بسم الله الرحمن الرحيم
في السلك
• امس وقفنا في المثل بتاع حمزه حسن حمزه
• عمياء وقايداها مجنونه
• انا غايتو عرفت العمياء
• لكن المجنونه دي قايداها مودياها وين ؟
• الليل كلو اسأل نفسي
• المجنونه دي موديه العمياء وين ؟
• فجأه اسلام ضحكت
• وقالت لي يابابا العمياء مسكينه تتطاقش مباريه المجنونه دي
• والمجنونه دي مامركزه
• حاتودي العمياء وين يعني ؟ الحتانه طوااااالي
• المهم
• قريت كلام الرشيد علي عمر صبحية الكوره
• اتكلم عن كابتن الطيران
• كلام كتييييييييييييير
• وقال القالو
• لكن انا معاك في كابتن الطيران دي
• موش طوالي طاير بيكم !!!!
• لما بقيتوا طايره ليكم !!!!!
• طايره ليكم بطوله جويه
• لكن يا الرشيد انتوا مابتسمعوا الكلام
• قلنا ليكم افلام الخيال العلمي دي لي قدام مابتقدروا تسيطروا عليها
• الناس كلها قالوا الغلطان اتير
• وعينهم للفيل
• علولو
• غلط في هدف ساكواهور تلاته مرات
• مره خلي بالو لي مقدم
• قام جلي الكوره
• شفتوا ليكم زول بجلي (هد ) ؟
• والتانيه ساكواهور اتحرك من جمبو وهو واقف اظنو راجي راجي يعكسها
• والتالته لما جات من اتير لي ساكواهور
• لما علولو فكر يتحرك علي ساكواهور
• الهلال كان مشي الخور
• تقول لي اتير !!!!
• لأ …أرك
• الحضري اثبت انه صانع لعب كمان
• دي مهاره جديده
• في العقد مامكتوبه
• وبتصلح كسبب قوي في الشكوي
• لانو عقدو حارس مرمي
• بالطريقه دي يبقي لاعبين في لاعب
• يعني ( تو ان ون )
• شامبو وبلسم في آن واحد
• واذا حسبنا ليهو توجيهه داخل الملعب
• تبقي ( ثري ان ون )
• يعني شامبو وبلسم وصبغه في آن واحد
• وده احتيال من المريخ لزيادت عدد خانات الاجانب
• مفروض مقابلها ندفع الغرامه
• ولا ماكده ياخالد عز الدين !!!!!
• لكن المحيرني ياخالد
• الفيفا وقفت الحضري حارس المرمي
• ماوقفت الحضري صانع اللعب
• واللعب ضدكم ده الحضري تو
• الحضري صانع اللعب
• يعني الشكوي مطرشقه
• وبعدين نحنا ضدكم مامحتاجين حارس مرمي
• نعمل بيهو شنو ؟
• يقيف ساااي لي آخر الكوره ؟؟؟؟
• مع ناس عيك ارح ديل
• زول يجري لما يقطع نفسي الجري زاتو
• ويطلع بره هو والكوره
• زول في الحيطه واقف داير يجري
• ده شنو ده !!!
• لاحقه شكوي الصفاقسي
• انا غايتو ماعارف المريخ مابسمي الاشياء بمسمياتها ليه
• الحضري ده داير مدرب حراس ؟ الله يسألكم ياقسم خالد وياخالد الحضري داير مدرب حراس ؟
• مفروض نسمي مدربنا مدرب احتياطي الحراس
• او مدرب الحراس الا الحضري
• يعني زي الا ربع كده
• الناس ياحضري زعلانه من وقوفك بين الخشبات
• كمان تلعب باص قون ؟؟؟؟
• سويتها ظاااااهره
• وساكواها سواها شينه
• ايسكوتي ايسكوتي ميش الجماعه اشتكوا في الحضري يامه الحاجه !!!
• وايه يعني ماهو ابل (قبل ) كده اشتكوا في (شاكر البرقاوي) بتاع الصفاقسي حصل ايه يعني ؟
• وانتي السادقه يامه الحاجه , كانوا بقولوا الشكوي رايح نكسبها وهاتطلع النتيجه بكره والكاف مجتمع من امبارح , في الوقت الفي فيه الصفاقسي كان بتمرن في المغرب
• اسمعي يابت انتي ياهبله , امال ياكلوا بعقل جماهيرهم حلاوه ازاي لو ما اشتكوشي
• كل مره ياكلوا بعقل جماهيرهم حلاوه يامه الحاجه ؟
• آه , اما يجي لعقل جماهيرهم السكر ويروحوا في داهيه
• الا قوليلي يامه الحاجه , هو جماهيرهم لسه ماجالهاش السكر من فيلكس ؟
• يابنتي فيلكس ده يجيب السكر والطحين والعجين
• فيلكس ده بقلاوه يامه الحاجه ؟
• اديك عرفتيها
• اها
• امس واول امس افتش في صديقي محمد عبدالماجد ومالاقيهو
• فتشت في قوون صفحه صفحه
• سطر سطر
• كلمه كلمه
• زنقه زنقه
• مالقيتو
• فتشت باقي صحفهم
• مافي خبر
• ياربي مشي وين ؟
• ان لاقاكم حبيبي سلمولي عليه
• ارجع يافرجاني , اهلك في الغيط محتاجلك
• يقطع الغيط ويقطع سنينو
• المهم
• قال ليك فليكس طرف مع اللاين
• لوحة الاعلان اللالكتروني شغاااااله
• يلعبوا ليهو الكوره
• تكون بيضاء
• فيها اعلان حجار
• لما الكوره تصلوا اللوحه تقلب حمراء
• اعلان تاني
• صاحبنا يعاين للوحه
• الكوره تطلع منو
• معذور
• فرق حضارات
• ليهو حق يفتح خشمو من فرط الدهشه
• اها
• شفوت كتار طالبوا بي نشيد ساكواهور في بدون جمهور
• بناء علي طلب الجمهور
• نقدم المقطع الاول من النشيد
عندي اجمل كلام *****واحلي قصيده
يوم الجمعه الجامعه ***** والنجمه السعيده
ناس حزينه تبكي ****** وناس افراحها شديده
يوم ساكواها ثبت ****** وختاها جمب الحديده
لا نفع بويا وحموده *****لاشفع زولهم سيدا
لا اتير قطع الاثير ***** ولا لحق بيها ديدا
كاسوا للدرون ******* ومانفع بكري المديده
لا كاريكا لا جابر ***** ولا الخطه البليده
ووقع اللوم ديدا يقول سيدا ****وسيدا يقول مديده
• الباقي وكت تاني
• لكن عليكم الله لو قابلكم محمد عبد الماجد قولوا ليهو( سليكس ) بفتش فيك وبسلم عليك
• بالمناسبه شرطه القلعه الحمراء هم من سموا ساكواها بساكواهور
• والبوليس بوليس الشعب
• نصيحه
• المجنونه دي بتضيع العمياء دي
سلك كهربا
سميناهو ساكواهور تقول لي ننساك ؟؟؟؟
والي لقاء
سلك
babikir maki [b_silik@hotmail.com]
