في الجقر .. بقلم: بابكر سلك

In the name of God, mercy.
في السلك
*اكتب قبل مباراتنا ضد الاهلي
*النصر حليفنا بالايمان والاخلاص والعمل
*واتمني ان يكون الشفوت قد وقفوا مع اللاعبين
*وان لا تكون قد بدرت من البعض بوادر التشنج واحباط اللاعبين
*فنحن في المريخ قوه
*ونحن في المريخ ندري كيف نساعد نجومنا علي الاداء الجيد
*وكيف نوفر لهم المناخ المناسب للابداع
*المهم
*الآن نحن في النقطه تسعه
*وغيرنا يسعي
*المهم
*قالوا الكاف عاقب زنزبار بالتجميد
*وان الجماعه بالتالي يكونوا انتقلوا للمرحله المقبله
*ان كان ذلك كذلك
*فمثل هذا الحظ لم نشاهده في حياتنا
*فريق محظوظ اكتر من فار المنشيه
*فار المنشيه اللقي خرسانه هشه زي البسكويت
*ولكن ان كان ذلك كذلك
*فهذا لايعني ان الجماعه سيستفيدون من ذلك
*لان فريق معظمه حديد أهو
*مابمشي لي قدام ولو انسحبت جميع الفرق
*وفضل امامه فريق واحد
*ما بجيب شئ
*وصدقوني
*كأس ماجابو جكسا ما بجيبو بشه
*المهم
*امس شفوت الفاشر غلبو جماعة الفاشر
*جماعة الفاشر لاحقين جماعتهم الهنا
*حديد اهو
*وعقبال مريخ كوستي ورابطة كوستي
*مريخ كوستي لازم يهزم هلالاب كوستي في شخص الرابطه
*المهم
*قنطار الحظ مهما كان
*مابفوز امام درهم الشطاره
*ممكن يخدمك وقتيا
*لكن نهائيا بجيب خبرك
*بوديك محل الخمسات والستات
*لان البوطولات تأتي بالشطاره لا بالحظوظ والامنيات
*ايها الناس
*مافاهمين الحاصل بخصوص ابراهومه
*مفروض المجلس ينورنا
*عشان ما نتنور برانا
*باقي انوارنا البرانا وهاجه شديد
*يا سعادة الفريق طارق
*الحاصل شنو في موضوع الولد ده ؟؟؟؟
*المهم
*قالوا غرزه ماقادر يدفع حق الفندق
*مامشكله
*لمن يقبض من لوزان حقو العند الجماعه
*بشتري الفندق زاتو
*قروش الثريا دي لو كفت غارزيتو تكون ماقصرت
*بمناسبة لوزان
*لوزان قالت شنو ؟؟؟؟؟
*ايها الناس
*لانري طحينا في مطاحن الاشبال والرديف
*الحاصل شنو ؟؟؟
*ولييييييييييه ؟؟؟
*والزول البهمل مزرعتو
*بشتري الخضار غااااااالي
*ومزارعنا بنعرف انتاجها
*وماقصرت قبل كده
*حقو الاهتمام يكون بقدر الحلم يا ناس قطاع الناشئين
*ايها الناس
*فاري وفارك فوروا الشغلانه
*يقدر فارك ياكل الخرسانه
*زي ما فاري اكل الترسانه ؟؟؟؟؟
*المهم
*صدقوني
*قصة الجقر دي شدة ما دخلت علي
*داير اكتب في السلك
*كتبت في الجقر
*وبالمناسبه دي
*قالوا في بتاعين بحر
*قاعدين جمب البحر
*سمعوا بي قصة الجقر
*كانوا بغنوا
*يا جقرنا …ياااجقرنا …وياجقرنا
*انت تاكل في كوبرينا ونحن ننفخ في بطنا
*يا جقرنا
*يا جقرنا يا جقرنا ويا جقرنا
*تضرب الكوبري بجناحو وياحلينا ناسنا راحو
*وياجقرنا يا جقرنا يا جقرنا
*يا محيرنا
*ايها الناس
*ناس القبور واقفين طابور
*من البكور للجقور
*علي مين الدور ؟؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*جقر كلم اخوهو الجقر
*قال ليهو جقر الشماليه عازمنا عرس بتو
* البوفيه مفتوووووووووح
*العضه سد مروي يا والينا
*جقر هنا قال ليهو
*يعني كبري الحلفايا ده ندخلوا التلاجه لمن نجي !!!!
سلك كهربا
ننساك كيف بس وريني ننساك كيف والجقر ساكن القيف خالف الرجل فوق للرجل ضارب الكيف
جقر بتاع بحر وحريف
والي لقاء
سلك
b_silik@hotmail.com
//////