In the name of God, mercy.
*قريب تلتين الف مشيع بالامس
*تواكبوا لتشييع عزيز فقدناهو
*فقدناهو باهمالنا
*لانه كان مريضا
*فاستعنا في علاجه بالدجل والخرافه
*واعطينا القرار لي ناس بل ليهو قرض
*وامسح وشو بي ريقو
*علي الريق جرعة اتي وتوم
*توم فحر كبير
*ياكلو علي الريق
*وكوارع جداد مسلوقه
*ياكلها بالمغرب
*اتبعنا في علاجه نظريات الجهل
*واصرينا علي معالج يدعي العلاج
*فكانت نتيجة الاهمال
*جنازه مقدره قوامها اكتر من تلتين الف مشيع
*تلتين الف يتبعون الجنازه وهم يبكون
*ويتباكون
*ويندمون علي سكاتهم
*سكاتهم علي عشوائية معالجة المرحوم
*علي اهمالهم للمرحوم
*ايها الناس
*بالامس شيعنا المنتخب
*وما شفنا لينا زول اندفن رجع تاني
*هذه هي نهاية اللعب علي الدقون
*هذه هي نهاية الجري خلف مناصب لاجل سيرة شخصيه
*هذه هي نتيجة المجاملات
*ايها الناس
*الوزارة شريك في الجريمه
*جريمة اهمال المنتخب مع سبق الاصرار والترصد
*جريمة اهمال المنتخب حتي الموت
*والحكومه طبعا قبل الوزاره
*اما الاتحاد
*نفترض فيه ان يخجل شويه
*ان يتقدم باستقالات جماعيه
*ان يتواري خجلا اعضائه الي يوم يبعثون
*ايها الناس
*علوق الشده ما بنفع
*والاصرار والابقاء علي الاجهزه القياديه هو الذي يحجمنا
*ويقودنا للسقوط مرارا
*فشلت قيادات الكره في انتشالها من بئر الضياع
*وفشلت الاجهزه الفنيه للمنتخب
*فلماذا الاصرار عليها
*لماذا الابقاء عليها
*لماذا ولماذا ؟
*ايها الناس
*قدر الامل البسيط
*بقدر بصيص الاشراق
*صدمنا بالامس بعتمة كورتنا
*فضوها سيره
*ولنركز فيما تبقي من مباريات
*علي الاستعانه باجهزه فنيه متطوره وفاهمه
*وعلي منتخب مختار من جديد
*تكون الصناعة هي الهدف منه
*وعلي وضع استراتيجية النهوض بالكرة
*المدارس والمراحل السنيه
*فكونا من نضافة العيد البعد يذيعوا العيد دي
*لاتوجد مبررات سوي
*اننا سلمنا دقوننا لمن ادمن الفشل
*المهم
*اسلام حضرت الكوره
*قالت لي يا بابا
*يعني قدر الانتصارات البحققها المريخ والبحققها الهلال
*يعود الفضل فيها للاجانب الذين يستعين بهم المريخ والهلال ؟؟؟
*قلت ليها ياهو يا بتي
*ايها الناس
*الجهاز الفني لا عذر له
*لانه هو من يختار كلية المنتخب
*وهو من يحدد بداية الاعداد
*وهو من يختار طريقة اللعب
*وهو من يختار التشكيل
*بذمتكم امس خطتنا شنو ؟؟؟ظ
*تعال بالبدله واملصها قبل المعز يملص ؟؟؟
*دي الخطه الجينا بيها
*ايها الناس
*ربنا بسألكم عن شغلكم
*بسألكم عن ضياع المنتخب
*بسألكم عن الحزن الذي زرعتوهوا في قلوب العشاق
*بسألكم عن فقدان المنتخب لثقة الناس
*ايها الناس
*دفنا امس
*ويستمر الفراش
*مابنرفع الفراش الا يرفع الفاشلون اياديهم عن الكرة
*ايها الناس دفنا امس
*لاحولة ولاقوة الا بالله
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*اها
*كده كويس !!!
سلك كهربا
ننساك كيف ولسه الباميه ياها نفس الباميه ونفس الوجوه ونفس الفشل
والي لقاء
سلك
b_silik@hotmail.com
