//////////
In the name of God, mercy.
في السلك
*ناس اتشقلبت وناس اتمقلبت
*والحرب التي يشعلونها علي بكري المدينه
*اثبت بكري انهم علي حق في اشعالها
*مشيت بكري منهم حارة شديد
*وعيوب الهلال كانت تختفي بسرعة بكري ومشاغبته وازعاجه لدفاعات الخصوم
*وبذهاب بكري انكشف الامر
*فريق قاعد سااااااي
*حاولوا قتل بكري باي طريقه
*ولكن بكري فقري
*فقري المدينه
*افقر زول في المدينه
*فقري شديد
*وبجري شديد
*ومبيد
*ببيد اليوناميد
*والتخطي الحدود وبزيد
* بكري الفقري حيرهم
*لا المشكله مع بتاعين الحافله نفعت
*ولا التآمر مع الناس الفي القائمه السوداء نفع
*ولا الدجل نفع
*ولا الشعوذه
*فبالقرآن مريخنا مصان
*وفي الميدان بكري حصان
*وعلي الكاردينال ان يعترف بخسارته
*وبفشله ي اعادة بكري
*وبمواسيره التي اتي بها من سوق المواسير الافريقي
*وبخداعه من ذوي القربه
*ايها الناس
*من بداية الموسم وعروض المريخ في ارتفاع
*الجميع يلعب ضدنا مخندقا متخندقا
*لا لشئ الا فارق المهرات بيننا وبينهم
*وفارق المستوي التدريبي
*وغرزه شغال صاح
*والشيطان الرجيم لا يستطيع ايقاف غرزه
*غرزه يسير بنا نحو منصات التتويج الافريقيه
*ومدرب زي ده مفروض يقعد سنين
*عشان يبني تيم صاح
*ايها الناس
*امس تسيدنا المباراة كعادتنا طولا وعرضا
*فقط كان يعيبنا بطء الايقاع
*بالذات المصري ايمن
*بأخر الكورة كتير
*والاهداف تأتي لفارق الزمن والسرعه
*وبالذات نحن لدينا ابو السرعه زاتها
*فقري المدينه
*وعبده جابر تحرك بفعاليه
*فقط نعيب عليه انانيته في تمرير كرتين
*كانتا هدفين مضمونين
*يمكن قعادو في الكنبه خلاهو متسرع لاثبات ذاته
*ولكن الحرفيه في الاداء يا عبده يا حريف
*تكمن في التمرير للزميل الافضل موقعا
*وطبعا غرزه ما بتكون فاتت عليهو دي
*ايها الناس
*الاستحواذ دون تشكيل خطورة ضاغطه واحراز اهداف
*بخلي الفريق زي الدبيب الحارس الجوهره
*لاهو مستفيد منها
*ولا بفيدها
*ولا بخلي زول يستفيد منها
*لذا دايرين نستفيد من الجوهره
*وقصة الدبيب الحارس الجوهره
*بتذكرني كردنه
*لاقادر يفيدها ولا داير يخلي ناس الارباب يفيدوها
*جوهرة المقابر
*فحص التربه قال شنو ؟؟؟
*اوعه تكون ظهرت ليكم ملاريا حبشيه ؟؟؟
*ايها الناس
*بكري اتشقلب واتعقرب
*كيتا علي حساد كتاااااااار
*واتشقلبي
*المهم
*مساندة الجماهير لبكري
*تجعلها تستمتع بانظلاقات بكري
*وباهداف بكري
*وبازعاج بكري للخصوم
*الخصوم الجوه الملعب
*والخصوم الخارج الملعب
*والخصوم ابان جضوم
*جضوم الزعل واطلاق الزفرات ندامة علي اهمال كردنه
*التحكيميه قالت شنو ؟؟؟
*لوزان الشاف غرزه فيها شكوي بكري قالت شنو ؟؟؟
*شكوي فيتا حصل فيها شنو ؟؟؟
*ايها الناس
*اذا كان النجومي لا يعرف ماذا كتب الحكم في تقرير شندي
