عمك محجوب في مجلس الشوري

In the name of God, mercy.

في السلك

 

•       قال الارباب حايحسم  اعادة تسجيل المعز

•       طيب

•       الارباب يا  دوبو  عرف انو المعز عندو مشكله في اعادة التسجيل !

•       المعز ده من زمااااااااان قاعد الارباب كان مافيش !

•       وفي ناس قالوا المعز كان مشي مابفرق لانو سبت مشي وبقي الهلال

•       امسكوا في العباره الفاتت دي وابو عشره علي سبت

•       المهم

•       قالوا الوالي قعد مع عمك محجوب ابو المعز

•       وطبعا عارفين البقعد مع الوالي مابقوم

•       اها

•       الحصل شنو ؟

•       قالوا لي ماسمعنا بالحصل

•       قلت ليكم انا اقول ليكم البحصل شنو

•       عمك محجوب لو سمع من خشم الوالي بقول يا جمال ياولدي المعز هين انا من الليله في مجلس الشوري بعد الشافتو عيني ده

•       مرحب بالمعز لاعبا

•       ومرحب بعمك محجوب الفنجري عضوا بمجلس الشوري

•       سجل عندك يا حاج طه صالح شريف

•       قالوا المعز قال كفايه لعب بالنار

•       كلامك صاح ياعزو

•       زول وصل سنك والفضل ليهو في الملاعب اقل من القضاهو فيها ولي اسي ماعمل شي اخير يوقف اللعب بالنار ويمسك الدولار برغم ان الفسخ حاااااااااار لكن نعمل شنو مجبورين

•       والعقد الجديد هين ياعزو بعد الشطب بعد عمرا طويل في كمان مؤخر صداق

•       قال فلان يقعد مع المعز

•       من زماااااااان المعز قعد معاكم

•       لكن النتيجه كانت تقود للفسخ

•       تاني يقعد لي شنو ؟

•       خلونا من المعز

•       عبدالرحيم سجل

•       واراهن علي موهبته واقول ليكم خليفة كمال عبدالغني علي اطول شويه

•       شكرا امبده

•       ومزيدا من التقدم لمجلس ادارتها الواعي وشكر خاص لصديقي مهدي البحر

•       بالمناسبه

•       ماتكملوا قريشاتكم كلها في التسجيلات

•       خلوا شويه ( للبواريك ) احتمال تحاولوا تقلدوا اكرم في الموسم الجديد

•       حوض السباحه قرب يا عزو

•       جري وعومان

•       برجليك من البيت للاستاد لحوض السباحه للنادي الثلاثه طوابق

•       اعمل حساب السراميك ياعزو

•       مامتعود عليهو هناااااااااك

•       عشان ماتبقي عليك حكاية كاس السودان

•       قالوا كاس السودان بعد كندشة الاربعه سنين دي والقدر وداهو الزريبه يعطس ويقح لي اسي

•       الله يستر من انفلونزا الماعز

•       لو داير تقعد لسه في مناطق الشده ياعزو اقعد ولما تقرر تجينا جيب معاك (مصعد ) عشان بنكون في الطابق الرابع

•       الخلا ياعزو ولا الرفيق الفسل

•       الفسل دي بتشبه المفلس صاااح ؟

•       قالوا سادومبا وكابوندي سافروا

•       لكن ماورونا الراجع منو ولا منو

•       امبيلي غايتو بي ود حلتهم طوااالي حلتهم

•       سادومبا الخوف يجيب معاهو سيد دكان حلتهم

•       الموضوع فوضي شديده

•       خالد عزالدين قال مدافعنا الجديد فاشل لانه كان لاعبا في المباراه التي هزمناهم فيها بالسته

•       طيب ياخالد المباراه التي انهزم فيها الهلال بالخمسات والستات ( ترجي وبيضو ضان ) والسبعات (المقاولون العرب ) كلها كان لاعب فيها الفكي نمره تمانيه بتاعكم ده

•       نقدر نقول ياخالد زولك ماسوره ؟

•       قال لي لن نسمح للمعز يجيكم ولن نرضي

•       قلت ليهو لو اديناك انت ده المبلغ ده بتجي ولا ما بتجي ؟

•       قال لي بيتكم بي وين ياعينيا

•       محافظة امدرمان تسعي جاهده لتجميل وجه المدينه

•       يعني كشة الكشكه جاييييييييييييييييييييه

•       ياعزو التمرين تاني وين ماحايكون معروف

•       افسخ يا اخوي عشان تستقر

•       طلبات الاعاره الخارجيه تنهال علي لاعبي المريخ

•       والجماعه سايمين ناسهم قربوا يقولوا تلاته بالف ولا حياة لمن تنادي

•       عم محجوب نتقابل في النادي يوم لقاء مجلس الشوري مع الجماهير

•       سمح يا ابوي !

•       كان سمعتوا العز 000 العز اهتفوا طوالي سجلنا معز

•       افسخ ياراجل

•       شفيق

•       ده موضوع بكره انشاء الله

 

سلك كهربا

           يا ايد المعز ضوقي العز وامسكي المليار البهز ويرز

والي لقاء

سلك