمن الرحيم
في السلك
*الترجي عرف حاجه
*اول مرة في تاريخ حياتو
*تسعين دقيقه ما يشوت لا بره الخشبات ولا جوه الخشبات
*قعد كلو مدافع
*يهاجم كيفن عاد
*معقوله يهاجموا يخلوا بكري ده براهو !!!!
*والله كان عملوها كان فرشوا تسالي في باب سويقه
*بارك الله في الزول الجاب لينا بكري
*بارك الله في صاحب عاصفة حزم المدينه
*الزول ده يا روشا لو مامشيتوا لوزان سريع
*بكتل ليهو فطومه
*نحكي قصة الهدف
*جات لي بكري
*امامو تلاته مدافعين
*دخل في وسطهم وجري بيهم
*نمرة اربعه الفي ضهرو ما لحقتو
*خلاها مع باقي المدافعين بره الخط
*وراوغ الحارس التونسي
*مجبرا حارس تونس
*يا يقبض بكري
*يا يقبض الريح
*الغريبه قبض بكري وقبض الريح
*المريخ كبير يا ناس
*وبكري خطير والله
*مهاجم وحيد يجبر الترجي علي التقهقر
*علي التراجع والاصطفاف صفا بعد صف
*عشان لو فات صف
*يقابلوا الصف التاني
*بكور يا عمك
*المريخ كبير
*وكبير جدا
*والترجي كبير
*والفرق الكبيره ما بتتغلب خمسه
*واحد صفر بطيرها
*ولو ارتفع اوكرا لمستوي المجموعه في الشوط الاول
*باب سويقه كان وقع بي ركايزو
*المهم
*فتحنا باب سويقه
*والترجي الذي احرز اتنين وتلتين هدف في الهلال
*عرف حاجه
*الاتنين وتلتين هدف فيهن اتنين وعشرين هدف في اربعة مباريات
*ستتين وخمستين
*عشان كده الترجي لما جانا
*جانا بي فكرتو القديمه عن السودان
*جانا بالقصة الاليمه
*مفتكر نفسو يفوز رايح جاي
*قابل واقع مختلف تماما
*قابل فريق كبير جدا
*لذا لم يشكل اي خطورة علي جبهتنا
*شوطين كاملات
*ولا شوته
*لا بين الخشبات ولا بره الخشبات
*كم انت عظيم يا مريخ
*ايها الناس
*الترجي فريق كبير
*المريخ فريق كبير جدا
*غارزيتو بروف كبير
*وايمن المصري كبير (اوي )
*واخد بالك !!
*لكن بكري بالغ
*زول يجري رقمو الفي ضهرو ما يلحقو !!!!
*حيرتنا يا بكري
*علولو كان كبيرا
*لانه كبير
*وامير لعب بانضباط كبير
*جميعهم كانوا كبارا
*وهاردلك رمضان واوكرا
* ما كانا في يومهما
*الجايات اكتر من الرايحات
*المهم
*جمهور غير مسبوق الحضر امس ده
*حته فاضيه مافي
*لكن الشفوت ماكانوا في الموعد
*التشجيع لم يكن بحجم الجمهور الغفير
*في المجموعات نغير النغمه
*ونعمل نغمتنا تشجيع طول المباراه
*ايها الناس
*سمعتو بقصة بكري و الكلب والارنب ؟؟؟
*واحد بلديات بكري
*قدرو في العمر
*اتربوا مع بعض
*قال لي لما كنا صغار
*كنا بنمشي الخلا
*نمرق بره الحله
*بنسوق الكلاب نصطاد بيهم الارانب
*قال لي الكلب يشوف الارنب
*يسكو
*لما يقرب يخمشو
*بكري يشيل الارنب قبل الكلب
*من خشمو
*يخلي ليك قدوم الكلب في التراب
*اها
*زول زي ده باقي ليكم ناس الترجي في تونس بمشوا يخلوهوا براهو ؟؟؟
*يمين يخلوهوا براهو كلاب باب سويقه كلها تبيت جعانه
*بكري بكون ختف الارانب من قدومهم
*غايتو عاصفة حزم المدينه اكبر عملية عسكريه في العصر الحديث
*المهم
*في ناس لي اسي ماعارفين انهم لاعبين الليله
*مشغولين بالمريخ والترجي
*الترجي كبير
*والمريخ كبير جدا
*المهم
*الدخل امس لو اقل من مليار
*راجعوا الشبابيك
*شفوت من كل حدب وصوب
*لانهم الاغلبيه المطلقه
*والبره الاستاد كانوا اكتر من الجوه الاستاد
*الطابق التالت يا والي وجب
*لكن بكري بالغ
*تونس قدرت تسك زين العابدين
*غلبها تسك بكري
*بكري اقوي من زين العابدين
*الزول ده يا كردنه اشتكوهوا في مجلس الامن
*شكيه هوينه ما بتحلكم
*فضل ليكم غايتو بعد مجلس الامن
*تشكوهوا لي الله
*ايها الناس
*الترجي في مباراة الرد
*لا يستطيع ان يهاجم من اجل الهجوم
*لانه يحسب الف حساب لبكري
*ويخاف من مهارة كوفي وفطنة ايمن وعودة اوكرا لمستواه
*ايها الناس
*هدف واحد من بكري في باب سويقه
*الترجي يشوف كونفدراليتو وين
*وغرزه شاطر
*بعرف كيف بالمرتدات السريعات لبكري الميج
*يقتل الترجي في باب سويقه
*امس فتحنا باب سويقه
*وبعد اسبوعين باذن الله نقلعوا من الحيطه
*يبقي بوابه
*يبقي آرش يا روشا
*تحيه لكل من شارك في النصر
*ولاننا كبار جدا
*وفزنا علي فريق كبير
*الواحد صفر بأهل
*دي لغة الكبار
*المهم
*الفرحنا امس يفرحنا الليله
*يفرحنا شدييييييييييييييد
*فهذا الشعب يحتاج للفرحه وبشدة
*ايها الناس
*ان تنصروا الله ينصركم
*اها
*نجي لي شمارات والي الخرتوم
*شفت الترجي بطقطقوهوا كيف يا والينا ؟؟؟؟
سلك كهربا
ننساك كيف وانت امس لو في كان فرتقنا باب سويقه خشبه خشبه
والي لقاء
سلك
b_silik@hotmail.com
///////////