*من اين علمت الصحف الهلاليه بما كتبه الحكم في تقريره ونشرته ؟؟؟
*موش قلتوا التقرير سري ؟؟؟
*ولا في ناس داخل اروقة الاتحاد خشمهم خفيف ؟؟؟
*ايها الناس
*نصيحه ليكم
*البجري ورا بكري نفسو بقوم
*وممكن قلبو يقيف
*افحصي الكلوسترول يا فطومه يا اختي
*ماتجري ساااااي
*روشا
*القلب المفتوح عملياته ما ساهله
*بطلوا جري ورا بكري
*لا بتلحقوهوا
*ولا بتصيبوهوا لما تجدعوهوا
*بكري اسرع من حجاركم
*المهم
*نقفل باب المحلي
*ونفتح باب الافريقيه علي مصرعيه
*ثلاثيه صافيه في الشباك الانجوليه
*تعلن تأهلنا من هنا
*ان شاء الله
*هذا هو الهدف الاساسي
*بكري واخوانو عليهم اتنين من تلك الثرثيه
*والتالت حق الشفوت
*قون الشفوت بجي بجي
*من جديد
*نكرر تلاحم ملحمة عزام
*والمره دي نضبح خروف
*وتيس
*الخروف نعملوا شيه جمر كلو
*التيس نفقع مرارتو
*والكمونيه علي فطومه
*فطومه بتعرف لي كمونية التيوس كويس
*باقي خبيرة في الكمونيات دي
*والدليل كانوتيه وكيبي وبوتاكو
*بوتاكو زغني بالبلنتيات
*اي بلنت عملها لم تحتسب
*اذا الحبش ديل ماعندهم بلنت في بلدهم
*حكامنا ديل مالهم ؟؟؟
*واتحبشي
*ايها الشفوت
*من جديد نتكاتف
*من اجل الزعيم
*من اجل التأهل
*من اجل ان نلتقي بالمطار
*وفي المطار طبعا بندخل جوووووه
*بنعرف دريباتو كويس
*ما بنقيف بره جمب جاد مع امجاد
*وناس اتشقلبت وناس اتمقلبت
*بالله عليكم
*مع شقلبة بكري امس كم تلفزيون اتشقلب ؟؟؟
*استعجل يا كبسور
*فكر في شكوي جديده
*بكري اداكم بالحته الفيها الحديده
*المره دي حرشوا عليهو ناس الضرائب
*والبعدها ناس العتب
*اصلو بكري قال ليكم
*العتب مرفوع
*ولا شنو يا كابو
*ايها الناس
*علي جميع الروابط والتجمعات الجماهيريه
*ان تتواجد بداري النادي يوميا
*للاعداد للمعركه الافريقيه
*داير لينا غنيه مشقلبه
*كلما ما بكري يتشقلب نغنيها
*نسميها اغنية شقلبه
*شقلبه
*سماحة الزول البتشقلب كده
*وكلنا نتشقلب في المدرجات
*ماتجوا بي عمم
*العمه بتطير مع الشقلبه
*تعالوا بي شيرتات لون النار
*احمر واصفر
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الجقور جننتنا جن
*ما الاكلن الكبري
*الساكنات معانا في الحله
*في البيت في الشارع في المسرح
*في الدكان في الحلاق في كل مطرح
*آفه يا والينا
*ولو دخلن انتخابات بفوزن علينا
*لانو ببساطه يا والينا
*عددهن اكبر بكتير منينا
*معقوله سبعه جقور قصاد كل مواطن يا والينا ؟؟؟
*ده غير بتاعت المنشيه الاكلن كبرينا
*بجيبن الطاعون لينا
*ولو ماعملتوا علي ابادتهن يا والينا
*حايقضن علينا
*وعندها والله صوت ما بتلقوهوا يا والينا
*نصوت ميتين ولا كيف ورينا
سلك كهربا
ننساك كيف والجقر بقي اكتر من البشر يا بشر
والي لقاء
سلك
b_silik@hotmail.com
//////////////
